radheef.info
ރަދީފު


ކެހެރި
ނ (1) ޖަނަވާރުގެ އިސްތަށި. (2) ބައެއް ގަސްގަހުގެ ފަތުގައްޔާއި ގަންނަ ތަކެތީގައި ހުންނަ ހިމަ ލޯލި (3) އިސްތަށި (4) ކެހެރިއާ އެއްގޮތަށް ހަދައިފައި ހުންނަ ތަކެތި
ބޮއިފައް
ނ )ސ.( ޅަފިޔޮއް ދޫނި ފަދަ ތަކެތި ވިހައިގެން އުޅޭއިރު ހުންނަ ކެހެރި
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކިސުޑި
ނ ފޭރާމުގެ އޮމާންކަމާއި އޮފުކެނޑި ކެހެރި ހިލިގެންވާރާޅު އެހެން އެއްޗެއްސަށްވެސް އެގޮތްވީމާ މިހެންކިޔައެވެ
ކިސުޑިވުން
މ ފޭރާމުގެ އޮމާންކަމާއި އޮފުކެނޑި ކެހެރި ހިލިގެން ރާޅުވުން
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮތަން
ނ ކައިރީގައި ތުނޑުހުރެފައި ވައްކޮށް ފަތްހުންނަގަހެއް މިއީ ބޭހަށްގެންގުޅޭ ފިލާވެއްޔެކެވެ މީގެފަތުގައި ކެހެރި ހުންނާނެއެވެ މީގެ ކިތަންމެބާވަތެއް ހުރެއެވެ
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
މަޢުޒުބަކަރި
ނ ބަކަރީގެ ކެހެރި ދިގުވައްތަރެއް
މާބުޅާ
ނ ބޭހަށާއި ކެއުމަށް ބޭނުންކުރާ ފަތްޕިލާވެއްޔެއް މިގަހުގެ ފަތުގައި ވަރަށް މަޑުކެހެރި ގޮތެއް ހުންނާނެއެވެ މާހުންނާނީ ރީނދޫ ކުލައިގައި ވަށްކޮށެވެ މީގައި އަޅާ ވަކި ހުންނާނީ ވަށްކޮށް ފިތްފިތަށެވެ އެއިން ކޮންމެ ފިތެއްގައި ދެތިން އޮށް އޮންނާނެއެވެ
މާވިނަ
ނ (1) ދަނޑުމަތީގައި ގޮފިލާ ހެދޭގޮތަށް ހުންނަގަސް (2) އަތިރީގޭވިނަ މިއީ ފަތްތައް ތުނޑަކަށްވުރެ ތުނޑެއް ހިމަވަމުންދާގޮތަށް ބޯކޮށް ހުންނަ ކައިވަތެއްހައި ދިގު ތަނޑެއްގައި ބޮނޑިމަސް ހުންނަ ކުޑަކުޑަ މަލެއް އަޅާ ކުޑަގަހެކެވެ މިގަހުގެ ހުރިހާ ތަނެއްގައި ރާޅުގޮތެއް ހުންނަ ކެހެރިއެއްވެސް ހުރެއެވެ
މާތުބާ
ނ ހަތަރު ފަސްފޫޓަށް ހެދޭ ފަތުގެ ދަށުގައި ކެހެރި ހުންނަ ފަތްކުދިގަހެއް
މިރިހި
ނ ބޭހަށާއި ކެއުމަށް ފަތް ބޭނުން ކުރާ ގަހެއް )މިގަހަކީ ފަތުގައި ކެހެރިގޮތެއް ހުންނަ ރީނދޫ މަލެއް ފޮޅޭ ގަހެކެވެ
ފަށުފޭރާން
ނ (1) އުއިފަލަ ކެހެރި ވައްތަރަށް ހުންނަ ދޯހަޅި ފޮއްޗެއް )ދިދަކަނޑާފޮތި( (2) ފަށުފޭލި
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފޫޖެހުން
މ (1) ބައެއް ކަހަލަ ކާ އެއްޗެހި ގިނަދުވަސްވެ ހަލކުވާން ވެގެން ނުވަތަ ވައި ބަންދުވެގެން އޭގައި ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް އުފެދުން (2) ދާ ހިއްލާ ހިކުނީމާ ގައި ގައްޔާއި ފޭރާމުގައި ހިކިފައިވާ ލޮނު އުފެދުން
ފޮނިލޯލި
ނ ބޭހަށް ބޭނުންކުރާ ކުދިވިނައެއް. މީގައިވަރަށް ކުދިކުދި މާތަކެއް އަޅައެވެ. ފަތް ކޮއްޗޭފަތާ އެއްގޮތެވެ. ނަމަވެސް މިފަތުގައި ބޯކޮށް ކެހެރި ފަޅައިފައި ހުރެއެވެ