radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ޒީނަތްތެރިކުރުން
މ ތަނެއް ނުވަތަ އެއްޗެއް ނުވަތަ މީހަކު ނަލަހައްދައި ރީތި ކޮށް ފުރިހަމަކުރުން
ޒީލަ
ނ (1) ތޫލިކޮށް ގަދައަށް އިވޭއަޑެއް ސިފަކުރަން ބޭނުންކުރާ ބަހެއް މިސާލު: ޒީލައަޑު (2) މަޖާޒު: ރުޅި މިސާލު: އެއީ ވަރަށް ޒީލަގަދަ މީހެކެވެ
ޒުވާނާ
ނ ޒުވާންމީހާ
ޒުވާނުން
ނ (1) ޒުވާން ފުރައިގެ މީހުން (2) މަޖާޒު: ޒުވާންކަންމަތީ ތިބޭމީހުން
ޒުވާރި
ނ ގޮވާމުގެ ބާވަތެއް މީގެ ބޯށި ނުކުންނަނީ ގަހުގެ ފަތްވަޅުންނެވެ މީގެ ވަށައިގެން ހުންނަނީ އޮށްޖަހައިފައެވެ މީގެ ކޮޅުގައި މާބޮނޑިއެއް ކަހަލަ ފަށްތަކެއް ހުރެއެވެ މީގެ އެންމެ މަޝްހޫރު ކުލަތަކަކީ ހުދުކުލައާއި ރީނދޫ ކުލައާއި ރަތްކުލައެވެ މިއީ ފިހިގެންނާއި ކައްކައިގެންނާއި މާޖައްސައިގެންނާއި ފުށް ހަދައިގެން ކާއެއްޗެކެވެ
ޒުވާބު
ނ (1) ޖަދަލު (2) ދެކޮޅުވެރިކަމުގެ ގޮތުން ދެފަރާތުން ރައްދު ކުރާ ބަސް (3) ދެމީހަކު ނުވަތަ ގިނަބަޔަކުވާ އަރާރުން (4) ޖަވާބު (5) ގިނަބަޔަކުވެގެން ލަވަކިޔާއިރު ނަގާކިޔާމީހާގެ ފަހަތުން އެހެން މީހުން ކިޔަންޖެހޭބައި
ޒުވާބުކިޔުން
މ އަންބާފަދަ ބައެއްކަހަލަ ލަވަކިޔާއިރު ނަގާކިޔާމީހާ ކިޔާބައިކީމާ އޭގެ ޖަވާބުގައި ކިޔާބައި ދެންތިބިމީހުން ކިޔުން
ޒުވާބުކުރުން
މ (1) ޖަދަލު ކުރުން (2) ދެމީހަކު ނުވަތަ ގިނަބަޔަކު އަރާރުންވުން
ޓަނު
ނ (1) ވިހި ހަންދަރުގެ ބަރުދަން (2) އުޅަނދުފަހަރުގެ ބަރުދަން ހިފާ މިންވަރު ބެލުމުގައި ސަތޭކަ ކޮޑިފޫޓްގެ މިންވަރު (3) މުދަލުން ނާލު ނެގުމުގައި 04 ކޮޑިފޫޓްގެ މިންވަރު (4) ރާއްޖޭގެ ފުރާދުއްވާ އުޅަނދުފަހަރުގެ ތެރެއިން މުދަލާއި މީހުން އުފުލާ އުޅަނދު ފަހަރަށް ދީފައިވާ ރަޖިސްޓަރީ
ޓަނުދެއްކުން
މ ރާއްޖޭގެ ފުރާދުައްވާ އުޅަނދުފަހަރުގެތެރެއިން މުދަލާއި މީހުން އުފުލާ އުޅަނދުފަހަރަށްދީފައިވާ ރަޖިސްޓަރީ ކަސްޓަމަށް ދެއްކުން
ޓައިޕިސްޓު
މ ޓައިޕުކުރުމުގެ ވަޒީފާ އަދާކުރާމީހާ
ޓައިޕުރައިޓަރު
ނ އިނގިލިތަކުގެކުރި ބޭނުންކޮށްގެން ދެލީގެ ރިބަން ފަށަކުން ލިޔެވޭގޮތަށް ހަދައިފައި ހުންނަ މެޝިނެއް މީގައި އަކުރުތައް ފެންނަގޮތަށް ފިތްތަކެއް ހުރެއެވެ އެއިން ފިތަކަށް އޮބައިލުމުން އެއަކުރެއް ކަރުދާހުގައި ޖެހެއެވެ
ޓައީ
ނ (1) ގަމީހުގެ ގިރުވާނުގެ ދަށުން ކަރުވަށައިލައިފައި ގެނެސް ލަގޮނޑިވަޅާދިމާއިން ގޮށެއް ޖަހައިފައި ތިރިޔަށް އެލުވައިލައިފައި ހުންނަ ފޮތިކޮޅެއް މިހުންނަނީ އެއްކޮޅަށް ފަލަކޮށް އަނެއް ކޮޅަށް ހިމަކޮށެވެ (2) ވަކިގޮތަކަށް ޖަހާގޮށެއް
ޓަތްކެއްއެޅުން
މ މީހެއްގެ ބޮލުގައި އިނގިލިތަކުގެ މޮށްތަކުން ޖެހުން
ޓާމް
ނ ތަޢުލީމީ އަހަރުގައިވާ ދުވަސްތައް ކިޔަވައިދިނުމަށް ބަހައިލައިފައިވާ މުއްދަތުންކުރެ މުއްދަތެއް މިސާލު: މިއަހަރުގެ ފުރަތަމަ ޓާމުގެ ކިޔެވުން ނިމޭނީ އެޕްރީލުމަހުގެ ނިޔަލަށެވެ
ޓީމު
ނ (1) އެއްކަމެއްގައި ބައިވެރިވާ މީހުންނަށް ޖުމްލަކޮށް ބުނާގޮތް (2) ކުޅިވަރެއްގައި އެއްކޮޅުން އަރާމީހުންނަށް ޖުމްލަކޮށް ބުނާގޮތް
ޓީޗަރު
ނ ކިޔަވައިދޭމީހާ
ޓުރާންސުްޕޯޓު
ކއ މީހުން ނުވަތަ މުދާ ނުވަތަ މީހުނާއިމުދާ އެއްތަނުން އަނެއް ތަނަށް އުފުލައިދޭ
ޓުވަރިސްޓް
ނ ހިތްއުފާކޮށްލުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާމީހާ
ޓުވަރިޒަމް
ނ ހިތްއުފާކުރުމަށް ނުވަތަ ތިމާގެ ޤައުމުނޫން އެހެން ޤައުމެއް ބަލައިލުމަށް ދަތުރުކުރާ މީހުންގެ ކަންތައް އިންތިޒާމްކޮށް ބެލެހެއްޓުމާއި އެކަމާގުޅޭ ގޮތުން ކޮށްފައި ހުންނަ ތައްޔާރުތައް