radheef.info
ރަދީފު


ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިތޮރާ
ނ ތޮރައިގެ ހިތިބާވަތް މިއީ އިހުޒަމާނުގައި މާލޭގައި ހެދުނު ބާވަތެކެވެ މިތޮރާ ހުންނާނީ އާދައިގެ ތޮރައަށްވުރެ ކުދިކޮށެވެ ކާންކެރޭ ވަރަށްވުރެ އެތޮރައިގެ ރަހަ ހިތިވާނެއެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހީރާންސި
ނ ފައްތުފިލާގެ ދަށުން ބޮޑުފަށްގަނޑުގެ ފަހަތުކޮޅުގައި ހުރަހަށް ކަނޑައި ފައްތާފިލާ މިއީ ބޮޑުފަށްގަނޑު ފޭވިޔަނުދޭން ހަރުކުރާ ފިލައެވެ
ހީރާސި
ނ އޮޑިފަހަރުގެ ކުނބުކަތްޕާ ހަމާގައި ފިލާގަނޑުމަތީ ހުރަހަށްޖަހައިފައި ހުންނަފިލާ
ހުންބަލާ ކަށިގަނޑު
ނ ހޫނުމިން ބެލުމަށްޓަކައި ބިއްލޫރިން ހިމަދިގުކޮށް ހަދާ އެތެރެއަށް ދިރޭރަހަ އަޅާ ބޭރުގައި ދަރަޖަތަކެއް ޖަހައިފައި ހުންނަ އާލާތެއް މީގެ އެއްކޮޅުގައި ދިރޭރަހަ ހަރުލާ ވަރަށް ފަލަކޮށް ހުންނަ ތަންކޮޅެއް ހުންނާނެއެވެ އެތެރޭގައި ވަރަށް ހިމަ ލޯވަޅެއް ހުރެ ހޫނުވުމުން އެލޯވަޅުން ދިރޭރަހަ ދަތުރުކުރާނެއެވެ ފިނިވާއިރަށް ފަލަތަނަށް ދިރޭރަހަތައް ފައިބާނެއެވެ
ހުރަސް
ނ (1) ހަނިދިގު އެއްޗެހީގެ ފުޅާމިން (2) ގޭގެ މަތިވަޑާން ގަނޑުގައި ހުރަހަށް އަޅާ ވަކަރު (3) ދަނޑިކޮށީ ކުޅިޖެހުމުގައި ޖަހާއެތިފަހަރެއް (4) ކުރިޔަށް ދާދިއުން މަނާކުރާ ކޮންމެ އެއްޗެއް (5) ފެންނަ ފެނުން މަނާކުރާއެތި (6) ދެއެއްޗެއް ޖެހުނަ ނުދިނުމަށް އެދެމެދަށްވަންނަދާފަރާ (7) ސުންނި އުރަ
ހުރަސްރެހަ
ނ ފަނުން ނުވަތަ ފަތިން ވިޔާއެއްޗެހީގައި ހުރަހަށް ހުންނަ ދުޅަ
ހުރަސްބިހި
ނ ގައިގެ ތަންތާނގައި ހުރަހަށް ނަގާބިހިގަނޑެއް
ހުރަސްކުނާ
ނ ކުޑައަށީ އިރުމަތީކޮޅުގައި ހުރަހަށް އަޅައިފައި އޮންނަކުނާ ދިވެހިގޮތަށް އަޅައިފައި ހުންނަ ގޭގޭގެ އެންމެ ޢިއްޒަތްތެރި ތަނަކީމިއެވެ
ހުރަސްކުރުން
މ (1) ކަޑައްތުކުރުން (2) ކުރިކެނޑުން (3) ދިގަށް އޮތް އެއްޗެއް ހުރަހަށް އަނބުރާލުން (4) އެއްފަރާތުން އަނެއް ފަރާތަށް ދިއުން
ހުރަސްދުޅަ
ނ ވިޔެފައިވާ ތަކެތީގައި ހުރަހަށް ހުންނަދުޅަ
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުއިސުން
ނ (1) މީރުވަސްދުވާ ތޫނު ހިތިރަހަދޭ މުލެއް (2) ހުވަނދުބޭހުގެ ބާވަތެއް
ހުއްޓި
ނ (1) ފުރާޅު ބަނުމުގައި ހުރަހަށް ބަހައްޓާ ދަނޑި (2) ފުޅަށް އެޅުމުގައި ދުރުދޭތެރެ ބައްދާން ބަހައްޓާ ދަނޑި (3) ފުޅަލީގައި ކޮޅަށް ބަހައްޓާ ދަނޑި (4) ލިޔާއިރު ޖުމުލަ ނިމުމުގައި ޖަހާ ތިކި )ފުލުސްޓޮޕް
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހުދުއިށިމިޔަރަ
ނ )ސ ( އުރަހައިގެ ކޮޅު ހުދުކޮށް ހުންނަ މިޔަރު
ހުދެއޮނޓާމޭރެ
ނ )ގ ( އުރަހައިގެކޮޅުކަޅު މިޔަރު
ހުތެއަނބުލު
ނ )ގ ( މުރާކީގެ ހުތްރަހަދޭ ބާވަތެއް
ހުތް
ނ (1) ލުނބޯއާއި ބިލަމަގު ފަދަތަކެތީގެ ދިޔަ (2) ލުނބޯ އާއި ނާރިނގާއި ބަނބުޅަބޮސް ފަދަ ތަކެތީގެ ތެރޭގައި ހުންނަ ފިތްނުވަތަ ބައި (3) ރުކުރާ މޭބިސްކަދުރު ދިޔަ ފަދަ ތަކެއްޗަށް ވަކި މުއްދަތެއްވުމަށްފަހު ކިޔާނަން (4) ލުނބޯ އާއި ބިލަމަގު ފަދަތަކެތީގައި ހުންނަރަހަ މިބަސްނަން އިތުރެއްގެ ގޮތުންވެސް ބޭނުންކުރެއެވެ މިސާލު: )ހ ( ހުތް އަންނާރު )ށ ( ހުތް ކުންނާރު (5) )އ ( މޫދުތެރޭގަލުގައި ހިއްޕައިގެން އިންނަ އެއްޗެއް (6) މަޖާޒު: ނުބައި ކަމަކަށް ދޭނަސޭހަތް