radheef.info
ރަދީފު


ކޮޅުން
މ (1) ކަފައާއި އަލަނގުފަދަ ތަކެތި އައްޕަތުން ނުވަތަ ޕަޓޭމީން ހިންމިއަށް ވެއްދުން (2) މަޖާޒު: އެއްޗެއް ހޯދާން ތަންތަނަށް ބޯދީ އަތް ބާނައި ހާވައި ހެދުން
ބަންގާޅުފޮށި
ނ ބަންގާޅުން ގެނެސް އުޅުނު ރަންގޫނުފޮށި މީގައި އޭރުގެ އެހެން ފޮށިތަކުގައި ހުންނަ ފަދަ ފައެއް ނުހުންނާނެއެވެ އޭގެ ބަދަލުގައި ހުންނަނީ ފޮށި ވަށައިގެން ފަތި އަޅާފައެވެ މިފަތިކޮޅު ހުންނަނީ މަތީކައިރީ ފަރާތުގައި ދާރަ ޖަހައިފައި ތިރީކައިރި ވަކި ކުރެހުމެއްހެން ތަންތަންކޮޅުން ކަނޑައިފައެވެ
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައްދާވައްގަނޑު
މ އޮޑިދޯނިފަހަރުގައި އެން ދިރުވާން ޖަހާ ފިލާ ހަރުކުރާ ވައް މިގޮތުން ކޮޅުފަސްކޮޅާއި ދިރުނބާކޮޅުން ވެސް ބައްދައެވެ
ބަމަ
ނ (1) މިންއަޅާންގެންގުޅޭ މިނެއް މީގެ ދިގުމިނަކީ ތިންރިޔަނާ އަށް އަނގުލެވެ މިމިންބޭނުންކުރަނީ ފެނުގެ ފުންމިން ބެލުމަށާއި ބިމުގެ ބޮޑުމިން ބެލުމަށެވެ (2) ދެއަތް ދެފަރާތަށް ދަމާލީމާ އެއްއަތުކޮޅުން އަނެއްއަތުކޮޅާ ދެމެދު
ބަލިހެލުން
މ (1) މީހެއްގެ ހުންނަ ވިޔާނުދާ ހަޑިހުތުރު ޢަމަލެއް ތަކުރާރު ކުރުން (2) ދާއިމީ ބައްޔެއް ހުރުމާއެކު ދުވަސް ދުވަސްކޮޅުން ބަލިނުބައިވުން
ބަޑިއެރުން
މ (1) ފުފިގެން އެރުން (2) އެތެރެއަށް ވައިވަދެގެން ތަންތަންކޮޅުން އުފުލުން
ބިއްދަނޑިއެޅުން
މ )ސ ( ތޮށަލި ނުވަތަ ފަންޖަހާ ބިތް ބިތުގައި ބޭރުފަރާތު ގައި ރަހަށް އެއްކޮޅުން އަނެއްކޮޅަށް ދަނޑިއެޅުން
ބެރުގުޑުގުޑާ
ނ ގަނޑުވަރު ތެރޭގައި ނޮޅިކޮޅުން ހިއްޕަވާ ވަރުނޫން މީހުން ދުންބޯން ހުންނަ ގުޑުގުޑާ
ބޮލުރޮދި
ނ ގުޑިއާއި ތެލަނގަފަދަ ތަކެތީގެ މަތީކޮޅުން ބޮލަށް ވާހިސާބު ދޫކޮށް ލަންބާދުނީގެ ދެފަރާތަށް އައްސައިފައި ހުންނަ ރުދި ނުވަތަ ޖަހައިފައި ހުންނަ ރޮދި
ބޮސްވަރަށްކޮޑުން
މ )ސ ( މުޅި ދޯނި އެކީއެކަށް ކޮޅުން
ބޮޑުއަށިކޮޅުއެނދު
ނ ބޮޑުއަށީގެ ފައިލާކޮޅުން ތިރިއަށިމަތީގައި ހުންނަ އެނދު
ކަށިމިޔަރު
ނ މިޔަރުގެ ބާވަތެއް. މިއީ ބޯކޮޅުން މެދު އުރަހައިގެ ބުޑުދޮށުގައި ކަށްޓެއް ހުންނަ ބޯކޮޅު ހިމަ އަނގަ ކުޑަ ދޮޅުރިޔަނެއް ވަރުގެ މިޔަރެކެވެ
ކަނދޮއްމަސް
ނ ގަނޑަށް ކަނޑާ މަހުގެ ކޮޅުން ބުރިކޮށްލާ މަސްކޮޅު
ކަންބަރާ
ނ އޮޑިއަޅާވައު ކަނިކުރެދީގެމަތީގައި އަތްއަތަށްނުޖެހި އޮންނަ ގޮތަށް ހައްޔަރުކުރުމަށް ފެންފިލާގެދަށުން ދިރުނބާކޮޅުން ނެރެފައި އޮންނަ ވާގަނޑެއް
ކަޅަލިބިބީ
ނ ބިބީގެ ބާވަތެއް މިމަހުގެ ވަށައިގެން ހުންނަނީ ރީނދޫކުލައެވެ މަހުގެ އަރިމަތި ހުދުވެފައި ކަޅުކުލައިގެ ރޮނގުތަކެއް ހުރެއެވެ ކޮތަރިބައިގެ ކުރީކޮޅުން ބަނޑުދަށް ފަރާތުގައި ކަޅުކުލައިގެ ލަފެއް ހުރެއެވެ މަހުގެ ލޯހުރަސްކޮށް ކަޅުކުލައިގެ ފުޅާ ރޮނގެއް ހުރެއެވެ
ކަޅުމަސް ހިބަރު
ނ ހިބަރުގެ ބާވަތެއް މިއީ އިސްކޮޅުން ބޮޑު ދިގު މަހެކެވެ މަހުގެ މަތީ ތުނބުގެ ކޮޅު ވަކިން ދިގުވެފައި ހިމައެވެ މަހުގެ ބުރަކަށިމަތީގައި ދެކޮތަރިބައި ހުރެއެވެ މަހުގެ ނިގޫކޮޅުގެ ދެފަރާތުގައި ދެކުރަގަނޑު ހުރެއެވެ
ކައިކޯޅި
ނ )ޏ ސ ( ބޮޑުވައި އިނގިއްޔާއި ޝަހާދަތް އިނގިއްޔާއި ދުރުކޮށް ދަމާލީމާ ޝަހާދަތް އިނގިލީގެ ކޮޅުން ކުޑަވައި އިނގިލީގެ ކޮޅާއި ދެމެދުގެމިން
ކައިވަތް
ނ (1) އަތުގެ އިނގިލިތައް ފޭކޮށްދަމާލީމާ ބޮޑުވައި އިނގިލީގެ ކޮޅުން ކުޑަވައި އިނގިލީގެ ކޮޅާއިދެމެދުގެ މިން (2) މުށެއްގެ ދެބައިކުޅަ އެއްބައި
ކަވާ
ނ ބަލިމަޑުކަމެއް ފިލުވުމަށްޓަކައި ހަށިގަނޑުގެ ބޭރު ހަން ކުރަފަތަކުން ތަންތަންކޮޅުން ކަނޑައި ކަވާފުޅި ހިއްޕައިގެން ލޭނެރޭ ނެރުން
ކަލަމިދިވުން
މ ދެމަތިފުށް ރަސްމަތިކޮޅުން އައުން