radheef.info
ރަދީފު


ބަޔަކު
ނ (1) ޖަމާޢަތެއް (2) ބަޔެއް (3) މީހުންތަކެއް
ކަރުހިފުން
މ މަޖާޒު: (1) އެއްޗަކާހުރެ ނުވަތަ ކަމަކާހުރެ ދެމީހަކު ނުވަތަ ދެބަޔަކު މާބޮޑަށް އަރައިރުންވެ ދެކޮޅުވުން (2) އެކައްޗެއް ޙާޞިލުކުރާން ވެގެން ދެމީހަކު ނުވަތަ ދެބަޔަކު މާބޮޑަށް ވާދަވެރިވުން
ހޮވުން
މ (1) ބިމައްވެއްޓިފައި ހުންނަ ބައެއްތަކެތިނެގުން (2) އެތަކެއް ބާވަތުގެ އެއްޗެހި އެއްވެފައި ހުރިތާކުން ވަކިބާވަތެއްގެ އެއްޗެހި ނެގުން މިސާލު: )ހ( ހަނޑޫ ހޮވުން (3) ގެއްލިފައި ހުންނަ ތަކެތި ފެނިގެން ނެގުން (4) ވަކިކަމަކަށް ބަޔަކު ނުވަތަ މީހަކު އިޚްތިޔާރުކުރުން (5) ބައެއް ކުޅިވަރުގައި ކުޅޭ ބައިނޫން އަނެއްބައިގެ މީހުން ކުރާކަންތައް މިސާލު: ކުރިކެޓް ކުޅޭއިރު ބޯޅަހޮވުން މަންޑިކުޅޭއިރު ފޯލި ހޮވުން
ހޯބޯ
ނ ބަޔަކު މީހުން ގޮތެއްނެތިލާހަލޭ
ހޯބޯލެވުން
މ (1) ހަޅޭއްފަޅޭއްލެވުން (2) ރުޅިއައިސްގެން ނުވަތަ ކަމެއްގެ ފޯރީގައި ގިނަބަޔަކު ހަޅޭލެވުން
ނަގާކިއުން
މ (1) އިސްވެކިއުން (2) ބަޔަކު މީހުންގެ ބަސްކިޔުން މިސާލު: ބަޔަކު މީހުން ލަވަކިޔާއިރު މައިގަނޑު ކިޔައިދީފައި އެހެން މީހުން މައިގަނޑު ކިޔާއިރު ކަޑި ކިޔަމުން ގެންދިއުން
ނަގިލިލުން
މ (1) ފުރާދުއްވާ އެއްޗެހި ތަންތާ ހަރުކުރާން ނަގިލިވައްޓައިލުން (2) މަޖާޒު: ދެމީހަކު ހިތާވެގެން އުޅޭތީ އެކަން ފާޅުކުރުމަށްޓަކައި އެހެން ބަޔަކު ދޮން ވެލިން މަގުމަތީގައި ނަވެއް ކުރަހައި އެނަވުގެ ދެނަގިލި އެދެމީހުންގެ ދެގޭދޮށަށްލުން
ނޯޓިސްދިނުން
މ (1) އިޢުލާންކުރުން (2) މީހަކު ނުވަތަ ބަޔަކު ކަނޑައެޅި ގޮތެއް އެޔާއި ބެހޭ ބަޔަކަށް އެންގުން
ރަހީނުކުރުން
މ ވަކިމަޤްޞަދެއް ހާސިލު ކުރުމަށްޓަކައި ގަދަކަމުން މީހަކު ނުވަތަ ބަޔަކު ހިފެހެއްޓުން
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަކަރަކަ
ނ (1) ގިނަ ބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާ ދައްކާ ވާހައިން އިވޭ އަޑުތައް (2) އުދުހޭ ދޫންޏާއި މޫދުމަސް ފަދަ ތަކެތި އެއްތާކަށް އެއްވެ މާބޮޑަށް ބޮނޑިވެގެން އުޅޭއިރު އެއުޅެވޭގޮތް ނުވަތަ އިވޭ އަޑުތައް
ރަކަރަކަ އެޅުން
މ (1) ގިނަބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާއި އަޑުތައް އުފެދުން (2) ދޫންޏާއި މަސްފަދަ ތަކެތި އެއްތާކަށް މާބޮޑަށް ބޮނޑިވެގަތީމާ އުޅެވޭ ގޮތާއި އަޑުތައް އުފެދުން
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން
ރާންރާން
ނ (1) މެހި މާބުރު ފަދަ ތަކެތީގެ އެތައް ބައިވަރެއް އުދުހޭ އިރު އިވޭ އަޑު (2) ކާޅުތަކެއް އެކުވެގެން ހޭރޭ އަޑު (3) ސިޔާސަ ކުދިބަޔަކު ތާކަށް އެއްވެގެން ސަކަޖަހާ އަޑު
ރާސް
ނ (1) ކުދިކުދި ހިކިއެއްޗެހިތަކެއް ކުއްލިޔަކަށް ފައިބައިގަތުމުގެ އަޑު (2) ފޮތިގަނޑެއް ކުއްލިއަކަށް ވީދާލާއަޑު (3) ގަހެއްގެ އޮފިގަނޑެއް އިރައިގެންދާ އަޑު (4) މުރަނަ އެއްޗެއް ހަފާލާ އަޑު (5) އެތައްބަޔަކު އެއްފަހަރާ އަވަސް އަވަހަސް ތަނަކަށް ވަދެ ނިކުމެވާ އަޑު
ރޫޅައިލުން
މ (1) އެއްވެފައި ނުވަތަ ހަދައިފައިހުރި އެއްޗެއްގެ ބައިތައް ވަކިވަކިކޮށްލުން (2) ނެއްތައިލުން (3) ވިއްސިވިހާލިކޮށްލުން (4) އެއްވެފައިވާ ބަޔަކު ތިބިތާކުން ދުރަށް ފޮނުވައިލުން
ރޫޅުން
މ (1) އެއްވެފައި ނުވަތަ ހަދައިފައިހުރި އެއްޗެއްގެ ބައިތައް ވަކިވަކިވުން (2) ނެއްތައިލުން މިބަސް މީންކޮންމެ މާނައެއްގައި ރައްދުވާ ގޮތަށާއި ރައްދުނުވާގޮތަށް ބޭނުންކުރެވެއެވެ (3) ވިއްސިވިހާލިވުން (4) އެއްވެފައިވާ ބަޔަކު ތިބިތާކުން ދުރަށްދިޔުން (5) މަޖާޒު: ހަށިގަނޑު ހެދިބޮޑުވެލުން
ރެސް
ނ (1) ތަނަކަށް ބަޔަކު އެއްވާއެއްވުން (2) ރޮނގު (3) ކައިރިފަށް (4) ފަންގެލުން ފަދަ ކަންތަކަށް ގުޅައިފައި އޮންނަ ފަންވަތް (5) )ސ ( ރެނދު
ރޭސް
ނ (1) އެކަކު އަނެކަކަށްވުރެ ނުވަތަ އެއްބަޔަކު އަނެއްބަޔަކަށްވުރެ ކުރި ހޯދުމަށް ކުރާ ވާދަ. މިސާލު: ހަތިޔާރުގެ ރޭސް. (2) ދުވުމުގެ ނުވަތަ ދުއްވުމުގެ މުބާރާތް. މިސާލު: ކާރުރޭސް ރިލޭރޭސް އަސްރޭސް ދޯނިރޭސް (3) ބާރުދުވެލި މިސާލު: ދުވެލިބާރު ނުކުރާށެވެ
ބައިހަދައިފައިދިއުން
މ ގިނަބަޔަކު އެކުގައި ދިޔުން