radheef.info
ރަދީފު


ޅީ
ނ (1) ފޮނިގަދަ އެއްޗެހި ގިނައިން ކޭމާ އަނގަޔަށާއި ކަރުތެރެއަށް ވާގޮތް (2) ފޫހި
ހުދުތަން
ނ ލޮލުގެބައްޔެއް ލޮލުގެ ކަޅުކަޅީގައި މަލެއްގެ ސިފައަށް ނުވަތަ ހުނޅުބެއްގެ ސިފައަށް ޖަހާ ހުދު ތަންކޮޅެއް
ހުސް
ނއ (1) އެއްޗެއްނެތް މިސާލު: މިއީ ހުސްފުޅިއެކޭ ބުނެފިނަމަ އެއީ އެއްޗެއްނެތް ފުޅިއެކެވެ (2) މުޅީން (3) އެކީ މިސާލު: މިދަތުރުގެނައީ ހުސްހަކުރޭ ބުނެފިނަމަ އެއީ މިދަތުރު ގެނައީ މުޅިން ހަކުރެވެ ނުވަތަ މިދަތުރު އެކީގެނައީ ހަކުރެވެ (4) މީހަކުނެތް މިސާލު: ހުސް މަޤާމް (5) ހަމައެކަނި މިސާލު: ކެއީ ހުސްބަތް
ހުސްބުޅީގައިގަތުން
މ (1) އެންނާޅާ ބުޅީގައި މަސްގަތުން (2) މަޖާޒު: ފިރިހެނަކު ކޮށްލާ ކުޑަކުޑަ އިޝާރާތަކަށް އަންހެނަކު ޖިންސީގޮތުން އިޖާބަދިނުން
ހޫނުކަން
ނއނ (1) ފިނީގެ އިދިކޮޅުކަން (2) އަލިފާނާއި ކައިރިވީމާ ހޫނުގެ އަސަރުކުރާކަން (3) އަވީގައި ހުރީމާ ހަށިގަނޑަށް ހޫނުގެ އަސަރުކުރާކަން މަޖާޒު: (4) ރުޅީގެ އަސަރުހުރިކަން މިސާލު: މިއަދުގެ މެޗު ހުއްޓާލީ މާބޮޑަށް މެޗު ހޫނުވުމުގެ ސަބަބުންނެވެ (5) ފޯރިގަދަކަން (6) ގަދަ ޒުވާބުކުރާކަން
ކޯވަޅަ
ނ ފަތްޕިލާވެލީގެ ބާވަތެއް މިވެލުގެ ފަތް ހުންނާނީ ތޮރާވެލުގެ ޅަފަތް ހުންނަހެންނެވެ ތޮރާވެލުގެ ފަތަށްވުރެ މިފަތް ބޯވާނެއެވެ މިވެލުގައި އަޅަނީ ހިމަދިގުކޮށް ހުންނަ ތޮޅިއެކެވެ މިތޮޅީގެ އެތެރޭގައި މުރާކި އޮށް ހެން ހުންނަ އޮށްތަކެއް ހުރެއެވެ
ހޮޅިއެޅުން
މ ދުންބޯ ނޮޅީގެ ގަޓައިން ފަށައިގެން ތަންކޮޅެއް މައްޗަށް ތިމަރަ ހޮޅިއެއް އެރުވުން
ހޯޖާ
ނއ (1) އުރަވަޅީގެ އޮށްނަގައިފައިވާ (2) ކާސި (3) މަޖާޒު: ޝަހުވާނީ އެދުންނެތް
ނަނުފެން
ނ ކެޔޮޅުކަމުދާން ރެހަންޖަހައިގެން ގެންގުޅޭ ނަނުބައި ފެނުއެޅީމާ ހުންނަފެން
ނާށިގުޑުގުޑާ
ނ ދިގު ނާށިއުނބުން ހަދައިފައި ހުންނަ ގުޑުގުޑާ މިއުނބު ބޭނުން ކުރަނީ ފުޅީގެ ބަދަލުގައެވެ
ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ނޮޅިބުރި
ނ (1) އަނބުރާނޮޅީގެ ލުހެލާބައި (2) ނޮޅިއެއްގެ އެއްބުރި
ނޯށަށްއެރުން
މ ނޭފަތާއި ގުޅިގެން ކަރުތެރެއަށް ގޮސްފައިވާ ހޮޅީގެ ތެރެއަށް ކާއެއްޗެތި ނުވަތަ ބޯއެއްޗެއް ދިއުން
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަތްއޮނުގަނޑުތޮޅި
ނ ތޮޅީގެބާވަތެއް މިއީ ނިގޫފަތުގެ މެދުގައި ދިގުނަރުވައެއް ހުންނަ އަނޮގަކުޑަ މަހެކެވެ މިމަހުގެ މަތީބައިގެ ކުލައަކީ ރަތްމުށިކުލައެވެ ބަނޑުދަށް ފަރާތް ހުންނަނީ ރިހިކުލައިގައެވެ
ރާހުތްއެޅުން
މ ރާ އެއްޗަކަށް އަޅައިފައި އެހުރިގޮތަށް ސާޅީސް ވަންދެން ބެހެއްޓުން
ރިނދަބަލި
ނ ކަޅުކަޅީގައި ފާރުއުފެދޭ ލޮލުގެ ބައްޔެއް
ރުނބާ
ނ ހިރިމީގެ ސިފައިގައި ހުންނަ މުށީގެ ކަންވާރެއް. މިއީ ބޭރުގައި އޮފުލައިފައި ހުންނަ ޖާޑިއަށްވުރެކުޑަ ވިހި އަޑުބަޔާއި ސާޅީސް އަޑުބަޔާއި ދެމެދުގެ މިންވަރެއް އެޅޭވަރުގެ ކަންވާރެކެވެ
ރުޅިއައުން
މ ރުޅީގެ ޖަޒުބާތު ހިތުގައި އުފެދުން