radheef.info
ރަދީފު


ކެޔޮ
ނ (1) ފަތްކެޔޮ (2) ބަނބުކެޔޮ (3) ކަށިކެޔޮ
ކަށިކެޔޮފޮތި
ނ (1) ކަށިކެޔޮވަކުން ތުނިކޮށްނަގާ ފޮތިވަރު (2) ހާލުގެ ދަށުކެޔޮފޮތި
ކަށިކެޔޮލިޔާވަޅި
ނ ކަށިކެޔޮ ލިޔަން ޚާއްޞަކޮށް ހަދައިފައި ހުންނަ ވަޅި މީގެ ތިލައިގެ ދިގުމިނަކީ ގާތްގަނޑަކަށް ތިން އިންޗިއެވެ މުށްގަނޑުގައި ގާތްގަނޑަކަށް މުށެއް ހުރެއެވެ މިނޫންގޮތް ގޮތަށްވެސް މިވަޅިހަދައި ފައި ހުރެއެވެ
ކަނދިލިކެޔޮ
ނ މިއީ ފަތްކޭލުގެ ބާވަތެއް. މިއީ ބޮންތިރަތްކެޔޮ ފާޑަށްހުންނަ އެއަށްވުރެ ވަކުގެ އެތެރެހުދު ފަތްކޭލެއް މީގެ ގަހުގެ ދަޅިވެސް ހުދުވާނެއެވެ
ކާޅުދޮންކެޔޮ
ނ ރުއްމަޑިފަނި މިއީ ހުދުކުލައިގެ ފަންޏެކެވެ މިހުންނަނީ ބަދަބަދަޖަހައިފައި ފަލަކޮށެވެ މިބާވަތުގެފަނި ގިނައިން އުޅެނީ ފީ ރުއްގަނޑުގަނޑުގައެވެ މިފަންޏަށް ކާޅުދޮންކެޔޮ ކިޔަނީ ކާޅު މިފަނިކާތީއެވެ
ކިރުކެޔޮ
ނ ފޮނިކާއެއްޗެއް މިކައްކަނީ މާޅޮސްކޭލާއި ކިރާއި ފުށާއި ހަކުރު އަޅައިގެންނެވެ
ކުޅޭކުޅޭކަށިކެޔޮ
ނ ހިއަތޮނަ ގަހުގެ މާ
ކުދިންކުޅޭކަށިކެޔޮ
ނ (1) ވިނައިގެ ބާވަތެއް މީގެ ފަތް ވައްތަރުވާނީ މިރުސްފަތާއެވެ (2) މިވިނައިގައި އަޅާވަކި މިހުންނަނީ ފެހިކުލައިގައި ވަށްކޮށް ކުރަކި ކޮށެވެ
ކެޔޮބުޑު ބަވާޒީ
ނ ފުރަގަސްފަރާތު ބަލީގެ ބާވަތެއް މިއީ ފަރުވާނުކުރެވި ގިނަދުވަސްވީމާ އަޑިޔަށް މޫލައި ބޭރަށް ނާރުފުއްޕައިފައި ހުންނަހެން ވަށައިގެން ފުއްޕައިފައި ހުންނަ ބައްޔެކެވެ
ކެޔޮޅާ
ނ ކަށިމަލުފެން މިއީ އިހުގައި ބަންގާޅުން ގެނެސްއުޅުނު އެއްޗެކެވެ މިހުންނަނީ ފިނިފެންފުޅިހެން ހަމައެވަރުގެ ފުޅިފުޅީގައެވެ މިބޭނުންކުރަނީ ކާއެއްޗެއްސަށް އަޅާށާއި ބޭހަށެވެ
ކެޔޮޅުންބޮޅު
ނ )ށ ( ކެޔޮޅުރޮއްވި
ކެޔޮޅުރޮއްވި
ނ ފަރުމަހުގެބާވަތެއް މިއީ ދިގުކޮށްހުންނަމަހެކެވެ މިމަހުގެ މަތީތުންގަނޑަށްވުރެތިރީތުން ދިގުވާނެއެވެ މަހުގެކުލައަކީ ނޫއަޅިކުލައެވެ މިކުލަހުންނަނީ ވައިލެޓުކުލައާއި ގާތްކުރާކަހަލަ ކުލައެއްގައެވެ ކަރުތާފަތުގެ ކުރީބައިގެ ކައިރިފަށް ހުންނަނީ ކަޅުކުލައިގައެވެ
ކެޔޮޅުކަން
ނއނ ކެއުޅުކަން
ކެޔޮޅުކަން ކުރުން
މ ކެއުޅުކަން ކުރުން
ކެޔޮޅުކަން ވުން
މ (1) މަސްވެރިކަންވުން މަޖާޒު: (2) ބޭނުންވެގެން އުޅުނުކަމެއް ފުދުން
ކެޔޮއަރި
ނއނ ކެޔޮގަނޑުގެ ވައްތައް އެއްކޮށްހުންނަބައި
ކެޔޮވައް
ނ ކެޔޮއަރީގައި ހުންނަ ވައްތަކުގެތެރެއިން އެކަތި
ކެޔޮފަތްހިކާ
ނ ހިކާގެބާވަތެއް މިހިކާހުންނާނީ ކެޔޮފަތް ކުލައިގައެވެ
ކެޔޮފޮތި
ނ ހާލުގެ ބޮލުގައި ތުނޑުތުނޑުލައިފައި ރަތްކުލައިގައި މަޑުކޮށް ހުންނަ ތަންކޮޅު
ކެޔޮދަޅި
ނ (1) ކެޔޮގަހުގެ އެތެރޭގައި އޮންނަބައި (2) ކެޔަފަތުގެ މެދުގައި އޮންނަ ހަރުތަން
ކެޔޮދަޅި ސަންދޯއް
ނ ކުޑަކުދިން މަރުވީމާ ވަޅުލުމަށްޓަކައި ކެޔޮދަޅިން ހަދާ ސަންދޯއް