radheef.info
ރަދީފު


ބޮކި
ނ (1) ފެނާއި އެހެނިހެން ދިޔާއެއްޗެހީގެ ތެރޭގައި ހުންނަ ވައިގެ ބަނޑިބަނޑި (2) ކަރަންޓުން ދިއްލޭގޮތަށް ހުންނަ ނަރުކޮޅެއްލައިފައިވާ ބިއްލޫރި އެއްޗެއް އާންމުގޮތެއްގައި ހުންނާނީ މީގެ ފޫ ހޯލްޑަރަކަށްޖެހޭ ގޮތަށެވެ މީގެ ވަރަށް ގިނަ ވައްތަރުހުރެއެވެ (3) އެތެރެ ހުހަށް އޮންނަގޮތަށް ބިއްލޫރިން ނުވަތަ އެހެނިހެން ތަކެތިން ހަދައިފައި އޮންނަ ބޯޅަ
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮނުއެރުވުން
މ (1) ބިންމަތި ފަސޭހަވާ ބަލީގައި އަނގައިން ފޮނުތައް ނުކުތުން (2) ދޮންނަ ކުނޑި ނުވަތަ ސައިބޯނި ފަދަ އެއްޗެހިން ފޮނު ހެއްދުން )ވައިގެ ބޮކިތައް ހެއްދުން(
ފޮޅު
ނ (1) އަވިން ނުވަތަ އަލިފާނުގެ ހޫނުކަން ލިބިގެން ގައިގެ ތަން ތަނުން ފެންއަރައި އުފުލިފައި ހުންނަތަންތަން (2) ބައެއް މަސައްކަތް ކުރީމާ ބުވަތަ ބާރު ފައިވާނަކަށް އެރީމާ ހަމުން ފެންއަރައި އުފުލިފައި ހުންނަ ތަންތަން (3) ދެ ފަށް ލާޖަހާއިރު ވަކި ވަރަކަށް ހޫނުގަދަވެގެން ލާބޮކިޖަހާ ވަރުވުމުން ފުއްޕާ ތަންތަން (4) ޖަންބު ފަތުގައި ހުންނަ އުން (5) ހަމުގެ ބައްޔެއް މި ބަލީގައި ގައިގެ ތަންތަން ކޮޅު ފުއްޕާފައި ފެންއެރި ފަހުން ދޮހަށްވެއެވެ
ދިއްލައިއެޅުން
މ (1) ތަނެއްގައި ބައްތިއާއި ބޮކިފަދައެއްޗެހި މާގިނައިން ދިއްލައިފައި ބެހެއްޓުން (2) އަލިކޮށް ހުޅުދާންކޮށްފައިއޮތުން
ދިއްލުން
މ (1) އަލިކުރުމަށް ބޭނުންކުރާ ބައްތިއާއި ބޮކިފަދަ ތަކެތިން އަލިވާނެގޮތް ހެދުން މިސާލު: )ހ( ބައްތިދިއްލުން )ށ( ބޮކިދިއްލުން (2) އަލިކޮށްލުން
ދުންބޮކި
ނ އެތެރެނޭނގޭ ގޮތަށް ފުސްކޮށް ހުންނަބޮކި
ލޭނުބައި
ނ (1) ލޭނު އެޅުމުގެ މަސްވެރިކަމުގައި ގެންގުޅޭ ނަނުތައް ނުވަތަ ނަނުތަކުން ބައެއް (2) ބޮކި ނަނުބައި
ލޭނުބޮކި
ނ ލޭނުއެޅުމުގެ މަސްވެރިކަމުގައި ބޮއިގެ ގޮތުގައި ކަނޑަށް ލާން ބޭނުންކުރާ ވެހައިފައި ހުންނަ ބިއްލޫރިބޮކި ފަހަކަށް އައިސް ޕްލާސްޓިކުންވެސް މިބޮކި ހަދައިފައި ހުރެއެވެ
ގަޑަގަޑަލާކެކުން
މ ގަދަޔަށް ބޮޑު ބޮކިލާވަރަށް ކެކުން
ގުބުޅި
ނ )ގ ( ވައި އަޅައިގެން އުފައްދާބޮކި
ގެރާނަ
ނ )ދ ( ފިރުޢައުނު މުދަލުގެ ބާވަތެއް މިހުންނަނީ ވައިއަރައިފައި ހުންނަ ކުދި ބޮކިތަކެއް ހެންނެވެ
ސައިބޯނިބަޑި
ނ ސައިބޯނިބޮކި
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް