radheef.info
ރަދީފު


ބިސް
ނ (1) ބައެއް ބާވަތުގެ މަސްމަހާ މެއްސާއި ދޫނި ސޫފާ ސޫފީގެ ދަރި ގަރުބަގަތުމަށްފަހު މައިއެތީގެ ހަށިގަނޑުން ބޭރުގައި އޮވެގެން އޭގެ އަމިއްލަ ޒާތުގައި ނޭވާލައި އުޅެވޭ ވަރުވަންދެން އެއެއްޗެއްގެ ތެރޭގައި އޮންނަ އެތި. ޢާންމު ގޮތެއްގައި މިއީ ތޮށްޓެއްގެ ތެރޭގައި އޮންނަ ލޮނދިގަނޑަކާއި ގޮބޮޅިޔެއްގެ މައްޗަށް އެކުލެވިގެންވާ އެއްޗެކެވެ (2) އަންހެނާގެ ނުވަތަ އަންހެންއެތީގެ ހަށިގަނޑުގެ އެތެރޭގައި އުފެދޭ ދަރިމައިވުމުގެ ސެލް (3) ބައެއް ކަހަލަ މޭވާއާއި ދިވެހި ހަކުރު ނުބައިވެގެން އުފެދޭ ކުދިކުދި ފުއްފުއް
ނަބީޒު
ނ މޭބިސްކަދުރު ނުވަތަ ކަދުރުން ތައްޔާރުކޮށްފައިވާ ބަނގުރާ
ނިއުޅުންޖެހުން
މ ނިއުޅުންކޮށްފައި ކާށި ކުކުޅުބިސް ކިހަވައްފަދަ ތަކެތި ކޮންމެވެސް ތާކު ޖަހައި މުގުރައިލުން މިސާލު: މަސް ނުބޭވިގެން ދޯނި ބާލާއިރު ވަށާމަތި ކަންމަތީގައި ކާއްޓެއް ޖައްސަމުން ހިނގާފައި ދެން އެކާށި ތާކު ޖަހައި މުގުރައިލުން
ނުދޮންނަފޮތި
ނ (1) ކުކުޅުބިސް ކުލައަކަށްދާ ކުޑަކޮށް ތެޔޮގޮތް ހުންނަ ދެރަފޮއްޗެއް އިހުގައި މިފޮތި އަންނަންވެސް ގެންގުޅެއެވެ (2) އަންނަފޮތި
ނޮޅުން
މ (1) ކުދިގަސްތަކެއް އުފުރުން (2) ގަހަކުން ފަތްވަކިކުރުން (3) ތަނޑުން ފަތް އުފުރުން (4) ތޮށިދޫ މޭވާއާއި ތަރުކާރީގެ ތޮށި ފިލުވުން (5) ބަކަރި ކުކުޅުފަދަ ތަކެތީގެ ހަން ފިލުވުން (6) ދޫނިސޫފާސޫފީގެ ފަތް އުފުރުން (7) ވީދާ ވަކިއަޅާހެދުން (8) ކުކުޅުބިސްފަދަ ތަކެތިން ތޮށި ފިލުވުން (9) ހަށިގަނޑުން ފޮޅިފައިހުންނަ ހަންކޮޅުކޮޅު ނެއްޓުން
ރާރާގުޑި
ނ އޮނު ނުވަތަ އިލޮށިން ކުކުޅުބިސްބުރުގެ ދެބުރު ގުޅޭގޮތަށް އޮނިގަނޑެއްހަދައި އޭގައި ކަރުދާސްހިއްޕާ ރާރާ ހަރުކޮށްފައި ހުންނަ ގުޑި
ރާޅުބިސް
ނ އެތެރޭގައި ހޮއި އޮންނަ އެއްފަރާތެއްގައި ދެ ލޯވަޅެއް ހުންނަ އެއްޗެއް. މިއީ ގާތްގަނޑަކަށް ހޯނުބިސްވަރުގެ އެއްޗެކެވެ. މިހުންނަނީ ގޮނޑުދޮށަށް ލައްވެފައެވެ
ރާޅުފޮށި
ނ (1) މާކަނާފޮށި. މިއީ މީގޮނޑު ދޮށަށް ލައްވެފައި ހުންނަ ރާޅުބިސް ވައްތަރުގެ އެއަށްވުރެ ބޮޑު އެއްޗެކެވެ ވައްކޮންނާއި ކުކުޅުބިސް ބުރަށް ހުރެއެވެ (2) ހިޔަމައިގެ ތޮށިގަނޑު
ރިހާކުރުބޮލި
ނ ވަށައިގެން ކައިރިފަށުގައި ރިހާކުރު ކުލަ ހުންނަ ބޮއްޔެއް ބޮލީގެ ބުރަކަށިމަތީގައި ފަނޑު ހުދުކުލައަކާއި ގަދަމުށިކުލައިގެ ތިކިތަކެއް ހުންނާނެއެވެ ދަށްފަރާތުގައި ހުންނަނީ ނުސާފު ހުދުކުލައެކެވެ މިބޮލި އޮންނާނީ ކުކުޅުބިސް ބުރަށެވެ
ރޮނޑު
ނ ހަންބޯ ރާޅު ދަތްގަދަ މަސްހަރު އަނގަކުޑަ މޫދުމަހެއް މިއީ ފަޅުތެރޭގައި ހާލި ހަދައިގެން ބިސްއަޅާ އެބިސް ބަލަހައްޓާ މަހެކެވެ
ރޯމޭބިސްކަދުރު
ނ ނުހިކި ހުންނަ މޭބިސްކަދުރު
ބަންގާޅުރޮށި
ނ ބަންގާޅުން ގެނެސް އުޅުނު ބިސްކޯދެއް މިހުންނަނީ 8 ގެ ސިފައިގައެވެ
ބަޓަރުބިސްކޯދު
ނ ގިނައިން ބަޓަރު އަޅައިގެން ފިހެފައި ހުންނަ ބިސްކޯދެއް
ބިހިއެޅުން
މ (1) ކަށިވިދުރިއެޅުން (2) (ލ) ބިސްއެޅުން
ބިހުކަޑި
ނ ދޯނި ފަހަރުގެ ފަށްދަމަން ނުވަތަ ކުރަހަން ކުކުޅުބިސް ނުވަތަ ވެލާބިސް އަޅައިގެން ގިރާ ކަޑި
ބިއްސާ
ނ )ސ ( (1) ޖަޑާ (2) )ދ ( މަހުގެބިސް
ބިސްހާލި
ނ ބިސްހުންނަ ހާލި
ބިސްހިނި
ނ ތުނބުން ބިސް ހިފައިގެން އުޅޭ ހިނި
ބިސްބޯކިބާ
ނ ބިސްއަޅައިގެން ކުދިކޮށް ފިހާ ބޯކިބަލެއް މިއެންމެ ވައްތަރުވާނީ ޒީނާރާއެވެ
ބިސްކޯޒު
ނ ބިސްކޯދު
ބިސްއުޅާލި
ނ ކުކުޅުބިސް އަޅައިގެން ހަދާ އުޅާއްޔެއް