radheef.info
ރަދީފު


ހެރި
ނ (1) ހޭރި (2) "ހެރުން" މިބަހުގެ ނިމި ނިމުނުކަން
ބޮއިފައް
ނ )ސ.( ޅަފިޔޮއް ދޫނި ފަދަ ތަކެތި ވިހައިގެން އުޅޭއިރު ހުންނަ ކެހެރި
ބޮޑުހިޔާކުރުން
މ އަނގަމަތި ދޯނިފަހަރު ގެހެރި ކުރުން
ކަށިކޮތަން
ނ ކޮތަނުގެ ބާވަތެއް މިއީ ގޮފި ގިނަ ގޮފިތަކުގައި ކަށިހުންނަ ގަހެކެވެ މިގަހުގެ ފަތުގެ މަތީ ފަރާތުގައި އަޅައިގަންނަ ކަހަލަ ކެހެރި ތަކެއް ހުރެއެވެ މިއީ އެއްތަނޑެއްގައި ބޮނޑިއަކަށް މާއަންނަގަހެކެވެ މީގެތެރޭގައި އެކިކުލަކުލައިގެ މާއަޅާ ގަސްހުރެއެވެ މިގަހުގެ މަލާއި ފަތުގައި ގަދަ ޒަވިވަހެއް ހުރެއެވެ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކިސުޑި
ނ ފޭރާމުގެ އޮމާންކަމާއި އޮފުކެނޑި ކެހެރި ހިލިގެންވާރާޅު އެހެން އެއްޗެއްސަށްވެސް އެގޮތްވީމާ މިހެންކިޔައެވެ
ކިސުޑިވުން
މ ފޭރާމުގެ އޮމާންކަމާއި އޮފުކެނޑި ކެހެރި ހިލިގެން ރާޅުވުން
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކެހެރި
ނ (1) ޖަނަވާރުގެ އިސްތަށި. (2) ބައެއް ގަސްގަހުގެ ފަތުގައްޔާއި ގަންނަ ތަކެތީގައި ހުންނަ ހިމަ ލޯލި (3) އިސްތަށި (4) ކެހެރިއާ އެއްގޮތަށް ހަދައިފައި ހުންނަ ތަކެތި
ކޮޅުމާ
ނ (1) އޮޑި ދޯނިފަހަރުގެ ހެރި ކުރާއިރު ދިރުނބާކޮޅުން ނުކުންނާން އޮންނަތަނާއި އެތަން ނިވާކުރާން އެލުވާފަން (2) އޮޑިހަރުގޭގެ ވައިމައްޗަށް ހުންނަކޮޅު ބައްދާންޖަހާ ބިތްގަނޑު
ކޮއްޗޭފަތް
ނ ހުވަނދުބޭހަށް ބޭނުންކުރާ ފަތެއް މިއީ ފަތުގެ ބޭރުގައި ކުދި ކެހެރިތަކެއް ހުންނަ މީރުވަސްދުވާ ފަތެކެވެ ފަތް ހުންނާނީ ތުނޑުތުނޑުލާފައެވެ މިފަތުގެ ތަނޑު ކުރުވާނެއެވެ
ކޮތަން
ނ ކައިރީގައި ތުނޑުހުރެފައި ވައްކޮށް ފަތްހުންނަގަހެއް މިއީ ބޭހަށްގެންގުޅޭ ފިލާވެއްޔެކެވެ މީގެފަތުގައި ކެހެރި ހުންނާނެއެވެ މީގެ ކިތަންމެބާވަތެއް ހުރެއެވެ
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އިބިލީސްކަށިޖެހުން
މ ގައިގެތަނަކަށް ހިމަހިމަ ލޯލިފަށެއްހެރިފައި ހުންނަހެން ހީވެފައި އެހެރުނު އެއްޗެއް ފެންނާންނެތުން
އިސްތަށި
ނ ބޮލުގައްޔާއި އަދިވެސް ގައިގެ ބައެއް ތަންތާނގައި ފަޅައިފައި ހުންނަ ހިމަ ދިގު އެއްޗެއް މިހުންނާނީ ނަރުތަކެއްގެ ސިފައިގައެވެ އާންމު ގޮތެއްގައި އޭގެ ކުލަ ކަޅު ނަމަވެސް އެހެން ކުލަ ކުލައިގައި ހުންނަ އިސްތަށިވެސް ހުރެއެވެ ޖަނަވާރުގައި މިގޮތަށް ފަޅައިފައި ހުންނަނީ ކެހެރިއެވެ
އުކުއްލުން
މ ހެރިފައި ހުރި ކައްޓެއްފަދަ އެއްޗެއް ނެރޭން އެއްޗަކުން ކޮއްޓުން
ވަނި
ނ (1) ފުއްޓަރު ފަރާތުގައި ގޮނި ގޮންޏަށް ވަދެފައި ހުންނަ އޮއިހެޔޮ ވަތްހެޔޮ ތަންތަން މަޖާޒު: (2) ނަހަމަގޮތުގައި ބައްދަލުވެއުޅޭ އެކަހެރި ތަންތަން (3) މަޖާ ވާހަކަ ދައްކައި ނުވަތަ ކޮންމެވެސް ކަމަކަށް ސައްލާކޮށް އުޅުމަށް ކަނޑައެޅޭ ބަޔަކު އެއްވާ ތަން
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަކިން
ކއ )ވަކީން( (1) ތަފާތުކޮށް. (2) ނިސްބަތްކޮށް ބަލާއިރު. (3) އެކަހެރިކޮށް. މިސާލު: އޭނާއަށް ވަކިން ހެޔޮކޮށް ހިތާށެވެ. އޭނާއަށްވުރެ އަހަރެން ވަކިދެރަހޭ ؟ އޭނާ ވަކިން ބައިންދާށެވެ
ވަކިންއުޅުން
މ އެކަހެރިކޮށް އުޅުން