radheef.info
ރަދީފު


ކަތެއް
ނ (1) މީހެއް (2) އެކަމަކަށް ކުޅަދާނަ މީހާ
ކެއްސަމަކުން ލޯގަނޑެއް އުކައެއް ނުލެވޭނެ
)މުސްކުޅިބަހެއް( ބުރަދެމަސައްކަތެއް އެއްފަހަރާ ނުކުރެވޭނެކަން އެންގުމަށް ބުނާބަހެއް
ކޮނެކެއުން
މ މަޖާޒު: (1) މަސައްކަތެއް ނުކޮށް އެކިމީހުން އަތުން އެކިދުވަހު ކެއުން (2) ދިރިއުޅޭނެ ޚާއްސަގޮތެއްނެތި އެގޮތް މިގޮތުން ކައި އުޅުން
އަރުވާޖެހުން
މ އަނދެގެން ހުންނަ އެއްޗެއް ކޮށިކުރުން މިކަން ގިނައިން ކޮށް އުޅެނީ ކޮންމެވެސް މަސައްކަތެއް ކުރާންވެގެން އަނދެގެން ހުންނަ އެއްޗަކުން ދަތިވަންޏާއެވެ
އަތްކުރުކޮށްލުން
މ (1) ތިމާޔާގާތަށް އަތްލަނބާ އަތަށް ބާރުލުން (2) މަޖާޒު: އަތުންކުރާ މަސައްކަތެއް އަވަސް އަވަހަށް ކުރުން
އަތްދަށުދޮށިއެޅުން
މ (1) ކެޔޮޅުމީހާގެ ފަހަތުގައި ހުރެގެން ދޮށިއެޅުން މަޖާޒު: (2) ވެރިއެއްގެ ދަށުން ކަންތައްކުރުން (3) މަސައްކަތެއްގައި މީހަކާ އެހީވުން
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އާނ
އ (1) ހޫން (2) އާނއެކޭ (3) ބިރުވެރި ކަމެއް ނުވަތަ ނުރައްކަލެއް އޮވެގެން އަންގައިލާން ބުނާ ބަހެއް (4) ބަޔަކުމީހުން މަސައްކަތެއް ކުރާއިރު އެންމެން އެއްފަހަރާ ބާރުލުމަށްޓަކައި އަންގައިލާން ގޮވާގޮތެއް މިގޮތުގައި "އާނ" ގޮވާނީ ދަމާލައިފައެވެ (5) އެހެންތަ؟ މިގޮތުގައި މިބަހުގެ މާނަ ދޭހަވާނީ އެމާނަ ގަސްދުކޮށްގެން ބުނާ ރާގުންނެވެ
އާލާތް
ނ (1) މަސައްކަތެއް ކުރަންގެންގުޅޭ ސާމާނު. (2) ނައުފަހަރާއި އޮޑި ދޯނިފަހަރުގެ ވާވެލާވެލި
އާލާތްނެތިކެޔޮޅެއްނުވާނެ
)މުސްކުޅިބަހެއް( މަސައްކަތަށް ކިތަންމެ މޮޅުމީހެއް ކަމުގައިވިޔަސް އެމަސައްކަތެއްގެ އާލާތްނެތި އެމީހަކަށް އެކަމެއް ނުކުރެވޭނެކަން އެންގުމަށް ބުނެއުޅޭބަހެއް
އުންކާރު
ނ (1) ނުހަނު ބަރުމަސައްކަތެއް ކުރާއިރު ލާއެންމެ ގަދަބާރު (2) ގަދަބާރުލާން އިއްވާއަޑު
އުންކާރުދިނުން
މ (1) ނުހަނު ގަދަ މަސައްކަތެއްގައި ބާރުލާ އަޑުއިއްވުން (2) ތިމާއާއި ނުކުޅަދާނަ މަސައްކަތެއް ކުރާން ބާރުލައިފައި އުޅުން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
ވަޅިދުށްތާ ކާށިކެއުން
)މިސާލުބަހެއް( ތިމާކުރި މަސައްކަތެއްނެތި ބައެއްގެ މެދުން ކުރިމަތިވާ ކަމަކުން ފައިދާ ހޯދައި ގަތުން
ވަޒީފާއަދާކުރުން
މ މުސާރައެއް ލިބޭގޮތަށް ކަނޑައެޅިފައިވާ މަސައްކަތެއް ކުރުން
ވިދެޔާހުސްބުޅިޔާ
ނ މަޖާޒު: ލިބޭ މުސާރައިގެ އިތުރަށް އެތައް މަސައްކަތެއް ކޮށްގެން ގޭގެ ޚަރަދު ހަމަޖެއްސުން
ވެދުމާދިއުން
މ އިހުގައި ތޮށިލުން ފަދަ ސަރުކާރުގެ ގަދަ މަސައްކަތެއް ކުރުމަށްފަހު ލަވަކިޔަމުން ނަށަމުން ރަސްގެފާނު ހުންނަވާ ގަނޑުވަރު ދޮށަށް ގޮސް ލަވަކިޔައި ނެށުން
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަސައްކަތުދިއުން
މ (1) އާމްދަނީ ހޯދުމަށް އާދަކޮށް ކުރާކަމެއް ކުރަން ދިއުން (2) ބަޔަކުކުރާ މަސައްކަތެއްގައި ބައިވެރިވާން ދިއުން
މަސްގުޅަކެއުން
މ ދުވުން ހިފުން ފަދަކަމެއް ނުވަތަ ބުރަ މަސައްކަތެއް ނުކުރާތާ ގިނަދުވަސްވުމަށްފަހު އެފަދަކަމެއް ކުރުމުން ހަށިގަނޑަށް އިޙްސާސްވާ ތަދަކާއެކު މަސްގަނޑަށް ހަރުކަން އައުން
މަޝްރޫޢު
ނ ކުރިއަށް ރާވައިގެން ތަރައްޤީއަށް ހިންގޭ މަސައްކަތެއް ގިނަފަހަރަށް މިއީ ދިގު މުއްދަތަށް ރާވައިފައި އޮންނަ ކަމެކެވެ