radheef.info
ރަދީފު


ރުމާ
ނ (1) ހަތަރެސްކަނަށް ހަދައިފައި އޮންނަ ފޮތިގަނޑެއް މީގެ ކިތަންމެ ބާވަތަކާ ކިތަންމެ މިނެއް ހުރެއެވެ މިސާލު: )ހ( ބޮލުގައި އަޅާރުމާ )ށ( ނަވު ރުމާ )ނ( ކުޑަ ރުމާ (2) ތާސްބައިގެ ރަތް ތުތިމަހެއްހެން ހުންނަ ރަނގަ
ބައްދުރުމާ
ނ ރަތް ކުލައިގެ ކުރެހުމެއް އަޅައިފައި ހުންނަ ރުމާލެއް މިއީ އިހުޒަމާނުގައި ބަދަވިން ބޮލުގައި އަޅައި އުޅުނު އެއްޗެކެވެ
ބަތްރުމާ
ނ ކާއިރު އުނގުމަތީ އެޅުމަށާއި އަތާއި ތުން ފުހެލުމަށް ބޭނުން ކުރުމަށްޓަކައި ފޮތިން ނުވަތަ ކަރުދާހުން ހަދައިފައި ހުންނަ ރުމާ
ބިލެތްރުމާ
ނ ހެދިބިލެތް އަޅާފައިވާ ރުމާ
ބުރުމާ
ނ ކަރަންޓުން ނުވަތަ އަތުން އަނބުރައިގެން ތޮރުފާން ގެންގުޅޭ އާލާތެއް މިހަދައިފައި ހުންނަނީ އެކިވަރުވަރުގެ ކަށިން ތޮރުފޭގޮތަށެވެ
ބުރުމާކަށި
ނ ތޮރުފުމަށްޓަކައި ބުރުމާގައި ޖަހަން ހަދައިފައި ހުންނަކަށި
ބުރުމާލަ
ނ )ސ ( ބުރުނާލު
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮކުސާރުމާ
ނ (1) ބޮކުސާ ބަންނަން ގެންގުޅޭ ޚާއްޞަ ރުމާލެއް (2) ނަވުރުމާ
ކަޅުރުމާ
ނ ފަށުއިން ކޮޅުމައްޗާއި އަތްދުތް ލައިފައި ހުންނަ ކަޅުކުލައިގެ ބޮޑުތުނި ރުމާލެއް އިހުގައި މިރުމާ އާދަވެގެން ގިނައިން ގެންގުޅުނީ ކުޑަކުދިންގެ ގައިގައި ލެއްވުމަށެވެ
ކުޑަރުމާ
ނ މޫނުފުހުން ފަދަ ބޭނުމުގައި ހިފައިގެންއުޅޭ ކުދިރުމާ
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
ނ "އަރުމާދު" ބަލާ! އަރުމާޒު
އަރުމާޒުހަރުބީ
ނ ހަރުބީގައި ފުމޭ ލަވައެއް
އަރުމާޒުވަޑައިގަތުން
ނ އަރުމާދުގެ ދަތުރުގައި ރަދުން ވަޑައިގަތުން
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އާބުރުރުމާ
ނ ބޮލުގާއަޅާ ރުމާލުގެ ބާވަތެއް. މިހުންނާނީ ކައިރީގައި ހިމަރޮނގުތަކެއް ހުރެފައި ކަންކަޅުކޮންނެވެ
އުތުރުއަރުމާޒު
ނ މުސްކުޅި ބަންޑާރައިން މާލޭން އުތުރު ރަށްރަށަށް ވަޑައިގެންނެވި އަރުމާޒު
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
ވެދުންއެޅިރުމާ
ނ ނަވު ރުމާ
ފަށުއިރުމާ
ނ ފަށުއިން ވިޔެފައި ހުންނަ ރުމާ