radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
ހަންޑިކާށި
ނ ތިރިކޮށްހެދޭ ވިނައެއް މީގެ ފަތް ހުންނަނީ ހަނިކޮށެވެ އެއް އިންޗިވަރަށް ދިގުވާނެއެވެ މީގެ ގަސްގަނޑުގެ ކުލައަކީ މަޑުފެހިކުލައެވެ
ހަންޑިކުރާ
ނ ކޮރުކޮކާހުއި. މިއީ ވިނަގަސްތަކުގެ ތެރޭގައި ހެދޭ ބައި އިންޗިހާ އުސްމިނުގެ ވިނައެކެވެ. މާހުންނާނީ ގޮދަން ފުކެއްހެން ހުންނަ ތަންކޮޅެއްގައި ނަރުކޮޅެއްފަޅައިފައެވެ
ހަންޑިމައު
ނ (1) އޮއި ހުއްޓިފައި ހުންނަ ތަންތާނގައި ހުންނަ އެއްޗެއް މި ހުންނަނީ މާގަނޑެއްގެ ސިފައިގައެވެ (2) )ސ ( މޫދުމާ
ހަންޑިފިއްލުން
މ މަގުއޮޅުން ގިނައިން މިކަންތައް ވަނީ ރޭގަނޑުއެވެ
ހަންޑިޓައްކެނޑުން
މ ރޭގަނޑު މީހުން ނިދައި ފައިހިލަވަޅު އޮބުނީމާ އިވޭ އަޑެއް މި އަޑު އިވެނީ އަނގައިން ޓައްކަނޑާއިރު އިވޭ ގޮތަށެވެ މިއަޑުއިވޭވަކި ދިމާއެއް ފާހަގައެއް ނުކުރެވޭނެއެވެ
ހަރާންފަދަތޯއްޗެއް
އކ (1) ކަމެއް ނުކުރުމުގެ މައްޗަށް ގަދައެޅުމުގެ ގޮތުން ބުނާ ބަހެއް. މިސާލު: ހަރާންފަދަތޯއްޗެއް އަހަރެން އޭނާއާ އަނގައިން ބުނާނެނަމަ. (2) ކަމެއް ކުރުވާން ބޮޑަށް އެދުންވެރިވުމާއެކު އެކަމެއް ކުރުވާން ގަދަކޮށްލާން ބުނާބަހެއް. މިސާލު: ހަރާންފަދަތޯއްޗެއް ދޭނެނަމަ. މިހެން ބުނެއުޅެނީ ނުދޭނެހެން ހީވާ އެއްޗެއް ދީފާނަމޭ ބުނިބަސް ގަދަކުރުވުމަށެވެ
ހަރު
(1) ކަކުންޏާއި މީދާފަދަ ތަކެތި އުޅޭން ބިމުގައި ކޮންނަ ލޯވަޅު. (2) ރުކަށް އަރާން ރުކުގައި ބަންނަ ގަޅި. (3) މައްޗަށް އަރާން ގަޅި ބަނދެފައި ހުންނަ އޮނު ނުވަތަ ދަނޑި. (4) ފޯއްވަޅި، ދޮލަނގު، ކަނޑިފަދަ ތަކެތި ބަހައްޓާން ބިތުގައި ހަރުކޮށްފައި ހުންނަ އެތި. (5) ބައެއް އެއްޗިހި ބަހައްޓާން ނުވަތަ ތިއްބާން އެކިގޮތްގޮތަށް ހަދައިފައި ހުންނަ އެއްޗިހި. މިސާލު: ލިޔާހަރު، ބަޑިހަރު، ބައިސްކަލު ހަރު ނއ (6) މަޑުގެ އިދިކޮޅު (7) ޅަކަމުގެ އިދިކޮޅު (8) ވައިމަތި ޅަކަން ކެނޑުމުން ވާގޮތް މިސާލު: ފުރަންވާނީ ވައިމަތި ހަރުވެލީމައެވެ. (ވައިމަތި ޅަވުމަކީ ދެންމެދެންމެ ވިއްސާރަ އަތުވެދާނެ ކަހަލަ ގޮތަކަށް ޖައްވު އޮތުމެވެ.) (9) ހަރުބޭހުގެ ސަބަބުން ހަށިގަނޑަށްވާ ރަނގަޅު )01( ތަރުކާރީއާއި މޭވާފަދަ ތަކެތި ފައްކާވަމުން އައިސް ދޮންވުމަށްވާ ތައްޔާރު (11) ބުއްދިވެރި (21) ހަރުދަނާ )31( ހަލުއި މިސާލު: ސީކިންގ އެދުވަހު ހުޅުލެއަށް ދިޔައީ އޭގެ އެންމެ ހަރުދުވެލީގައެވެ )41( އެއްޗެއްގައި އަނެކައްޗެއްވާ ތަތް މިސާލު: އަހަރެން މިހަދާ މަލުގައި މިހާރު ދެފިޔަ ހަރުކޮށްފީމެވެ )51( ބާރު މިސާލު: އޭނާ ދިޔައީ ވަރަށް ހަރުކޮށް )61( )ބދ ގެ
ހަރުވާޅު
ނ ފޫޅާކަކުލާ ދެމެދު ނިވާކުރަން އަޑިންލާ ފޭރާމެއް މިހުންނަނީ އަންނަ ފަށް ލައިފައި ދެފައިކުރި ވަކިން ފަހައިފައެވެ
ހަރުމަތީބަޑި
ނ ކުދިވަރުގެ ބޮޑުބަޑި މިބަޑި ގެންގުޅޭނީ ހަރުމަތީގައެވެ
ހަރުފަމުތް
ނ (1) ހަށިގަނޑުން ވިހަދަމާ ހިލައެއް މީގެ އަޞްލު އުފެދެނީ ހަރުފައިގެ އެތެރެހަށީގައި ކަމަށް ބުނެވެއެވެ (2) މޮހޮރާ
ހަރުފަތަށް އެރުން
މ ހުކުރު ކުރުމުގެ ހުއްދަ ލިބުން އިހުގައި މިކަންކޮށް އުޅެނީ އުޖޫރައެއްނެތިއެވެ
ހަރުދަނޑި
ނއ (1) ގަދަޔަށް ނިދައިފައިވާ މިސާލު: ނިދައިހަރުދަނޑިވެއްޖެއޭ ބުނަނީ މާގަދަޔަށް ނިދީކަން އެންގުމަށެވެ (2) މަރުވެ ގިނައިރުވެފައިވާ މިސާލު: މަރުވެ ހަރުދަނޑިވެއްޖެއޭ ބުނަނީ މަރުވިތާ ގިނައިރުވެ ހަރުކަށިވީމައެވެ
ހަރޮނގުހިކާ
ނ ހިކާގެބާވަތެއް މަހުގެ ކުލައަކީ ދަނބުކުލައެވެ މަހުގެ މަތީކައިރިން ފެށިގެން ތިރިއަށް މަހުގެ ދިގަށް އޮރެންޖްކުލައިގެ ފުޅާ ހަނރޮގު ފާޅުކޮށް ފެންނަން ހުރެއެވެ ނިގޫފަތް ހުންނަނީ ފެހިކުލައިގައެވެ ކަޅުކުލައިގެ ލަފެއްނިގޫފަތުގެ ބަނޑުދަށުގެ މަތީބައިގައި ހުރެއެވެ
ހަރޯދަ
ނ ޝައްވާލުމަހުތެރޭގައި ހިފަން އޮންނަ ސުންނަތް ހަރޯދަ. މި ހަރޯދަ ޢާއްމުކޮށް ހިފައިއުޅެނީ ވަޅުއީދު ދުވަހުން ފެށިގެންނެވެ
ހަޅަ
ނ (1) އިރުވައިގެ ދެވަނަނަކަތް ފެށުނީއްސުރެ ތިންވަނަ ނަކަތް ހުސްވުމާއި ދެމެދު (2) އިރުވައި މޫސުމުގެ ގަދަވައި (3) މަޖާޒު: ސަމާސާގޮތުން ހަޅޭއްލާ ގަދައަށް ކުރާ ޒުވާބު (4) ސަކަ
ހަކިގޮޅާ
ނ ގޮޅާގެ ބާވަތެއް. މިގޮޅާގެ ބޭރުގައި ނުސާފު ހުދުކުލައަކާއި ފެހިމުށި ކުލައަކާއި ކަޅާއި އަދި ދަނބުކުލައަކުން ކުރެހުން އެޅިފައިވެއެވެ އަނގަމަތި ހުންނަނީ ހުދުކުލައިގައެވެ
ހަކުރުބޮލި
ނ ބޮލީގެ ބާވަތެއް ގަދަމުށިކުލައިގެ ތިކީގެ ރޮނގުތަކެއް ވަރަށް ހިމަކޮށް މިބޮލީގެ ބޭރުގައި ހުރެއެވެ ބަނޑުދަށްފަރާތް ހުންނަނީ ހުދުކޮށެވެ ބުރަކަށިމަތީގައި މުށިކުލައާއި ގާތް ދޮންކުލައެއް ހުރެއެވެ
ހައި
ނ (1) ކުނާވިޔަން ގެންގުޅޭހުއި (2) ވިޔުނު އެތިގަނޑުގެ ކޮޅުން ކަނޑާލާ އުއިގަނޑުގެ އުއި (3) ބަނޑު ހުސްވުމުގެ އުނދަގޫ (4) ނއ އަޑި (5) ހިނދި (6) ވަރުލައި މިސާލު: )ހ( މީހާގެ ހައިވެލާ ތަންކޮޅެއް ނެތެވެ )ށ( މިދޯނީގައި ހައިވެލާ ތަންކޮޅެއް ނެތެވެ )ނ( މިއީ ހައިނުކޮށް ރާޅުމުގުރާ ތަނެކެވެ އތ (7) މިންވަރު މިސާލު: ނާޅިއެއްހާ ހަނޑޫ (8) ކޮންމެ މިސާލު: ނެތްހައި އެއްޗެއް ހޯދަން އުޅެއެވެ
ހައިބަވަންތަކަން
ނއނ މީހުން ޖެހިލުންވާ ސިފަ މިސާލު: )ހ( ﷲގެ ހައިބަވަންތަކަން ހަނދުމަކުރާށެވެ )ށ( އެއީ ވަރަށް ހައިބަވަންތަކަން ހުރި މީހެކެވެ )ނ( އެޖަލްސާގެ ހައިބަވަންތަކަން ބޮޑުކަމުން އަޅުގަނޑަށް އެއްޗެއް ނުބުނެވުނީއެވެ
ހައިޑުރޯމީޓަރު
ނ (1) ފެންގަނޑު ބޮޑުވެ ކުޑަވާވަރު ބެލުމަށް ބޭނުންކުރާ އާލަތެއް (2) ދިޔާ އެއްޗެހީގެ ބިމަށްދަމާ ބާރުބެލުމަށް ބޭނުންކުރާ އާލަތެއް މިކަންކުރަނީ ފެނުގައި ލޮނުގެ އަސަރު ހުންނަ މިންވަރު ބެލުމަށެވެ