radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
މަޑިމިޔަރު
ނ މަޑިޔާ ވައްތަރުގޮތެއް ހުންނަ މިޔަރެއް
މަޑިތަލިޖެހުން
މ )ސ ( ހަށިގަނޑުފަލަވެ ލޮކިމަސްޖެހުން
މަޑު
ނއ (1) ހަރުކަމެއް ނެތުމުގެ ސަބަބުން އޮބައިލީމާ ފިތިގެންދާގޮތް ހުންނަ ހުރުން (2) ކަނޑުގެ ރާޅުތައް ކުދިވެ ހަމަހިމޭންވެފައި އޮންނައޮތުން (3) ޙަރަކާތްތެރިކަންކުޑަ (4) ފަނޑު (5) ނޭފަތާއި ލޮލާއި ކަންފަތުން ނެގޭ ހަޑިއެއްޗެއް (6) ފެނާއި ތެލުގެ ތެރޭގައި އުފެދޭ ހަޑި (7) ކާއެއްޗެއްގެ ރަހަޔަކުން ވާއުނި (8) ގަދައާއި ހަރުގެ އިދިކޮޅު
މަޑުކަށި
ނ ހަރުވެފައިވާ ލޮނދިކަހަލަ ހުދު ނުވަތަ އަޅި ކުލައިގައި ހުންނަކަށި މިކަށީގެ ބޭނުމަކީ ޙަރަކާތް ކުރާކަށީގެ ގުނަވަންތަކަށް ލިބޭ ކޮއްޕުމުން ނުވަތަ ފިތުމުން ދެކަށިގަނޑަށް ގެއްލުންނުލިބޭ ގޮތަށް ދެކަށިގަނޑުގެ ދެމެދުގެ ދުރުމިން ހިފަހައްޓައި ދިނުމެވެ މީގެ ތިން ބާވަތެއްވެއެވެ ނޭފަތާއި ކަންފަތުގައި ވަނީވެސް މީގެ ވައްތަރެކެވެ
މަޑުކަކުނި
ނ ބުރަކަށި މަތީގެ ތޮށިގަނޑު މަޑުކޮށް ހުންނަ ކަކުނި
މަޑުމަޑުން
ކއ (1) ހަމަހިމޭނުން (2) ލަސްލަހުން (3) މައިތިރިކޮށް (4) އަޑުމަޑުކޮށް (5) ސިއްރުސިއްރުން
މަޑުމިޔަރު
ނ (1) ވަރަށް ފުނުން ބާނާ ޗަކަސްގަނޑެއްހެން އޮންނަ މިޔަރެއް (2) މަޖާޒު: ޙަރަކާތެއްނެތި މަޑުންތިބޭ ކަންނެތް ފާޑުގެ މީހުންނަށްވެސް "މީނާއަކީ މަޑުމިޔަރެކޭ އެއްގޮތޭ" މިހެން ބުނެއުޅެއެވެ
މަޑުފާރޮށި
ނ ކިބަނުކޮށް ނުހިއްކައި ހުންނަ ފާރޮށި
މަޑުގަނޑު
ނ ގަލާ އެއްސިފައަކަށް މޫދުގައި ހުންނަ އޮބޭ އެއްޗެއް މީގައި ކުދިކުދި ލޯވަޅުތަކެއްވެސް ހުންނާނެއެވެ
މަޑުގިނި
ނ އުނދުނުގެ އަލިފާންގަނޑުގެ ހޫނު މަޑުކޮށް ހުންނަ ހުރުން
މަޑުޗަކުންޗައްޕާސް
ނ މަޖާޒު: (1) ފެންރަނގަޅަށް ނުހިނދި މަޑުވެގެން ޗަސްވެފައިހުންނަބަތް (2) ލޮކިމަސްޖަހައި ފަލަވެފައި ހުންނަ ޙަރަކާތްތެރިކަން ކުޑަމީހާ
މަޑޫ
ނ (1) އޮޑިދޯނި ފަހަރު ބަންނައިރު ފަށަނުން ފެށިގެން އިއްސާ ހަމަޔަށް ހުންނަ ވަކަރު (2) ޢަދަދެއްގެ ބަހާއަކަށްވާ ކޮންމެ ޢަދަދެއް
މަޔާއިނު
ނ މިއީ މީހަކު ދެކެ ރުޅި އައިސްގެން އޭނާގެ ނުބައިކަން ހާމަކޮށް ދެރަކުރުމުގެ ގޮތުން ބުނާބަހެކެވެ. މާނައަކީ އަމަޔާ އިން މިއެވެ ބައެއް މީހުން ސަމާސާއަކަށްވެސް މިހެން ބުނެއުޅެއެވެ
މަޖައްލާ
ނ ކަނޑައެޅިފައިވާ ގޮތެއްގެ މަތިން ނުކުންނަ މަޒްމޫނާއި ވާހަކައާއި ޅެންފަދަ ތަފާތު ލިޔުންތައް ހުންނަފޮތް
މަޖާކަން
ނއނ އުފަލާއި ހިތްހަމަޖެހުން މާބޮޑަށް އެކުލެވިފައިވާކަން
މަޖިލީހަށް އެރުން
މ އިހުގައި ދައުލަތުން ދެއްވާ ވަކި ދަރަޖައެއް ލިބުން މިދަރަޖަ ލިބިފައި ތިބޭ މީހުންނަށް ޢާއްމުގޮތެއްގައި ކިޔައި އުޅެނީ ކަލޭފާނެވެ ނަމަވެސް ދީދި ނުވަތަ މަނިކު ނުވަތަ ތުއްތު ކިޔާމީހަކު މަޖިލީހަށް އަރުވައިފިނަމަ އޭނާގެ ނަމަކަށް ބަދަލެއް ނާންނާނެއެވެ
މަޖިލީހަށްނެރުން
މ )ހ ( ބެރުދުންމާރިތާޅަފިއްޔާއި ކުޅި ޖެހުންފަދަ ކަންތައްދަސްކޮށް ދިނުމަށްފަހު އެމީހަކު ރަސްމީގޮތުން އެކަން ކަމަށް ނެރުން
މަޖިލީހަށްއަރާ ބޭކަލުން
ނ އިހުގައި ރަސްމީގޮތުން ޚާއްޞަ ދަރަޖައެއް ދެއްވައިފައިތިބޭ މީހުން
މަޖިލީސްކުރުން
މ ބަޔަކު މީހުން ތަނަކަށް އެއްވެ ކަމަކާމެދު މަޝްވަރާކުރުން
މަޖޫރީ
ނ (1) އުޖޫރައަށް ކުރާވަގުތީ މަސައްކަތް (2) އުފުލާ މަސައްކަތުމީހުން