radheef.info
ރަދީފު


ކޮނޑު
ނ (1) ކޮނޑުހުޅުންފެށިގެން ކަނދުރާއާ ދެމެދު (2) ލިބާހުގެ އަތާއި ބަދަނާއި ގުޅުނުތަން (3) ބޯވަޅުއެޅި ލިބާހުގެ ކޮނޑުމައްޗަށް ވާހިސާބުން ކަފައިލައިފައި އޮންނަތަން (4) ގުޑިއާއި ތެލަނގަފަދަ އެއްލާ ތަކެތީގެ ލަނބާދުނީގައި ބޮލު ރޮދީން ބޭރަށް އޮންނަ ތަން (5) ބައެއް މަހާނަގަލުގެ ދެފަރާތުން ކަނޑައިފައި ހުންނަ ކައްވާދު (6) ފިރިހެން މަހާނަގަލުގެ ބޮލުގެ ދެފަރާތުގައި އޮންނަ ވަނާގެ މަތި (7) ހެދުން އަޅުވަން ބައިމަތީގެ ބައްޓަމަށް ހަދައިފައި ހުންނަ އެއްޗެއް
ވަގުމެރިއުކުޅު
ނ ހިފުމުގެ އުކުޅެއް އަނެކާގެ އަތުގައި ހިފައި ފޮރޮޅާލުމާއެކު ކޮނޑު މައްޗަށް އަރުވައި ކުރިމައްޗަށްޖަހާ ޖެހުން
ވެރިކަން
ނއނ (1) މިލްކުވެގެންވާ ކަން. (2) ކަމެއްގެ ނުވަތަ ބައެއްގެ މަސްއޫލިއްޔަތު ކޮނޑުގައި އެޅިފައިވާކަން. (3) ކޮނޑުގައި އެޅިފައިވާ ބައެއްގެ މަސްޢޫލިއްޔަތު
މަކަނަ
ނ މޫނު ނިވާނުކޮށް ބޮލާއި ކަނދުރާއާއި ކޮނޑު ނިވާވާގޮތަށް އަޅާފޮށާ
މަކަނަށް ފޮށާލުން
މ މޫނިނިވާނުކޮށް ބޮލާއި ކަރާއި ކޮނޑު ނިވާވާގޮތަށް ފޮށާލުން
މަތިހަށިނެގުން
މ (1) މޭފުއްޕާލުމާއިއެކު އިސް އުފުލައި ދެކޮނޑު އުފުލައިލުން (2) މަޖާޒު: ހިނގަމުންދާ ކަމެއްގެ ތެރޭގައި އިސްމީހެއްގެ ގޮތް ދައްކައިގެން އުޅުން
މުލައްދަނޑި
ނ ކޮނޑުހުޅުން ފެށިގެން އުޅަނބޮށި ހުޅާ ދެމެދުގައިވާ ބައި
ދޮޅިދާން
ނ ބޯކުގޮތަށް މަތިހަދައިފައި ދެކޮޅުގައި ކޮނޑުއަޅައިގެން ގެންދެވޭ ގޮތަށް ހުންނަ އެނދު
ދަނޑިމަސް
ނ (1) މަސްދޯނިފަހަރު ވަކިވަރަކަށް މަސްބާނައިގެން އައިމާ އެބޭނިމަހުން ގަނޑުވަރުތެރެއަށް ގެންދާމަސް މިމަސްގެންދާ ގޮތަކީ ތިންމީހުން ތިންދޮށީގެ ބުޅީގައި މަސް އަޅުވައިގެން ތިންދޮށި ކޮނޑުމަތީގައި ބާއްވައިގެން ކޮންމެ މީހަކު އެމީހަކު ދޮށީގެ ބުޅީގައި އަޅުވައިފައި އޮންނަމަހުގެ ނިގޫފަތުގައި ހިފައިގެންނެވެ (2) ޚާއްޞަގޮތްގޮތުން ދޯނިފަހަރުންދޭ މަސް
ދެގަސްފޭލި
ނ ރަސްރަސް ކަލުންނާއި ރަނިރަނިކަނބަލުންގެ ސަންދޯއްޕުޅު އުފުލާއިރު ކޮނޑުމަތީގައި ބާއްވާ ކުޑަފޭއްޔެއް
ދޯޕައްޓާ
ނ ޕާކިސްތާނު ހެދުމުގައި ކޮނޑުމައްޗަށް އެއްލައިފައި އޮންނަ ހަނިދިގު ތުނި ފޮތިގަނޑެއް މިބުރުގާއެއްގެ ގޮތުގައިވެސް ބޭނުން ކުރެއެވެ
ތަންޑިޔާ
ނ ބަރުތަކެތި އެއްތަނުން އަނެއްތަނަށް ގެންދިއުމަށް އެއްޗެއްގައި ވާޖަހައި އައްސައިގެން މީހުންގެ ކޮނޑުމަތީ އުފުލުމަށް ބޭނުންކުރާ ފަލަދަނޑިއެއް
ލަކިއޮއްޓުގަނޑު
ނ ތެލަނގައިގެ ފިޔަދުނީގައި އެއްކޮނޑުން އަނެއްކޮނޑަށް އަޅާ ހުރަސް
ގަލަސް
ނ (1) )ބދ ( ރަސްކަލުންގެ ރަސްމީ އިއްޒަތުގެ ހެދުންކޮޅުގެ ކޮނޑުމަތީގައި ލާބޮނދި އެލުވައިފައި ހުންނަ ފޮތިކޮޅު (2) )ހ ( ބިއްލޫރިތަށި
ގަސްފޭލި
ނ ރަސްރަނިކަނބަލުންގެ ސަންދޯއްޕުޅު އުފުލާއިރު ކުދި ބޭކަލުންގެ ކޮނޑުމަތީގައި އަޅާފޭލި
ގޮނޑުދޮށުމޫނުންބާނި
ނ ވާރުވެރިޔާ ވާރުފަތްކޮޅު ކިޔުއްވަން ދުރުވާ ދަތުރު ރަށްރަށުން ކުރާ ވެދުމެއް މިކަންކުރާ ގޮތަކީ ވާރުވެރިޔާ ރަށަށް ފައިބަންނަވާ ވަގުތު ދަނޑިއެއްގައި ބޮލިކޮއްޓޭ އެއްލައި ދެމީހަކު ކޮނޑުއަޅައިގެން ވާރުވެރިޔާއާއެކު ފަތްކޮޅު ކިޔުއްވާ ތަނަށް ގެންގޮސް ބޮލިކޮއްޓޭ އެތާގައި ބާއްވަނީއެވެ
ގޮންޖެހުން
ނ (1) އަންހެނުން އިހުގައި އީދުތެރޭގައި ކުރާކަމެއް. މިކަންކުރާގޮތަކީ ފަހަތުން ދުވެފައިގޮސް "ޢީދުބޮލަށްގޮން" މިހެން ކިޔައިފައި އެ ފިރިހެން މީހާގެ ބޮލުގައި ނުވަތަ ކޮނޑުގައި އަތުން ޖަހައިފައި ދިއުމެވެ. މިއީ އަންހެނުންގެ ކެރޭކަން ދައްކަންކުރާ ކަމެކެވެ. (2) ވާދަކުރުން. (3) މަޖާޒު: މީހަކު ނުވަތަ ބަޔަކު ކަމެއް ކުރުމުން އެހެން މީހަކު ނުވަތަ އެހެން ބަޔަކު އެކަމެއް އެއަށްވުރެ މޮޅަށް ކުރާނެކަމަށް ބުނުން