radheef.info
ރަދީފު


ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ބިސްކޯޒު
ނ ބިސްކޯދު
ބިސްއުޅާލި
ނ ކުކުޅުބިސް އަޅައިގެން ހަދާ އުޅާއްޔެއް
ބިސްއެޅުން
މ (1) ބިސްއަޅާ ތަކެތީގެ ބަނޑުގައި ހުންނަ ބިސް ބަނޑުން ބޭރުކުރުން (2) މަޖާޒު: ކުޑަކުދީން ކޮންމެވެސް ގޮތަކުން ވެއްޓުން ނުވަތަ އިނދަޖެހުން
ބިސްވަރު
ނއ (1) ބިސްއަޅާން އެކަށީގެންވާ ވަރު މިބަސް ބުނެއުޅެނީ ކުކުޅާ މެދުގައެވެ (2) ވިހާއުމުރު
ބިސްވަޅު
ނ (1) ވެލާއާއި ކަހަނބު ފަދަ ތަކެތި ބިސްއަޅައިފައި ހުންނަ ތަންތަން (2) މަޖާޒު: ފަރުޖު
ބިސްވައިގުގޫ
ނ ދިވެހި ބޭހުގެ ބާވަތެއް މިހުންނާނީ ހަރުކޮށް ފުއްކުދިކޮށް މަޑު ރީނދޫ ކުލައެއްގައެވެ
ބިސްވިއްސުން
މ މައިއެތީގެ އެހީޔާނުލައި ބިހުން ދަރި އުފަން ކުރުވުން
ބިސްވެލާ
ނ (1) އަންހެން ވެލާ (2) ބިސްއަޅަން ތައްޔާރު ވެފައިވާ ވެލާ
ބިސްމަޅި ދުއްވުން
މ (1) ކުކުޅެއްގެ ބިސްހާލި ހޯދުމަށް ކުކުޅުގެ ފައިގައި ދިގު ރޯނުގަނޑެއްޖަހާ ދޫކޮށްފައި އެވަންނަތަކެއް ބަލާން ފަހަތުން ހިނގުން (2) މަޖާޒު: ހީލަތުން ކަމެއް ހޯދާން އުޅުން
ބިސްމަސް
ނ )ސ ( ފަރުމަހުގެ ބާވަތެއް މިއީ ފަތާކޮށް ނަގޫކޮޅަށް ހިމަކޮށް ހުންނަ މަހެކެވެ މިމަހުގެ އަނގަ ބޮޑުވެފައި ދަތްތައް ހިމަވާނެއެވެ މަހުގެ ބަނޑުދޮށް ފަރާތުގައި ހުންނާނީ ރިހިކުލައެވެ ބުރަކަށި މަތީގައި ގަދަނޫކުލައެވެ
ބިސްމި
ނ (1) ބިސްމިﷲ ހިއްރަހްމާން ނިއްރަހީމް (2) ބިސްމިﷲ (3) މަޖާޒު: ކަމެއްގެ ފުށުން މިސާލު: މީ މިކަމުގެ ބިސްމިއެވެ
ބިސްމިނާ
ނ ރާޅު ބިސްހެން ހުންނަ ކުދި މިނާ
ބިސްމިކިޔުން
މ (1) ރާގު ކިޔުން (2) ކަމެއްގެ ފަށައިގަތުމުގައި ﷲ ގެ އިސްމުފުޅުން ފަށަމޭ ބުނުން
ބިސްފަނި
ނ )ސ ( މާކަނާ ހޮޑު
ބިސްފަތަފޮޅި
ނ ހެދި ކާއެއްޗެއްގެ ނަން މިއީ ރޮށިދަމާގޮތަށް ދަމާ ވަކި ސައިޒަކަށް ވައްކޮށް ކަނޑައި ފިހެފައި ހުންނަ އެއްޗެކެވެ މި ފޮނިކޮންނާއި ކުޅިކޮންވެސް ހަދައިއުޅެއެވެ
ބިސްފީވުން
މ (1) ބިހުގައި ފިޔޮއް އުފެދުން (2) ބިސް ކުނިވުން
ބިސްފުޅު ކެއުން
މ މަޖާޒު: ތިމާގެ ސާހިބުމީހާގެ އަނބި މީހާޔާ ނަހަމަ ގުޅުން ބެހެއްޓުން
ބިސްފެއްތުން
މ )ޅ ( އެންދަމާ ދާ އަޑިއަށް ފައްތާއިރު ފުރިފައި އޮންނަ ގޮނި އަޑިއަށް ފޮނުވުން
ބިސްދިނުން
މ ކުކުޅުހާ ޖޯޑުވުން
ބިސްދުލި
ނ ކުކުޅު ފަދަ ތަކެތީގެ ބަނޑުތެރޭ ބިސް ހުންނަ ކޮތަޅު