radheef.info
ރަދީފު


ބަ
އ އައްބަ
ވައިއެޅުވުން
މ (1) ރިޔަލުގައި ވައި އަޅާނެގޮތް ހެދުން. (2) މީހަކު ލައްވައި އެއްޗަކަށް ވައިއެޅުން (3) މަޖާޒު: ސާހިބަކު ރުހިވަޑައިގަންނަވާނޭގޮތް ހޯދައިގެން އެގޮތް ދައްކައިގެން އުޅުން
ވައިވަނި
ނ ދިވެހި ރުކުގައި ގަންނަ ތަކެތި ޅައިރު ލިބޭ ގެއްލުމެއްގެ ސަބަބުން ފެޅިފައި ހުރެ ހަރުވީމާ ކިޔާ ނަން
ވައިވަރު
ނ (1) ރިޔަލުދަތުރުގައި ދާންވީތަނަށް އެއްއަތު ދެވޭގޮތަށް ލިބޭވައި (2) ވައިގެ ބާރުމިނާއި އަވަސްމިން ދައްކައިދޭ ނުވަތަ ބަލައިދޭ އާލާތެއް )އެނިމޯމީޓަރ( (3) ތޮށަލިން ހިޔާ ކުރާ ތަންތާނގެ ފަންތައް ވަޔާ ނެގުނަ ނުދިނުމަށްޓަކައި ބަނޑަވަރު އަޅާގޮތަށް ގުޅައިގެން ފުރާޅުގެ ދެ ފަރާތަށް ދާގޮތަށް ހަރުކުރާ ދެ ފަން
ވައިވިއްސާރަ
ނ ވާރޭ ނުވެހި އުޑުމަތި ބަނަކޮށްއޮވެ ގަދަޔަށް ޖެހޭވައި
ވައިވިދުރި
ނ ފެތުރިފާޑުގެ ހަމުގެ ބައްޔެއް
ވައިމަތިނުރަގަޅުވުން
މ ވައިމަތި ނުބައިވުން
ވައިފުޅި
ނ ގޭހުގެ ބާވަތްތައް ބަންދުކޮށްފައި ހުންނަ މަޢުދަނީ ފުޅި
ވައިފެންޖެހުން
މ (1) ކުރުނބާ ކަނޑާއިރު އޭގެ ތެރޭގައި ހުންނަ ވައި ނެރެލުމަށްޓަކައި އެއްޗެއް ހަރައި ނުވަތަ އެއްޗަކުން ޖަހައި ތޮރުފައިލުން (2) މަޖާޒު: އުޅޭތަން ފިޔަވައި އެހެން ތަނެއްގެ ވަޔާއި ފެނުގެ ސަބަބުން ހަށިގަނޑު ރަނގަޅުވުން
)އުރަވަޅީ ވައި( ވައިފޭބުން
ނ ބައްޔެއްގެ ނަން މިބަލީގައި ވާގޮތަކީ ދަށްބަނޑަށް ތަދުވުމާއިއެކު ވައިގެ ސަބަބުން އުރަވަޅި ބޮޑުވަނީއެވެ
ވައިދަދު
ނ ހަމުގެ ބައްޔެއް )ދިވެހި ބޭސްވެރިން ބުނާގޮތުގައި ވަޔަކުން އުފެދޭ ދަދުގެ ވައްތަރެއް
ވައިދިނުން
މ ވިހާން ބަނޑުގައި ރިހޭމީހާ ވޭންވަރު ފިލުވުން ބައެއް ޖަނަވާރާ މެދުވެސް މިބަސް މިހެން ބުނެއެވެ
)ބެރޯމީޓަރ( ވައިތަރާދު
ނ ޖައްވުގައި ހުންނަ ވައިގެ ބަރުމިން ބަލާން ވަކިގޮތަކަށް ހަދައިފައި ހުންނަ އާލާތެއް
ވައިތެޔޮ
ނ ރާއްޖެބަލީގެ ފަރުވާޔަށް ޙަކީމީބޭސް އެއްކޮށްގެން ހަދާ ތެލެއް
ވައިލެޓްމާ
ނ މާމެލާ މެލީގެ ވައްތަރެއް ބަނަފްސާ މާ
ވައިގަނޑު
ނ (1) ބަނޑުގައިހެދޭ ވައި (2) ގަދަޔަށްޖެހޭ ވައި
ވައިގުޅަ
ނ ބަނޑުގެ އެކި ދިމަދިމާގައި ރިހޭވައި ގިނައިން މިކަހަލަ ވައިގަނޑުގަނޑު ހުންނަނީ އެއްތަނެއްގައި ކޮށިވެފައެވެ
ވައި ހިފައިގެން ރިހޭ ތަންތާނގައި ބަހައްޓައި އޭގެ މަތިން ޖަހާގުޅި ވައިގުޅި
ނ ވެލި ބޮނޑިއެއް ބަނދެ އޭގެކުރި ބައްތިއެއްހެން ހަދައި ކާށިތެލުން ތެންމައިގެން ދިއްލައިފައި
ވައިގުޅިޖެހުން
މ "ވައިގުޅީ" ގައި ބަޔާންކޮށްފައިވާ ގޮތަށް ޢަމަލުކުރުން މީގައި ގުޅީގެ ބަދަލުގައި ކައިރިފަށް ބޯކޮށް ހުންނަ ތަށިވެސް ޖަހައި އުޅެއެވެ ފޮތިކޮޅަކަށް ވެލިއަޅައިގެން ބަނދެފައި އޭގެކޮޅު ކާށި ތެލުން ތެންމާ ރޯކޮށް ބަނޑުމަތީގައި ބަހައްޓައިފައި އޭގެމަތިން ގުޅިއެއްޖެހުން މިކަންކުރަނީ ބަނޑުގައި ވައިހެދިގެން ރިއްސާތީއެވެ
ވައިގުޑި
ނ ދުނި މާ ބަލިކޮށް ހަދައިފައި ހުންނަ ގުޑި
ވައިސަރި
އ ރީތިކަމާ ޗާލޫކަމުގެ މައްޗަށް ސާބަސް ދިނުމުގެ ގޮތުން ބުނާ ބަހެއް