radheef.info
ރަދީފު


ބައިވެރި
ނއ )ސ ( (1) ބައެއްގައިވާ (2) އެކުލަވާ (3) ހިމެނޭ
މަންދޫބު
ނ (1) މީހެއްގެ ފަރާތުން ނުވަތަ ބައެއްގެ ފަރާތުން އަނެއް ތަނަކަށް ފޮނުވޭ މީހާ (2) އަމުރުވެރިކަމުގެ ބާރުދީފާ ތަނަކަށް ފޮނުވާމީހާ (3) ކޮންފަރެންސްތަކާއި ޖަލްސާފަދަ ތަންތާގައި ބައިވެރިވާމީހާ
މަރުޙަބާ
ނ (1) ބައްދަލުވުމުގެ އުފާ (2) އަނެކަކަށް ލިބޭ އުފަލެއްގައި ބައިވެރިވުމުގެ ގޮތުން އުފާ ފާޅުކުރަން ބުނާ ބަސް
މަތިފަޑިމައްޗަށްއެރުން
މ (1) އޮޑިދޯނިފަހަރުގެ މަތިކިބައިގެ ފަޑި ނުވަތަ މަތިކަން މައްޗަށް އެރުން (2) މަޖާޒު: ކަމެއް ހިނގަމުންދާއިރު އެކަމުގައި ބައިވެރިވާންޖެހޭ މީހަކު ކުޅިބަލާ މީހެއްގެ ގޮތުގައި ކަމުގައި ބައިވެރިނުވެ ހުރުން (3) ކަމެއްގައި ބައިވެރިވެ އުޅެފައި އެކަމެއް ގޯސްވާގޮތްވުމުން އެކަމުގާ ނޫޅޭ މީހަކަށް ހެދިގެން ދުރުގައި ހުރުން
މަސައްކަތުދިއުން
މ (1) އާމްދަނީ ހޯދުމަށް އާދަކޮށް ކުރާކަމެއް ކުރަން ދިއުން (2) ބަޔަކުކުރާ މަސައްކަތެއްގައި ބައިވެރިވާން ދިއުން
މާރާދަކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭކަމަކީ ދައުލަތުގެ އެންމެމަތީ ވެރިޔަކަށް ހުންނަވާ ބޭފުޅަކަށް ލަފާދެއްވުމާއި ބޮޑެތި ޢިއްޒަތުގެ ރަސްމިއްޔާތު ތަކުގައި އެރަސްމިއްޔާތުތައް ފުރިހަމަ ކުރެއްވުމުގެ ގޮތުން ބައިވެރިވެ ވަޑައިގަތުމެވެ
މުޝްރިކުން
ނ (1) މާތްﷲ ގެ ރަސްކަންފުޅާ އެހެން ފަރާތަކާ ބައިވެރިކުރާ މީހުން (2) މާތްﷲ ފިޔަވާ އެހެން ފަރާތަކަށް އަޅުކަންކުރާ މީހުން
މޫނުއަނބުރާލުން
ނ މަޖާޒު: (1) ކަމަކާ ހިތްހަމަނުޖެހިގެން ނުވަތަ ލަދުން ފުރަގަސް ދިނުން (2) އަނެކެއްގެ ކަންތަކުގައި ބައިވެރިނުވެ އެއްކިބާވުން (3) އަޅާނުލުން
މެންބަރު
ނ ޖަމާޢަތެއްގެ ބައިވެރިޔާ ނުވަތަ މަޖިލީހެއްފަދަ ތަނެއްގައި ހިމެނޭ މީހާ
މޭނާކަން
ނ ކަންގަތި ކޮއްޔެއްގެ ނަން. މިކޮލި ލެވިފައިވާ ބޭކަލުން ކުރައްވަން ޖެހޭ ކަމަކީ ދައުލަތުގެ އެންމެމަތީ ވެރިޔަކަށް ލަފާ ދެއްވުމާއި ބޮޑެތި ޢިއްޒަތުގެ ރަސްމިއްޔާތު ފުރިހަމަ ކުރެއްވުމުގެ ގޮތުން ބައިވެރިވަޑައިގަތުމެވެ
ފަނީފަނީކުޅުން
މ (1) ކުޑަކުދިންކުޅޭ ކުޅިވަރެއް މިކުޅިވަރު ކުޅޭއިރު ބައިވެރިވާން ބޭނުން ހުރިހާ ކުދިންގެ ތެރެއިން ދެކުއްޖަކު ނުކުމެ އެއްކުއްޖަކު "ފަނީ ފަނީ ކޮން އެއްޗެއްހޭ"؟ ބުނާއިރަށް އަނެއްކުއްޖާ "މަޅިފައްޗޭ" ބުނެފައި ދުއްވައި ގަންނަނީއެވެ އެއީ ފަނި ހިފައިގެން ދިއުމެވެ އޭނާގައިގައި އަތްލުމުން ފަނިލިބުނީއެވެ
ފަރީގައިހިނގުން
މ ކުޅިޖެހުމުގައި ބައިވެރިވި މީހުންގެތެރެއިން ކަޑައެޅިފައިވާ ދެމީހަކު ފަސްގަނޑުގައި ވަކިގޮތަކަށް ހިނގާ ހިނގުން
ފަސްއިގިލިއެއްކޮށްލުން
މ ކެއުމުގައި ބައިވެރިވުން
ފަޗިސް
ނ ގޮޓިކިޔާ ކުޅިތަކަކާއި އެތެރެއަށް ތިމަރަ އަޅައިފައި ހުންނަ ރިހާކުރު ބޮލީގެ ހަ ބޮލިން ވަކިގޮތަކަށް ހަދައިފައި އޮންނަ ފޮތި ގަނޑެއްގެ މަތީގައި ކުޅޭ ކުޅިވަރެއް. މިއީ ހަތަރު މީހުން ބައިވެރިވެގެން ކުލޭ ކުޅިވަރެކެވެ
ފުނަނުޖަހާބެރަކަށްނެށުން
މ )މިސާލުބަހެއް( (1) ފޯރިއެއްނެތް ކަމެއްގައިއުޅުން (2) އެއްޗެއް ނުލިބޭ ކަމެއްގައި ބައިވެރިވުން
ދާންދެން
އ (1) ޒަމާނުގެ ގޮތުންނާއި ތަނުގެ ގޮތުން ކަންވެ ނިމޭ ހިސާބު ބަޔާންކޮށްދޭ އަކުރެއް. މިސާލު: ފަތިސްވެއްޖައުމަށް ދާންދެން. (2) ރައްދުވާ ފަރާތްތައް ބައިވެރިކުރުމަށް ބޭނުންކުރާ އަކުރެއް މިސާލު: މުސްކުޅިންނާއި އަންހެނުންނާއި ކުޑަކުދީންނަށް ދާންދެން ތިބީ އަތިރިމައްޗަށް ނުކުމެއެވެ
ދިޔޯގެކުޅި
ނ ދެޖިންސު ބައިވެރިވެގެން ލަވަކިޔައި ނެށުމުގައި ޢައްޔާޝީގޮތްތައް ދައްކާ ކުޅިވަރު
ތަމްސީލުކުރުން
މ (1) ތަމްސީލެއް ތައްޔާރުކޮށް އެހެން މީހުންނަށް ފެންނާނެގޮތަށް އިސްޓޭޖެއްގައި ކުޅުން (2) ތިމާގެ ރަށް ނުވަތަ ތިމާއުޅޭ ދާއިރާއެއްގެ ފަރާތުން ބަސްކިޔައި ހެދުމަށް ތަނެއްގައި ނުވަތަ ކަމެއްގައި ބައިވެރިވުން
ތަޖުރިބާ
(1) ކަމެއްގެ ތެރެއިން މީހަކަށް ދަސްވާ ދަސްވުން ނުވަތަ އެނގިފައިވާ އެނގުން (2) ކަމެއްގައި ޢަމަލީގޮތުން ބައިވެރިވެގެން ދަސްވާދަސްވުން (3) ކަމެއް ބަލައިގެން ނުވަތަ ކޮށްގެން ލިބޭ މަޢުލޫމާތާ ހުނަރުވެރިކަން (4) މީހެއްގެ ދިރިއުޅުމުގެ ތެރެއިން އެމީހަކަށް އެނގޭ ކަންތައްތައް (5) ކަމެއްގެ އިޙްސާސާއި އަސަރުތައް ތިމާއަމިއްލައަށް ލިބިގަނެވޭ ލިބިގަތުން
ތަޖުރިބާހުރުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްވެފައި ހުރުން (2) ކަމެއް ބަލައިގެން ނުވަތަ ކޮށްގެން އެކަމެއްގެ މަޢުލޫމާތު ލިބިފައިހުރުން (3) ދިރިއުޅުމުގެ ތެރެއިން މީހަކަށް ދަސްވާ ކަންތައްތައް ދަސްވެފައިހުރުން (4) ކަމެއްގެ އިޙްސާސާއި އަސަރު ތިމާއަށް ލިބިފައިހުރުން
ތަޖުރިބާކުރުން
މ (1) ކަމެއްގައި ޢަމަލީގޮތުން ބައިވެރިވެގެން އެކަމެއްގެ ގޮތްފޮތް ދަސްކުރުން (2) ކަމެއްބަލައިގެން ނުވަތަކޮށްގެން އެކަމެއްގެ މަޢުލޫމާތު ހޯދުން (3) ދިރިއުޅުން އަމަލީގޮތުން ދަސްކުރުން (4) ކަމެއްގެ އިޙްސާސާއި އަސަރު ލިބިގަތުން (5) މަޖާޒު: މީހެއްގެ ގޮތްފޮތް އެނގުން