Radheef, ދިވެހިބަހުގެ ރަދީފު، ބެލުންގެ މާނަ

radheef.info

ކަޅިމަތިބެލުން

މ (1) މީހެއްގެ ބެލުން ހުރި ފަރާތެއް ހޯދުން (2) މީހެއްގެ ނަޒަރު ހުރި ދިމާއަކަށް ވިސްނުން

ކަތިލޮލުންބެލުން

މ ހަމަލޮލުން ނުބަލާންވެގެން ނުސީދާކޮށް ބެލުން

އަތްބެލުން

މ އަތްތިލައިގެ ބަނޑުފުށުގެ ނާރުތަކާއި އިނގިލިތަކާއި ނިޔަފަތިތައް ހުންނަގޮތް ބަލައިގެން އެމީހާގެ ދިރިއުޅުމާބެހޭ ކަންތައްތައް ފިލުވުން

އަތްލާބެލުން

މ އަތްކާއްތައިގެން ނުވަތަ ހިފައިގެން އެއްޗެއްގައި ހުރިނެތްގޮތް ހޯދުން

އަޖުމަބެލުން

މ (1) ކަމެއްގެ ނުވަތަ އެއްޗެއްގެ ހުރިނެތްގޮތް ބެލުން (2) ފެންވަރު ބެލުން

އިރުވަރުބެލުން

މ (1) ކަމެއްކުރާނެ ހެޔޮވަގުތު ހޯދުން (2) މީހަކު ވަކިކަމަކަށް ކަނޑައަޅައިފައިވާ ވަގުތު ހޯދުން

ވަރޮބެލުން

މ )ޏ ( ވަރުބެލުން

ވައިމަތިބެލުން

މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން

ވައްކަޅިންބެލުން

މ (1) ލޯސީދާނުކޮށް އެހެން މީހުންނަށް ބަލާކަން ނާންގައި ކަޅިއެއް ފަރާތަށް ގެންގޮސް ގެންބެލުން (2) ލޮލުގެ ކުޑަކޮޅުން ބެލުން

ވަތްހެޔޮތޯބެލުން

މ އޮޑިދޯނިފަހަރުގެ ވަތުގައި ދިޔަހުރިތޯ ބެލުން

ވަތްބެލުން

މ (1) ފުރާދުއްވާ ތަކެތީގެ ދިޔަބޮޑުވޭތޯ ބެލުން (2) ފުރާދުއްވާ ތަކެތީގެ ދިޔަ ހިއްކުން

ވަގަށްބެލުން

މ ސިއްރުން ބެލުން

ވަގުލޮލުންބެލުން

މ (1) ފާރަވެރިވެބެލުން (2) ސިއްރުވެރި ބެލުމަކުން ބެލުން

ވަސްބެލުން

މ ނޭފަތުން ލިބިގަންނަ އިޙުސާސް ހޯދުން

ވިހޭގެބެލުން

މ ވިހައިގެން އުޅޭއިރު ދެމައިންނަށް ކުރަންޖެހޭ ހުރިހާކަމެއްކޮށް ދިނުން

ވިންދުބެލުން

މ ވިންދު ނާރުގައި އިނގިލިކުރި ޖައްސައިގެން ވިންދު ޖަހާވަރު ބެލުން

މަރުބެލުން

މ ބަލިމީހާ މަރުވަންދެން ހޭހަންކުރުން

މަރުމަތިބެލުން

މ މަރުބެލުން

މަތިފުށް ބެލުން

މ ކޮން ދަރިކޮޅަކުން އައިމީހެއްތޯ ބެލުން