radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
މަދީނާވުން
މ ކީރިތި ރަސޫލާގެ ޒިޔާރަތްފުޅުގެ އަރިއަހަށް ދިއުން
މަދުބެދުން
މ (1) ވަކިވަރަކަށް ހަރުނުވާއިރު ހޮއި އޮންނަމޭވާ ހޮއިބެދޭ ވަރަށް ހަރުވުން މިސާލު: ކެޔޮގަނޑު ބެދޭ ވަރަށް ހަރުވުން (2) އޮށުގެ ޖާގަ ފުރޭވަރަށް މޭވާ ހަރުވުން
މަތަރެސްމާ
ނ އިރަށް އެނބުރޭ މަލާ ވަރަށް އެއްވައްތަރު ސިފައެއްގައި އެއަށްވުރެ ފިޔަތައް ބޯކޮށްހުންނަމަލެއް މިމަލުގެ ބައެއް ވައްތަރުގައި އެއްބަރިއަށްވުރެ ގިނަ ބަރިޔަށްވެސް ފިޔަހުރެއެވެ
މަތަވުން
މ (1) އައިސް އައިސް ހުރި އެއްޗެއް ހުއްޓުވާލެވުން (2) ހަމައިން ނެއްޓިގެން އުޅޭ ބައެއް ނުވަތަ ކަމެއް ހަމަޔަކަށް އަޅުވާ ލެވުން
)މަތާއެޅުން( މަތާޖެހުން
މ (1) ބަރު އެއްޗެއް ފަސޭހައިން ހިއްލުމަށްޓަކައި އެކަތިގަނޑު ބޯ ދަށަށް ލައްވައިގެން އަނެކަތިގަނޑުގެ ކޮޅު ހިއްލަންވީ އެއްޗެއްގެ ދަށަށް ލައްވައިގެން ހިއްލުން. (2) ގަދަބާރަކާއެކު ކައިރި ވެފައިވާ ދެއެއްޗެއް ދުރުކުކުރުމަށްޓަކައި އެދޭތީގެ ދޭތެރެޔަށް އެއްޗެއްލައްވައި ދުރުކުރަން ހިފުން
މަތިހަމަކުރުން
މ (1) ރާނާ ތަންތާނގެ މަތި އެއްވަރުކުރުން. (2) އަޑުބާ ބޮލިހި ފަދަ ތަކެތީން ދިޔާއެއްޗެހި މިނާއިރު މައްޗާ ހަމަކުރުން
މަތިނޭވާ
ނ ބައްޔެއްގެ ސަބަބުން ނުވަތަ ވަރުބަލިވުން ފަދަކަމެއްގެ ސަބަބުން ލެވޭ ކުރުނޭވާ
މަތިންއެރުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން (2) އެއްޗެއް ކެކި އުތުރި އަރައިގެން ބަންޑުންވުން (3) ރަށްރަށާއި ގިރިފަދަ ތަންތަނުގެ ވައިމަތި ފަރާތުން ދަތުރުކޮށް ދިއުން (4) ގިރާކޮށްފައި ނުދެވޭވަރު އުސްތަންތަނުގެ މައްޗަށް އަރައިގެން އަނެއްފަރާތަށް ދިއުން
މަތިންއެއްލުން
މ ރިޔާނަގައިގެން ދަތުރުކުރާ އުޅަނދުފަހަރު އަނބުރައިނުލާ ރިޔާ އަނެއް ފަރާތަށް ފުރޮޅައިލުން
މަތިންތިރިޔަށް ކިޔެވުން
މ އިހުގައި ކުދިންނަށް ޤުރުއާން ކިޔަވައިދޭއިރު ތިރިންމައްޗަށް ކިޔަވައި ނިޔާވީމާ ދެން ބަޤަރާ ސޫރަތުން ފެށިގެން ތިރީސްވަނަ ފޮތުގެ ނިޔަލަށް ކިޔެވުން
މަތިންލުން
މ (1) މާގިނައިން ކެއުމުގެ ސަބަބުން ކޭތަކެތިން އެތިކޮޅެއް އަނގަޔަށް އައުން ނުވަތަ އެސަބަބާހުރެ ވައިލެވުން. (2) އެއްޗެއްކެކި އުތުރި އަރައިގެން ބަންޑުންވުން. (3) ފުރާދުއްވާ އޮޑިފަހަރު ދަތުރުކޮށްފައިދާއިރު އަނބުރާނުލާ ފަރުމާނު މަތިން ރިޔާގެންދިއުން
މަތިންޖެހުން
މ ރިޔަލުގެ ނުފުށުގައި ވައިއެޅުން
މަތިބިތްހިފުން
މ ރިޔަލު ދަތުރުކޮށްފައި ދާއިރު ވައިމަތީގައި ހުންނަ ރަށްރަށް އަތުވާ ހިސާބަށް ދަތުރުކޮށް އެރުން
މަތިބެދުން
މ (1) ގަސްތައް ބޯވެގެން މަތިނިވާވުން (2) ގައިގައިޖަހާ ފާރު ގަނޑުގެ އަޑިނުބައިވުމާއިއެކު މަތި ހިކިފައި ހުރުން (3) ހިޔާކުރާ ތަންތާނގެ މަތި ރަނގަޅަށް ހިޔާވުން (4) ކައްކާ ތަކެތީގައި ދުލިލުން
މަތިކަން
ނ (1) އޮޑި ދޯނި ފަހަރުގެ އޮޑިގަނޑަށް ކިޔޭ ހިސާބުގައި ވަށާ ކައިރީގައި އެންމެ މައްޗަށް އިންދައިފައިހުންނަމަޑޫ ބައެއް އެއްޗެހީގައި ވަކަރު ފިޔަވައި ލަކުޑިން ނުވަތަ ދަގަނޑުން ނުވަތަ އެނޫން އެއްޗެހިންވެސް މަތިކަން ހުރެއެވެ (2) އޮޑިދޯނި ފަހަރުގެ އޮޑިގަނޑުމަތީ ތުންފަތް
މަތިކަރާބޭސް
ނ އެތެރެހަށީގެ ފާރަށާއި އެކިއެކި ވަޔަށް ބޭނުންކުރާ ބޭސްތަކެއް މީގެ ތެރޭގައި ހިމެނެނީ ކަރަންފޫ ވަކިފޫ ބަޒަބާޒު ތަކޫވައް ފޮނިތޮށި ކައްބާބު ހިކި އިނގުރު ކާފޫރުތޮޅިއެވެ
މަތިކިބަ
ނ (1) ފުރާދުއްވާ އެއްޗެހީގެ ވައިމަތިފަރާތް (2) ދެކިބަޔަށް ހުންނަ އެއްޗެހީގެ މަތިގަނޑު
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަތިކެނޑުން
މ (1) ނާޅި ލާހި އަޑާފައި ފަދަތަކެތިން މިނާއިރު ތުނބަށްވުރެ މައްޗަށް ހުންނަބައިތުނބާ ހަމަކޮށްލުން (2) ކުރުނބާ ފަޅޯ ފަދަތަކެތީގެ މަތި ވަކިކޮށްލުން (3) ދަޅު ޑަބިޔާ ފީފާ ފަދަތަކެތީގެ މަތި ވަކިކޮށްލުން (4) އޮޑިދޯނިފަހަރު ބަނދެ ނިމިގެން ފޮނު ކިއްސަރު ހަމަވާހެން އޭގެ މަތީ ކައިރި ކޮށައިމަށައި އެއްވަރުކުރުން
މަތިކެޑެފަސް
ނ )ސ ( ކުނބު ކަތްޕާއި ކޮޅު ފަސްކޮޅު މައްޔަލާ ދެމެދުގެ މަޅުދަށް