radheef.info
ރަދީފު


ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިތޮރާ
ނ ތޮރައިގެ ހިތިބާވަތް މިއީ އިހުޒަމާނުގައި މާލޭގައި ހެދުނު ބާވަތެކެވެ މިތޮރާ ހުންނާނީ އާދައިގެ ތޮރައަށްވުރެ ކުދިކޮށެވެ ކާންކެރޭ ވަރަށްވުރެ އެތޮރައިގެ ރަހަ ހިތިވާނެއެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިތީބެރު
ނ ހިތީ ކިޔަވާންދާން އެންގުމަށް ހިތިދުވަހު ޢަޞުރަށް ގޮވީމާ ޖަހާއުޅުނު ބެރު
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިތީކިޔެވުން
މ ހިތިދުވަހު އަޞްރު ނަމާދުން ފައިބައިގެން ބޮޑު ކިއެވެނީންނާއި ކަމުވޮށިނުވޮށީން އެދުވަހު ހިއްޗަށް ވަޑައިގަންނަވާ ޒިޔާރަތެއްގެ ކައިރީގައި ފޮތް ފޮއްޓެއް ކިއެވުން
ހިތީކުޅި
ނ ހިތި ދުވަހާއި ހިތި ވިލޭރޭގެ ކުޅިވަރު
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ހިތެކަންޓާ
ނ )ގ ( މަހުގެ ހިތިކަށިގަނޑު
ހިތްހަލާކުވުން
މަޖާޒު: ހިތަށް ހިތި އަސަރެއް ކުރުން
ހިތްރޮއްވުން
މ ހިތަށް ހިތި އަސަރެއްކުރުވުން
ހިތްފަޅައިގެންދިއުން
މ މަޖާޒު: (1) ހިތަށްމާބޮޑަށް ހިތިއަސަރެއް ކުރުން (2) ހިތަށް މާބޮޑަށް ވޭނާއި ކެކުޅުން ލިބުން
ހުއިސުން
ނ (1) މީރުވަސްދުވާ ތޫނު ހިތިރަހަދޭ މުލެއް (2) ހުވަނދުބޭހުގެ ބާވަތެއް
ނާބަ
ނ މަޣްރިބު ނަމާދަށް މާލޭ ހުކުރު މިސްކިތު މުންނާރުން ބަންގި ގޮވާ ނިމުމާއި ވިދިގެން ނާބުސްޚާނުން ޖަހައި އުޅުނު ބެރު. ރަސްމީ ބެރުޖެހުން އޮންނަރޭރެއަށް ނާބަ ޖަހައި އުޅުނީ އެބެރުގެ ފަހުގައެވެ. ބޮޑުދެހިތީގައި ޖަހާއުޅުނީ ހިތިގެދޮށުގައެވެ. ރަޖަބު ރަމްޟާން ޝައްވާލު މިމަސްމަހަށް ހަނދުބަލާރޭރޭ މިބެރުޖަހައި އުޅުނީ ބަޑިޖެހުމުގެ ފަހުގައި ނުވަތަ ހަނދު ފެނުނުކަން އެގުނީމައެވެ
ނިޔަނދުރު
ނ ލުނބޮޔަށްވުރެ ތޮށިގަނޑުބޯ ތޮށިގަނޑުގައި ފިތްހުންނަ މެދުވަރު ފަޅޮލުގެ ބޮޑުމިނުގެ ހުތްމޭވާއެއް މިއީ ކާއިރުމީރު އެކަމަކު ފަހުން ހިތިރަހަލާ އެއްޗެކެވެ
ނުއިބޭސް
ނ ކަޅުދަނބުކުލައިގައި އެތިއެތިކޮޅަށް ހުންނަ ކުލަޖައްސާން ގެންގުޅޭ އެއްޗެއް މިހަދަނީ ކުދި ހިތިގަހުގެ ފަތް ފެނުއަޅައިގެންނެވެ މި ބޭހަށްވެސް ލައިއުޅެއެވެ އިހުޒަމާނުގައިވެސް ނުލުގެ ބަދަލުގައި ބޭނުން ކުރަނީވެސް މިއެވެ
ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ރަހައެނގުން
މ (1) އެއްޗެއްގައިލަނީ ފޮނިރަހަކަން ލޮނުރަހަކަން ހުތްރަހަކަން ނުވަތަ ކުޅިރަހަކަން ހިތިރަހަކަން އިހުސާސްވުން (2) މަޖާޒު: އަންހެނެއްގެގޮތް ބާވަތް އެނގުން
ރާހަތްލުން
މަޖާޒު: ކުރި ނޭދެވޭ ކަމެއްގެ ހިތިނަޖީޖާ ފެނުން
ބޭސްދަމުއި
ނ ހިތިދަމުއި