radheef.info
ރަދީފު


ހޫނ
އ (1) އާނ (2) ތިޔަކުރާ ކަންތައް އެނގިއްޖެޔޭ ބުނުމުގެ މާނައިގާ ބުނާ ބަހެއް މިބަސް ގިނައިން ބޭނުންކޮށް އުޅެނީ "ހޫނ ހޫނ" މިހެންނެވެ
ހޫނހޫނ
އ ހޫނ
ހޫނުބޮނޑި
ނ ފޮތިގަނޑެއް ގުޅަކޮށް އަނގައިގައި ޖައްސައިގެން ފުމެ ހޫނުކަންދީފައިވާ ފޮތިބޮނޑި
ހޫނުބޮނޑި އެޅުން
މ ހޫނުބޮނޑި ލޮލުގައި ޖައްސައި ބޮނޑިތާންކުރުން
ހޫނުކަން
ނއނ (1) ފިނީގެ އިދިކޮޅުކަން (2) އަލިފާނާއި ކައިރިވީމާ ހޫނުގެ އަސަރުކުރާކަން (3) އަވީގައި ހުރީމާ ހަށިގަނޑަށް ހޫނުގެ އަސަރުކުރާކަން މަޖާޒު: (4) ރުޅީގެ އަސަރުހުރިކަން މިސާލު: މިއަދުގެ މެޗު ހުއްޓާލީ މާބޮޑަށް މެޗު ހޫނުވުމުގެ ސަބަބުންނެވެ (5) ފޯރިގަދަކަން (6) ގަދަ ޒުވާބުކުރާކަން
ހޫނުކުރުން
މ (1) ހޫނުގެ އަސަރު ފޯރުވުން (2) ހޫނުކަން ގެނައުން މަޖާޒު: (3) ރުޅިއެރުވުން (4) ނުރުހުންތެރިކަން އުފެއްދުން
ހޫނުވައި
ނ (1) ހޫނުކަން ހުންނަވައި (2) ފަރުބަދަމަތިން ސަހަރާއަށް އަންނަ ވައި މިވައިގައި ދިލަހޫނެއް ހުރެއެވެ
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ
ހޫނުމޫސުން
ނ (1) އިރުވައިގެ ފަހުކޮޅު (2) ގިނިރާހީގެ ހޫނުވާ ދުވަސްވަރު
ހޫނުގަދަ
ނއ (1) ހޫނުމިންމަތި (2) ހޫނުކަން ބޮޑު
ހޫނުގަދަކަން
ނއނ (1) ހޫނުމިން މަތިކަން (2) ހޫނުކަން ބޮޑުކަން
ހޫނުގަދަވުން
މ (1) ހޫނުމިންމަތިވުން (2) ހޫނުކަން ބޮޑުވުން
ނިއްވުން
މ (1) އަލިފާން ހުޅާއި ދަރު އަލިފާނުން އަލިފާނުގެ އަސަރު ކެނޑުވުން (2) ރޭޑިޔޯ ޓީވީ އިންޖީނު ފަދަތަކެތި ހުއްޓައިލުން (3) ދިއްލައިފައި ހުންނަ ތަކެތި ދިއްލުމުގެ ބާރުކަނޑުވައިލުން (4) މަޖާޒު: ހިހޫފެނާ ހޫނުފެނާ އެއްކޮށްގެން ހޫނުކަން މަޑުކުރުން
ނިވާލުން
މ (1) އަލިފާން ނެއްތައިލުން (2) ހޫނު ފެނަށް ހިހޫ ފެންއަޅައިގެން ހޫނުކަން މަޑުކޮށްލުން (3) އިންޖީނާއި ރޭޑިޔޯއާއި ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓައިލުން (4) އަވިމަޑުވެލުން ނުވަތަ ހަނދުވަރު ފަނޑުވެލުން
ނިވުން
މ (1) އަލިފާން ހުރެފައި ނެތުން. (2) ދިއްލިފައި ހުރިއެއްޗެއްގެ އަލިކަން ދިޔުން. (3) ހޫނުފެނަށް ހިހޫފެން އަޅައިގެން ހޫނުކަން މަޑުކުރުން. (4) އިންޖީނު ރޭޑިޔޯ ފަންކާ ފަދަ ހިނގަހިނގާ ހުންނަ ތަކެތީގެ ހިނގުން ހުއްޓުން (5) އަވި މަޑުވުން ނުވަތަ ހަނދުވަރު ފަނޑުވުން
ނުވަރޭފެން
ނ ވިހާތާ ނުވަދުވަސްވުމުގެ ކުރިން މިހެން ކިއުނުގޮތަކީ އިހުގައި މީހަކު ވިހައިފިނަމަ ނުވަދުވަސް ވާދެން ދުވާލަކު ތިންފަހަރު ނުވަތަ ފަސްފަހަރު އެމީހާ ފެންވަރުވާތީއެވެ މިފެންވަރުވާނީ ހޫނު ފެނުންނެވެ
ނޫރު
ނ (1) ހޫނުކަމެއް ދިލަކަމެއްނެތް ސާފުއަލި (2) ހިދާޔަތު މިސާލު: އިސްލާމްދީނުގެ ނޫރުގެ އަލިކަން (3) އަލި މިސާލު: ޢިލްމީ ނޫރު (4) އަލިކަން މިސާލު: އިސްލާމްދީނުގެ ނޫރު
ނޫޑުލިސް
ނ ބޭރުން ގެނެވޭ ޕެކެޓްކުރެވިފައިވާ ތައްޔާރީ ކާނާއެއް. މިހުންނަނީ ފަށްފަށަށެވެ. މިއީ ހޫނުފެނުގައި ފަސޭހައިން ރޯފިލާ ކާނާއެކެވެ
ނޭވާއެޅުން
މ ނޭވާގެ ހޫނުކަން ފޯރާ ފަށުން އެއްޗަކަށް ނުވަތަ މީހަކާ ދިމާކޮށް ނޭވާލުން
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން