radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ގެނބުން
މ (1) ދިރޭއެއްޗެއް ކަނޑު ނުވަތަ މޫދު ނުވަތަ ފެންގަނޑެއް ފަދަ ތަނަކަށް ފެތުން (2) އަޑިޔަށް ދިއުން (3) މަޖާޒު: ކޮންމެވެސް ފިކުރެއް ނުވަތަ އަސަރެއްގައި އިނުން
ގެންނެވުން
މ (1) ކޮއްޕުން (2) ވެއްދުން (3) ގެނައުން މިބަސް މާތްކޮށް ބުނާގޮތް މިސާލު: އެފޮތް މިއަދު ގެންނެވުން އެދެމެވެ
)މުސްކުޅިބަހެއް( (1) ކިތަންމެ ދެރައެއްޗެއް ގެއްލުނަސް ވާހަކަ ދައްކާއިރު އެގެއްލުނު އެއްޗަކީ އެންމެމޮޅު އެތިކަމަށް ހަދައިގެން ވާހަކަ ދައްކައި އުޅޭތީ ބުނެއުޅޭ ބަހެއް (2) ތިމާއަށް ލިބެން މެދުވެރިވެފައި ނުލިބި ގެއްލިގެންދާ އެއްޗެއް އެއީ ހީކުރެވޭވަރަށްވުރެ އަގުހުރި އެއްޗަކަށް ވެދާނެކަން އެންގުމަށް ބުނެއުޅޭ ބަހެއް ގެންފައިދާނީ ފަލަމަހެވެ
ގެންދެވުން
މ (1) ގެންދިއުން މިބަސް މާތްކޮށާއި އެންމެ މާތްކޮށް ބުނާގޮތް (2) މަޖާޒު: މަރުވުން
ގެރިކިރުމެޓާ
ނ ގެރިކިރާއި ހަކުރާ އެއްކޮށްގެން ހިލާމެޓައެއް
ގެރިދުއްވުން
މ މަޖާޒު: ބިންގާ އަޅާއިރު ކޯރުތެރޭގައި ގާތައް އަތުރައި ތަޅައި ހަދައިފައި ދިޔާކޮށް އުވަ ނުވަތަ ސިމެންތި ގަށައިފައި އެގާތަކުގެ އެތެރެއަށް އެޅުން
ގެރިގާ
ނ މެދުންގުޅިފައި ހުންނަ ހަތަރުފައި ހިމެނޭ ސިމެންތި ގަލެއް. މިއީ ތޮށިލުމަށާއި ގޮނޑުދޮށް ޙިމާޔަތް ކުރުމަށް ބަހައްޓަން ހަދައިފައި ހުންނަ ވަރަށް ބޮޑު ގަލެކެވެ
ގެވެހި
ނއ އުޅުންހުރި މިބަސްބޭނުންކޮށްއުޅެނީ އަންހެނުންނާ މެދުގައެވެ
ގެވެހިކަން
ނއނ އުޅުންހުރިކަން މިބަސް ބޭނުންކޮށް އުޅެނީ އަންހެނުންނާ މެދުގައެވެ
ގެވެހީން
ނ )ސ ( (1) ގޭގެމީހުން (2) ގޭބިސީއެއްގައި ހިމެނޭ މީހުން
ގެމާވެދުމާދިއުން
މ ޢިއްޒަތްތެރިއަކު ވަޑައިގަންނަވާ އުޅަނދުފަހަރަށް ވެދުމާދިއުން މިގޮތަށް ވެދުމާދާއިރު އެބޭފުޅަކު ވަޑައިގަންނަވާ އުޅަނދު ޖައްސާ ކޮންމެރަށަކުން ކުރުނބާ އިހަލަކާއި ބިލެތްބޮނޑިއަކާއި 52 ލާރިދެއެވެ
ގޮށަނި
ނ )ޏ.ސ.( ހިކާވައްތަރުގެ ކުދިމަހެއް. މިމަސް އުޅޭނީ ފަޅުމަތީގައި ގާތަކުގެ ތެރޭގައެވެ ކުއްލި ދުވުމެއްގައި ގޮސް މަޑުކޮށްގެން ގިނަވަގުތު ހޭދަކުރެއެވެ
ގޮށިމޫނުންބާނި
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަކަށް ނުވަތަ ދަރިކަނބަލަކަށް އަންހެނުން ކުރާ ޚާއްޞަ ވެދުމެއް
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްކުޅަނދުރު
ނ ފަތްވަރަށް ހިމަކޮށް ހުންނަ ބިންމަތީގައި ފެތުރޭގޮތަށް ހެދޭގަހެއް. މިގަހުގެ އަޑިޔަށް ފައިބާ އެއްޗިއްސަށްވެސް ކިޔަނީ މިނަމެވެ. މިއީ މީރު ވަސްދުއްވުމަށާއި ބޭހަށް ބޭނުންކުރާ ވަރަށް މީރުވަސް ދުވާއެއްޗެކެވެ
ގޮށްމާވަޑި
ނ (1) އޮމާން ކަމެއްނެތި ކަސްކޮށް ލަކުޑިކޮށް އެއްޗެހި ހަދާމީހާ (2) މަޖާޒު: އާޑެއް ފާޑެއް ނެތްގޮތަށް ކަންތައްކުރާ މީހާ
ގޮށްލަރު
ނއ (1) އުޅޭއުޅުމާއި މަސައްކަތް ކުރުމުގައި ހަރުކަށިގޮތްބޮޑު. (2) ކުރާ މަސައްކަތުގައި ނުވަތަހަދާ އެއްޗެހީގައި އޮމާންކަމެއް ފާޑެއްނެތް
ގޮނގުރިޓުމެޝިން
ނ ގޮނގުރެޓު ގަށާމެޝިން
ގޮނގުރެޓު
ނ (1) ވެއްޔާއި އަކިރިއާއި ފެނާ އެއްކޮށް ގަށައިފައި ހުންނަ ސިމެންތި (2) ހިލަވެއްޔާއި ހިލަޔާއި ފެނާ އެއްކޮށް ގަށައިފައި ހުންނަ ސިމެންތި