radheef.info
ރަދީފު


ހާރު
ނ (1) ރޯދައަށް ހުރުމަށްޓަކައި މެންދަމުގެ ފަހުގައި ކާ ކެއިން (2) އަންހެނުންގެ ކަރުގައި އަޅާ ގަހަނާއެއް
ކަހުރަބު
ނ ވަރަށް އިހުޒަމާނުގައި ދުނިޔޭގައި ހެދުނު މިހާރު ދުނިޔޭގެ އެއްވެސް ތަނެއްގައި ނުހެދޭ ބާވަތެއްގެ ގަހެއްގެ ކިރު މިއީ އެތައް ޒަމާނެއް ވަންދެން ބިމުގެ އަޑީގައި ހުރެ ފިތިހަރުވެގެން ހެދޭ ރީނދޫ ރަތްކުލައިގެ އެއްޗެކެވެ އަނގޮޓީގައި ޖަހާއެހުގެ ގޮތުގައްޔާއި ތަސްބީހަ ފަދަ ތަކެތި ހަދާށާއި ބޭސްވެރިކަމުގައި މިބޭނުން ކުރެވެއެވެ
ކަށިވިދުރި
ނ ގައިންގަޔަށް އަރާ ބައްޔެއް. މިއީ ނުރައްކާތެރި ގަދަ ހުމަކާއެކު ގައިން ބިހިތަކެއް ނަގައިފައި ޖެހޭ ބައްޔެކެވެ. މިބިހިތައް ހަފުތާއެއްގެ ފަހުން ދޮސްއަރައިފައި ހުންނަ ފޮޅުތަކަކަށް ބަދަލުވެއެވެ. މިއީ ވައިރަހެއްގެ ސަބަބުން ޖެހޭ ބައްޔެކެވެ. 7 ދުވަހާއި 02 ދުވަހާދޭތެރޭ މިބަލި ރަނގަޅުވާއިރު ދާއިމީ ގޮތެއްގައި ނުފިލާ ހުންނަ ލަކުނުތަކެއް ގައިގައި ހުރެއެވެ މިއީ މިހާރު ދުނިޔެއިން ނައްތައިލެވިފައިވާ ބައްޔެކެވެ
ކާވެނީގެރޮނގު
ނ ކާވެނީގެ ގޮތުން މިހާރުހުރިގޮތް
ކުޅިމީރު
ނ އަހުވަ )މިސާލު: (1) މިހާރު ހުންނާނީ އޭނާއަށް ކުޅިމީރު ފެނިފައެވެ (2) މިހާރު ތިޔަކަމުގެ ކުޅިމީރު އަހަންނަށްވެސް ފެނިއްޖެއެވެ (3) ބަލަން ހުންނާށެވެ! ނިކަންރަގަޅަށް އޭނާއަށް ކުޅިމީރު ދައްކާލާނަމެވެ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
އަމަލު
ނ (1) މަސްތު (2) އެއްޗެއްކައިގެން ނުވަތަ ބޮއިގެންވާ މަސްތު (3) މަޖާޒު: ލިބުނު ޙައިރާން ކަމަކުންވާ ދެބަންދިހާރު
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަތޮޅުމުޅި
ނ ގޮވާންކުރާ ރަށްރަށުން އަތޮޅުވެރިޔާއަށް އަންނަގޮވާންމުޅި މިހާރު މިމުޅިއެއްނޯވެއެވެ
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލްޕަކާ
ނ ކަޅު މޮޅު ފޮއްޗެއް. އިހުގައި މިފޮތި ޚާއްޞަވެފައިވަނީ ގަނޑުވަރުތެރޭގެ މަތީ ދަރަޖައިގެ ފިރިހެން ބޭފުޅުންގެ ލިބާސްކޮޅު ކެނޑުމަށެވެ މިހާރު މިގިނައިން ގެންގުޅެނީ އަންހެނުން އުނުއަނުމަށެވެ
އަޑުއެރުވުން
މ އިޝްތިހާރު ކުރުމުގެ ގޮތުން ނުވަތަ މަޝްހޫރު ކުރުމުގެގޮތުން ވާހަކަ ފެތުރުން
އިހު
ނ (1) ވޭތުވެދިޔަ ޒާމާން (2) މިހާރުގެކުރި
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އެބަ
ނ (1) މިހާރު (2) އިސާހިތަކު (3) އިރުކޮޅަކުން
އޭރު
ނ (1) އެއިރު (2) އެވަގުތު (3) އެހާރު (4) އެތަންވަޅު
އޯކިޑް
ނ ރީތިމަލެއް އަޅާގަހެއް މީގެއެތައް ބާވަތެއް ހުރެއެވެ މީގެ މަލަކީ މިހާރު ދުނިޔޭގައި މާމަޝްހޫރު މަލެކެވެ
މަސްތުވުން
މ (1) އަމަލުވާގޮތްވުން (2) ޚިޔާލެއްގައި ނުވަތަ ކަމެއްގައި ދެބަން ދިހާރުވުން (3) އެދުންވެރިކަން މާބޮޑުވުން (4) ދީވާނާވުން (5) ބޭހޯސްވުން
މިހިނދު
ނ (1) މިހާރު (2) މިވަގުތު (3) މިތަންވަޅު
މިކައު
ނ )ބދ ( މިހާރު
މިކަލެ
ނ )ގ ( މިހާރު