radheef.info
ރަދީފު


ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޑެގިރި
ނ )ތ ( އެންމެ ޅަމެކުނަށްވުރެ ތަންކޮޅެއް ބޮޑެތިމެކުނު
ބަޑޮރިހުން
މ )ޏ ( ބަނޑުގައި ރިހުން
ބަޓަރުބިސްކޯދު
ނ ގިނައިން ބަޓަރު އަޅައިގެން ފިހެފައި ހުންނަ ބިސްކޯދެއް
ބަޓަރުބޯންޗި
ނ ބަޓަރުތޮޅި މިއީ ތަރުކާރީއެކެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބަޓޭލި
ނ ދަގަނޑު އައްޕަތް
ބަޔާހި
ނ 28 އައްޑިހަ ދޭއް
ބަޔާނަވައި
ނ ނުވަދިހަދޭއް 29
ބަޔާނާ ދިނުން
މ (1) ވިޔަފާރި ކަނޑައަޅައިފައިވާ އަގުން ބައެއްދިނުން (2) އިންނަމަތިން އަންހެނަކަށް އެއްޗެއްދިނުން
ބަޖިޔާ
ނ ތިނެސްކަން ހުންނަ ލޮނު ހެދިކާ އެއްޗެއް މިހަދަނީ ގޮދަން ފުށުން ރޮށިދަމައި ކުޑަކޮށް އަލިފާނުގެ ހޫނުން ހިއްކާލައި ރޮށިހަތަރު ބަޔަށްބައިކޮށް މިއިން ކޮންމެ ބަޔަކުން ތިންކަނަށް ވާގޮތަށް ގޮށްޓެއް ތައްޔާރުކޮށް އެގޮށްޓަށް ގިލެތުގައި ރޯފިލުވައިފައި ހުރިމަހުން މަސްއަޅައި ބަންދުކުރުމަށް ފަހު ތެލުލައިގެންނެވެ މިފިހެފައިވެސް ހުރެއެވެ
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބަޙުރުކިޔެވެލި
ނ (1) ޚިޒުބުލް ބަޙުރު (2) ބަޙުރު ދުޢާ (3) ކަނޑަށް ފާލަން އަޅައިގެން ކިޔަވާ ކިޔެވެލި
ބާހައްޓި
ނ (1) ހަދިހަދޭއް (2) ފަސްދޮޅަސްދޭއް
ބާހަތްތަރި
ނ (1) ހަތްދިހަދޭއް (2) އެކާހަތްތަރިއާއި ތޭހަތްތަރިއާއި ދެމެދުގެ ޢަދަދު
ބާހިށުވުން
މ )ސ ( ބެހެއްޓުން )އެކައްޗަށް ނިސްބަތްކޮށް(
ބާށި
ނ )ބދ ( ކާށި
ބާނށި
ނ )ޏ ( ބަށި
މިސާލު: "މިއޮޑިއަށް އަރާ ބާނި!" ބާނި
ނ (1) މާކަނޑުގައި ނުބިންދާ ހިނގާ ދިގުރާޅު (2) ވިދިވިދިގެން އަންނަރާޅުފަތި (3) އަޑިން ފެންމައްޗަށް އަރާއޮއިވަރު (4) ނަނަކަށް އަމުނައިގެން ދުއްވާ ސަޑުނެތް ހަވަޔެއް (5) ލަކުޑީގެ އޮޅުފަށް (6) ހަތްބޮޅު އުއީގެ ކެއްޓު (7) ނަނު އެއްލާން އަތަށްކަހާލާ މިންވަރު (8) ކ އާދޭ މިމާނާގައި މިބަސް ކިޔާ އުޅެނީ "ބަނދި" ފަދަ އެއްޗެތީގައެވެ
ބާނިރު
މ )ބދ ( މެރުން