radheef.info
ރަދީފު


ކަންތައް
ނ (1) ކަމުގެ ގިނަގޮތް (2) މަސައްކަތްތައް
ހިންގުންތެރިން
ނ (1) ކަމެއް ނުވަތަ އެއްޗެއް ހިމޭންވިއަނުދީ ޙަރަކާތް ތެރިކުރުމުގެ ސިފަލިބިފައިވާ މީހުން (2) ގިނަކަންތައްތަކެއް ފުރިހަމައަށް ކުރިޔަށް ގެންދިޔުމުގެ ކުޅަދާނަކަށް ލިބިފައިވާ މީހުން
ހިންގުންތެރިކަން
ނއނ (1) ކަމެއް ނުވަތަ އެއްޗެއް ހިމޭންވިޔަނުދީ ޙަރަކާތްތެރި ކުރުވުމުގެ ސިފަލިބިގެންވާކަން (2) ގިނަކަންތައްތަކެއް ފުރިހަމައަށް ކުރިޔަށްގެންދިއުމުގެ ކުލަދާނަކަން ލިބިގެންވާކަން މިސާލު: އެއީ ވަރަށް ހިންގުންތެރި ވެރިއެކެވެ
)ހަރުބަހެއް( ތާކުންތާކުނުޖެހޭ ކަންތައް ނުކުރުމަށް ނަސޭހަތްތެރިވުމުގެ ގޮތުން ބުނެއުޅޭ ބަހެއް ހިކިފަސްތާ ބަކަނާޅާށެވެ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިމުން
ނއ (1) ފުށްކުދި (2) ފުއްބޮޑުކަމުގެ އިދިކޮޅު (3) ރާޅުކަމުގެ އިދިކޮޅު (4) ދެގަނޑެއްޗެއް ޖެހިފައި ހުންނަލެއްގާތް (5) )މ ( އެދޭގޮތަށްވުން މިސާލު: އޭނާކުރާ ކަންތައް އަހަންނަށް ވަރަށް ހިމެއެވެ
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތުނެތްގޮތް
ނ (1) ހިތަށްވެސް ނާރާ ފަދަ ކަންތައް (2) ތަނަވަސްކަމުގެ ކޮޅުނެތް ކޮޅު މިސާލު: އައްޔަށް އެ މާވަހަރު ހޮވުނުފަހުން އެ އާއިލާ ހިތުނެތްގޮތަށް ދިރިއުޅެމުން ގެންދެއެވެ
ހިތުގައި ގާގަނޑެއްހެން އޮތުން
(މިސާލުބަހެއް) ތިމާޔަށް ހަސަރުކުރާގޮތަށް އަނެކަކު ކުރާކަންތައް ނުވަތަ ބުނާބަސްތައް ހިތުން ފިލައިގެން ނުގޮސް ހުންނަ ހުރުމަށް ބުނެއުޅޭބަހެއް
ހިތްއޮންނާނީ ދެލިގަނޑެއްހެންނެވެ. ކަން އޮންނާނީ ވެލިގަނޑެއްހެންނެވެ.
(މުސްކުޅިބަހެއް) ހިތްނުބައިކޮށްގެން ހުރެ ބޭރުފުށް އޮމާންކޮށް ކަންތައް ކުރާ މީހުންނާމެދު ބުނެއުޅޭ ބަހެއް
ހިތްވަރުގަދަ
ނއ (1) ހިތުގެ ސާބިތުކަމާއި ވަރުގަދަކަން ހުންނަ (2) ކަންތައްތަކާއި ކުރިމަލާން ކެރޭގޮތް ހުންނަ (3) ޖެހިލުންކުޑަ (4) ބިރުކުޑަ
ހިތްވަރުގަދަކަން
ނއނ (1) ހިތުގެ ސާބިތުކަމާއި ވަރުގަދަކަން ހުންނަކަން (2) ކަންތައްތަކާއި ކުރިމަތިލާން ކެރޭގޮތް ހުންނަކަން (3) ޖެހިލުންކުޑަކަން (4) ބިރުކުޑަކަން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ހުނަރު
ނ (1) ޙިކުމަތް (2) ފަންނު (3) ތަކެތި ހެދުމުގެ ވިސްނުން (4) ކަންތައްކުރުމުގެ ފާޑު
ހުނަރުވެރިކަން
ނއނ (1) ޙިކުމަތްތެރިކަން (2) ފަންނުވެރިކަން (3) ތަކެތި ހެދުމުގެ ގޮތުން ވިސްނުންތެރިކަން (4) ކަންތައްކުރުމުގެ ފާޑުވެރިކަން
ހުނަރުވެރިވުން
މ (1) ޙިކުމަތްތެރިވުން (2) ފަންނުވެރިވުން (3) ތަކެތި ހެދުމުގެ ގޮތުން ވިސްނުންތެރިވުން (4) ކަންތައްކުރުމުގައި ފާޑުވެރިވުން
ހުނަރުވެރިޔާ
ނ (1) ޙިކުމަތްތެރިޔާ (2) ފަންނުވެރިޔާ (3) ތަކެތި ހެދުމުގެ ގޮތުން ވިސްނުންތެރިޔާ (4) ކަންތައްކުރުމުގެ ފާޑުވެރިޔާ
ހުއްދަފަތާ ނިކުތުން
މ އިހުގައި ހުއްދަފަތާއި ޚިލާފަށް ހިނގާ ކަންތައް މަނާކުރުމަށް ވެރިކަމުގެ ފަރާތުން ބަޔަކު ނެރުން
ހުއްދަފަތް
ނ އިހުގައި ވެރިކަމުގެ ފަރާތުން އެކިއެކި ގޮތްގޮތުން މަނާވެފައި ހުންނަ ކަންތައްކުރުމުގެ އިޒުނަދެއްވުމަށް ދެއްވާ ފަތްކޮޅު
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު