radheef.info
ރަދީފު


ކައް
ނ ދިވެހިލިބާހާއި ޕިޖާމާ ފަހާއިރު ކިހިލިފަތްދަށަށްވާ ދިމާގައި އަރިޔާއި އަތާ ގުޅުވައިފައި އޮންނަ ހަތަރެސްކަން ފޮތިކޮޅު
ފަތިދެމުން
މ އެކެއްގެ ފަހަތުގައި އަނެކަކު ހުންނާނެ ގޮތަށް ނުވަތަ އެކައްޗެއްގެ ފަހަތުގައި އަނެކައްޗެއް އޮންނާނެގޮތަށް އެތުރުން
ފަތީލުން
މ (1) އެކަތި އެނެކައްޗާއެކު ގުޅަމުން ގުޅަމުން ގެންދެވޭ ގޮތަށް ބަންނަ ބަނުން (2) ކާށި ނުވަތަ މަސްފަދަ ތަކެތީގެ އެއްފަތި އަނެއް ފައްޗާ ގުޅުން
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހައްބަ
ނ ކޮންމެ އެއްޗަކުން ނަމަވެސް ބޭނުމެއް ނުހިފޭހައި މަދު މިންވަރު މިބަސް ބުނެއުޅެނީ އެއްޗެއް ނެތްކަން ދެއްކުމަށެވެ މިސާލު: އޭނާ އަތުގައި ހައްބަވެސް ނެތެވެ އެބުނީ އޭނާ އަތުގައި އެކައްޗެއްވެސް ނެތް ވާހަކައެވެ
ހައްބަމުކައްބަވެސް ނެތުން
ގބ މީހެއްގެ އަތުގައި އެއްވެސް އެއްޗެއް ނެތްކަން ގަދަކޮށްލުމަށް ބުނެއުޅޭ ބަހެއް މިސާލު: އޭނާގެ އަތުގައި ހައްބަ މުކައްބަވެސް ނެތެވެ
ހަވާދު
ނ (1) ރިހަކައްކާއިރުއަޅާ ދިރި ދަވިއްގަނދު ކޮތަނބިރި ފިޔާ ލޮނުމެދު މިރުސް ފަދަ ރިހަޔަށްލާން ބޭނުންކުރާ ބާވަތްތައް (2) އަތްކަންކުރާމީހުން ރަނުގެ ބަޔެއް ގަހަނާގެ ކުރެހުމުގެ ތެރެއަށް އަޅާ ކަޅުކުލައިގެ އެއްޗެއް (3) ފޮނިތޮށި ހަވާދު
ހަވާދުލުން
މ (1) ރިހަކައްކާ ބާވަތަކާއި ހަވާދާ އެއްކުރުން (2) ފޯއްކޮށައި ފޮނިތޮށި ހަވާދާ އެއްކުރުން
ހަތަރުޖަންގީކައްޕި
ނ ހަތަރު ފޮރޮޅުލީ ކައްޕި
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ
ހަލުވިދާނަރު
ނ ހަލުވިދާ ކައްކާން ގެންގުޅޭ ފުސްކުލައިގެ ފަށްތަކެއް މިއީ ކަނޑުގެ ވިނައަކުން އުފައްދާ އެއްޗެކެވެ
"ހައް" ބަލާ! ހާޑުހައް
ނ ހާޑުލައްވާކައްޕި
ހިނގާޞަލަވާތް
ނ އިހުގައި ސަރުކާރުގެ ފަރާތުން ޒިޔާރަތް ޒިޔާރަތްދޮށުގައި ކިޔެވި ޞަލަވާތް. މިޞަލަވާތް ކިޔަވައި އުޅުނީ ކޮންމެ ދުވަހަކު ޒިޔާރަތެއް ދޮށުގައެވެ. މާލޭގައި ހުރިހާ ޒިޔާރަތްވަށާ ޖެހުނީމައި އަނެއްކާ ފަށަނީއެވެ މިކަމަށް ގެންދާ ކޭން ކައްކަނީ ކަބާފާނު ގަނޑުވަރުގައެވެ
ހިންމުން
މ (1) ތަރާފަތުގައި ގަނޑުލުން (2) ކައްކަން ގެންގުޅޭ ވިރިކެކޭ ތަކެތީގައި ހެދޭ ލޯވަޅު ބެއްދުން
ހިންދުން
މ (1) ކައްކައިކައްކައި ފެން ހުސްކުރުން (2) ކައްކައި ފެން މަދުކުރުން (3) އެއްޗެއްގެ ބައްޓަމުން އަޑިކުރުން
ހިބަ
ނ (1) ހަމަ ހިލޭ ދިން އެއްޗެއް (2) ހިލޭ ދޭދިނުން (3) މާވިހަގަދަ ކައްޓެއްހުންނަ ލަނޑާ ޒާތުގެ މަހެއް (4) (ހ) ކުރަފިޒާތުގެ ބޮޑު ދިރޭއެއްޗެއް، މި ގިނައިން އުޅެނީ ކުނިގޮނޑުގެ ތެރޭގައެވެ
ހިބަންމަސް
ނ (1) މާވިހަގަދަ ކައްޓެއް ހުންނަ ލަނޑާ ޒާތުގެ މަހެއް (2) ފަސްގަނޑުގައި އުޅޭ ވަޅުޖަހާ މަހެއް
ހިކިރިހަ
ނ ދިޔަނުހުންނަ ގޮތަށް ހިކިކޮށް ކައްކާ ރިހަ
ހިކިމަސް
ނ ގަނޑަށް ކަނޑައިގެން ކައްކައި ހިއްކައިފައި ހުންނަމަސް
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ