radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
މުށްގަނޑު
ނ އެއްޗެހީގައި ހިފަން ހަދައިފައި ހުންނަތަން މިސާލު: ހަނދީގެ މުށްގަނޑު ވަޑާން ކަށީގެ މުށްގަނޑު
މުންނާރު
ނ ބަންގީގެ އަޑު ދުރަށް އިއްވުމަށްޓަކައި މިސްކިތާ ގުޅިގެން ނުވަތަ ކައިރީގައި އުސްކޮށް ހަދައިފައި ހުންނަ ތަންތަން
މުންނާރުންގޮވުން
މ މުންނާރުގެ މައްޗަށް އަރާހުރެ ބަންގިއާއި ޞަލަވާތާއި މުނާޖާ ގޮވާގޮވުން. މިސްކިތުގައި ހުރެ މުންނާރުގައި ހުންނަ އަޑު ގަދަކުރާގެ ޒަރީޢާއިން ގޮވާ ގޮވުމަށްވެސް މުންނާރުން ގޮވުމޭ ކިޔައެވެ
މުރަނަ
ނއ (1) ހިކިގެންގޮސް ފަސޭހައިން ފުނޑުފުނޑު ވެގެންދާގޮތް ހުންނަ (2) އަވަހަށް ބިނދޭގޮތް ހުންނަ (3) މަޖާޒު: ރުޅި އިސް ހަރުކަށި
މުރަނަކަން
ނއނ (1) ހިކިގެންގޮސް ފަސޭހައިން ފުނޑުފުނޑުވާ ވަރަށް ހުންނަ ހަރުކަން (2) ތާސް ދަގަނޑު ފަދަ ބައެއް މަޢުދަނީ ތަކެތީގައި ހުންނަ ހަރުކަން (3) ނ ލަކުޑިގައި ހުންނަ ފަސޭހައިން ބިނދޭގޮތް (4) މަޖާޒު: މީހުންގެ ކިބައިގައި ހުންނަ ރުޅިއިސް ހަރުކަށިގޮތް
މުރަކަކުރި
ނ ފުށުންހަދާ ހެދިކާ އެއްޗެއް މިހުންނަނީ މުރަކައިގެ އެތިކޮޅެއްހެންނެވެ
މުރަކަކެޔޮފޮތި
ނ ބައެއް ކުކުޅު ހާލުގެ ބޮލުގައި މުރަކަ ކުރިތަކެއްހެން ހުންނަ ކެޔޮފޮތި
މުރަކަމަސް
ނ މުރަކައިގެ ތެރޭގައި ބައިބަޔަށް އުޅޭ މަހެއް. މިބާވަތުގެ މަސްމަހުގެ ދެއަރި މަތީގައި މަހުގެ ހުރަހަށް ފުޅާ ތިންރޮނގު ނުވަތަ ކަޅު ތިންރޮނގު ނުވަތަ ގަދަމުށި ކުލައިގެ ތިންރޮނގު ހުރެއެވެ މަހުގެ ނަގޫ ހުންނަނީ އަލިކުލައިގައެވެ ކަންފަތްގަނޑު ހުދުކުލައިގައެވެ ކަންފަތްގަނޑުގެ ބުޑު ހުންނަނީ ކަޅުކުލައިގައެވެ
މުރަކަގަނޑު
ނ ތަންތަންގަނޑަށް ހެރިފައި ހުންނަ މުރަކަ
މުރަކަގަސް
ނ ގަހެއްހެން ހެދިފައި ހުންނަ މުރަކަ
މުރައްކަބުނަން
ނ އެއްބަހަށްވުރެ ގިނަބަހުން އެކުލެވިގެންވާ ނަން މިސާލު: ހުންގާނުދޫނި
މުރައްކަބުމަސްދަރު
ނ އެއްބަހަށްވުރެ ގިނަބަހުން އެކުލެވިފައިވާ މަސްދަރު މިސާލު: ހިތް ނުބައިވުން
މުރީދު
ނ ޒިކުރުމާލޫދާއި ބޮޑުލަވަކިޔުމާއި ތާރަޖެހުންފަދަ ބައެއް ކަންތަކުގެ އެދުރުމީހާ
މުރީދުކަން
ނ ޒިކުރު މާލޫދާއި ބޮޑުލަވަ ކިޔުމާއި ތާރަޖެހުންފަދަ ބައެއްކަންތަކުގެ އެދުރުކަން )މިއީ އިހުގައި ރަދުން ދެއްވާ ހުއްދަޔަށް ލިބޭކަމެކެވެ
މުރުއްބާ
ނ ފުފޫ ފަޅޯ ގޯނބިލިފަދަ އެއްޗެހި ވަކިގޮތަކަށް ތައްޔާރުކޮށް ހަކުރު އަޅައިގެން ކައްކައި ހަކުރުގަނޑު ހިއްކައިފައި ހުންނަ އެއްޗެއް
މުރުސަލު
ނ ރަސްރަސްކަލުންގެ ޢިއްޒަތުގެ ތެރޭގައި ގެންގުޅެވޭ ޚާއްޞަ އެއްޗެއް މިއީ ސާމަރާދޫނީގެ ފަތާއި ކެނދިފަށުއިފަދަ އެއްޗެހިން ހަދައިފައި ހުންނަ އެއްޗެކެވެ މީގެ ބޭނުމަކީ މެހި ފޮޅުމެވެ. މިއަށް ހުންނާނީ މީރުވަސްދުވާ އަތަރު ޖަހައިފައެވެ.
މުރޮޅި
ނ ފަޅުފަޅުގެ ފުން ތަންތާނގައި ހެދިފައި ހުންނަ މުރަކަގަނޑު
މުޅިއޮޑީގައިހަސަނުދެފައި
)މިސާލުބަހެއް( ތަނެއްގައި ނުވަތަ ކަމެއްގައި މީހުންނަށް އުނދަގޫ ވާގޮތަށް އެމީހެއްގެ ތަކެތި ބަހައްޓައިގެން އުޅޭ މީހުންނާ މެދު ބުނާބަހެއް
މުޅޯ
ނ (1) ދަރުފެޅުމަށާއި ގާފެޅުމަށް ބޭނުންކުރާ އާލަތެއް. މިހުންނާނީ ތިލައެއްގައި ދަނޑިއެއް އިންދައިފައެވެ (2) މަޖާޒު: ބޮޑުނުވާ އަންހެން ކުދީންނަށް ޖިންސީގޮތުން ގެއްލުންދޭ ފިރިހެނާ
މުޅޯށި
ނ އެއްޗެހި އެޅުމަށް ފަނުން ވިޔެފައި ހުންނަ އެއްޗެއް