radheef.info
ރަދީފު


ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ރުއްނަރު
ނ )ބދ ( ބަޑިބޭސް
ބަންޑާރަކޮށި
ނ ކަނޑި އައްޑަނައިން ކުޅިޖަހައި އުޅުނު އެންމެ އިސްކޮށި މިކޮށިން ބަޑިޖަހައި ހަވާ ހަދައިވެސް އުޅުނެވެ މިއީ އިހުގައި މާލޭގައި ހުރި ކޮށިތަކުގެ ތެރެއިން ކޮށްޓެކެވެ
ބަރުހަތިޔާރު
ނ ބޮޑުބަޑިއާއި ޓޭންކާއި މިސައިލާއި މިސައިލުހަރު ފަދަ ބޮޑެތި ހަތިޔާރު
ބަތާސާ
ނ ކުކުޅުބިހު ތޮށްޓަށް އަޅާ ބަޑިކުޅި
ބަޑިހަރު
ނ (1) ބޮޑުބަޑި އެއްތަނުން އަނެއްތަނަށް ގެންދިއުމަށާއި އެގޮތައްވުމަށް ބާއްވާ ގާޑިޔާ (2) ބުރުޒުގައި ބޮޑުބަޑި ބަހައްޓާން ހަދައިފައި ހުންނަ ތަންތަން
ބަޑިހެވި
ނއ ބަޑިޔަށް ކުޅަދާން
ބަޑިހެވިކަން
ނއނ ބަޑިޔަށް ކުޅަދާނަކަން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިބުރުޒު
ނ ބަޑިބަހައްޓާ ކިއްލާ
ބަޑިބެރު
ނ ރަސްމީ ބައެއް ކަންތަކުގައި ބޮޑުބަޑި ޖެހުމާ ވިދިގެން ޖަހާބެރު
ބަޑިބޭސް
ނ ބަޑި ގޮއްވަން އަޅާ ކަޅުކުނޑި މިހަދަނީ ދެއްޔާ ބާރޯޒާއި ކައްސަނދުވާނި އެއްކޮށްގެންނެވެ
ބަޑިބޭސް މުގުރާ މީހުން
ނ އިހުގައި ބަޑިބޭސް ހެދުމުގައި މަސައްކަތްކުރާން ސަރުކާރުން ލައްވައިފައި ތިބޭ މީހުން
ބަޑިބޭސް މުގުރުން
މ ބަޑިބޭސް ހެދުން
ބަޑިކުޅި
ނ ބަޑިބޭހުގެ ކުޅިވަރު
ބަޑިކުޅި އުނބު
ނ އިހުގައި ބަޑިކުޅީގެ ބޭސް އަޅާން ގެންގުޅުނު އުނބު މިކަމަށް ބޭނުންކުރަނީ ދިގުކާށީގެ އުނބެވެ
ބަޑިކުޅިމާ
ނ ބަޑިކުޅިގަހުގައި އަޅާ މާ މިމާ ހުންނާނީ ހޮޅިއެއް ހެންނެވެ މީގެ ހުދުމަލާއި ފިޔާތޮށިމަލާއި ރަތްމާ ހުރެއެވެ
ބަޑިކޮޅު
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި ގެންދާ ބަޑިކޮޅު. މިހިފައިގެން ހުންނަ މީހާ ހުންނާނީ ރަދުންގެ އެންމެ އަރިހުގައި ވާތްޕުޅު ފަރާތުގައެވެ. މިއީ ތިލަލީ ބަޑިކޮޅެކެވެ. (2) ބަޑި މިބަހުގެ އެންމެ މާތްގޮތް
ބަޑިކޮޅުހިފާކަން
ނ (1) ރަދުން ޢިއްޒަތުގައި ތަންތަނަށް ވަޑައިގަންނަވާއިރު ގެންދާ ބަޑިކޮޅު ހިފުމުގެ ވަޒީފާ (2) ބަޑިބޭސް މުގުރާ މީހުންގެ ވެރިކަން
ބަޑިއެޅުން
މ (1) މަހުގެ ނަގޫފަތުން ލޮނުގަނޑުގައި ޖެހުން. (2) މަސްފެން މައްޗަށް އެރުމުގައި ނުވަތަ އަޑިއަށް ދިއުމުގައި އަޑު އިވޭގޮތް ހެދުން (3) ބަޑިއަކަށް ލައިފައި ތަވީދެއް އެޅުން