radheef.info
ރަދީފު


ހިތް
ނ (1) އެތެރެހަށީގައިވާ ވެރިގުނަވަން ތަކުގެ ތެރޭގެ ގުނަވަނެއް މީގެ މަސައްކަތަކީ ލޭހިންގުމެވެ (2) އެދުން (3) ބޭނުން
ހިތަށްފިނިކަންލިބުން
މ (1) ހިތްހަމަޖެހުން ލިބުން (2) ހިތަށް އުފާވެރިކަން ލިބުން
ހިތަށްތަދުވުން
މ (1) ހިތަށް ހިތި އަސަރެއްކުރުން (2) ހިތްދަތިވުން
ހިތާ
ނ (1) ހިތްޤަބޫލު (2) ހިތްރުހޭ (3) "ހިތުން" މިބަހުގެ ވާކަން (4) "ހިތުން" މިބަހުގެ އަމުރު
ހިތާވުން
މ (1) މީހެއްގެ ނުވަތަ އެއްޗެއްގެ މައްޗަށް ހިތް ލެނބުން (2) ހިތްޖެހުން މިބަސް ގިނައިން ބުނެއުޅެނީ އިންސާނުންގެ ދެޖިންސުގެ ދެމެދުގައި ހިންގާ ލޯތްބަށެވެ (3) ޤަބޫލުވުން
ހިތޭރި
ނއ (1) ހިތްވަރުހުރި (2) ހިތްވަރުގަދަ
މިސާލު: މިންވަރަށްވުރެ މާމައްޗަށް ހިތްގެންގޮސްގެން އުޅޭ މީހުނާމެދު ބުނެއުޅޭ ބަހެއް ހިތް އޮންނާނީ ސިދުރަތުލް މުންތަހާގައެވެ
މިސާލު: މީހެއްގެ ކިބުރުވެރިކަމާއި ބޮޑާކަން މާމައްޗަށް ދިއުމުން އެކަމާމެދު ބުނެއުޅޭ ބަހެއް ހިތް އޮންނާނީ އާސްމާނުގައެވެ
ހިތްހަށިހަމަވުން
މ (1) ހިތާއި ހަށިގަނޑު ހަމަޖެހިފައި ހުރުން (2) ހިތްގައިމު ކަންލިބުން
ހިތްހައްޓާބެދުން
މ މަޖާޒު: (1) ހިތްހަމަޖެހޭ ވަރުވުން (2) ހިތްހަށިހަމަޖެހުން
ހިތްހަމަޖެހުން
މ (1) ހިތަށް ލިބިފައިވާ ދަތިކަމެއް ފިލުން (2) ހިތްރުހޭ ގޮތްވުން
)ހަރުބަހެއް( ބޭނުންނެތް ނަމަ ސާފުކޮށް ބުނުމަށާއި އަނެކާގެ ހިތުގައި ނުޖެއްސުމަށް ނަސޭހަތްތެރި ވުމުގެ ގޮތުން ބުނެއުޅޭބަހެއް ހިތްހިތުގައި ނުޖައްސާށެވެ ހިތްނެތިއްޔާ ނުކުރާށެވެ
ހިތްހެއު
ނއ ހިތްހެޔޮ
ހިތްހެޔޮކުރުން
މ (1) ހިތްބަރުކަމެއް ނުބޭއްވުން (2) ނުރުހުމެއް ރުޅިވެރިކަމެއް ހިތުގައި ނުބޭއްވުން (3) މަޖާޒު: ހިތުން ފިލުވައިލުން މިސާލު: އަހަރެންގެމަތިން ހިތްހެޔޮކޮށްލާށޭ މިހެންބުނެފިނަމަ އޭގެމާނައަކީ ހަނދާންނައްތާލާށޭ މިއެވެ
ހިތްނުބައި
ނއ (1) ހިތްހެޔޮކަމުގެ އިދިކޮޅު (2) މީހާގެ އެތެރެފުށްވާނުސާފު (3) ނުނިޔަތްލާ (4) ހަސަދަވެރި (5) ރުޅިވެރި
ހިތްރުހުން
މ ހިތްޤަބޫލުވުން
ހިތްބަރު
ނއ (1) ހިތް ކިލަނބު (2) ހިތުގައި ހިނގާ ނުރުހުން (3) ހިތްހެޔޮނޫން
ހިތްބަރުކުރުން
މ (1) ހިތްކިލަނބުކުރުން (2) ހިތުގައި ނުރުހުން ހިންގުން (3) ހިތްނުބައިކުރުން
ހިތްބަރުވުން
މ (1) ހިތުގައި ކިލަނބުކަން ހިނގުން (2) ހިތްނުބައިވުން
ހިތްބަލި
ނއ (1) އަވަހަށް އަސަރުކުރާގޮތް ހުންނަ (2) ފިނޑި (3) ހިތްވަރު ދެރަ
ހިތްކަޅު
ނއ ހިތްނުބައި