radheef.info
ރަދީފު


ގާ
ނ (1) ކެލްސިޔަމް ކާބަނޭޓުން ކަނޑުގެ މާހައުލުގައި އުފެދިގެން ބޮޑުވާ ހަރުއެއްޗެއް. މިއީ އޭގެ އަމިއްލަ ޒާތުގައި އުފެދި ގިނަވާ އެއްޗެކެވެ (2) ރާތަލެއްގެ ހަތަރުބައިކުޅަ އެއްބައި (3) ބައެއްކަހަލަ ތަކެތި ހިކިގެންވާހަރު މިސާލު: އުވަތައް ހުރީ ގާވެފައެވެ (4) ގަސްގަހާ ގެހި ކުރިލަމުން ހެދޭގޮތް ހުއްޓޭ ހުއްޓުން މިސާލު: އެމިރުސްގަސް މިހާރު ގާވެއްޖެއެވެ (5) މަޖާޒު: ކުދިން އުމުރާ އެއްވަރަށް ބޮޑުނުވެ ވާހަރު މިސާލު: އެކުއްޖާއެހެރީ ގާވެފައެވެ (6) ހިތްކޮށި މިސާލު: އެއީ ވަރަށް ހިތްގާ ކުއްޖެކެވެ
ބާދިރީ
ނ ގޮވާމުގެ ބާވަތެއް މިއީ އޮނުފަތްހެއް ހިމަދިކޮށް ފަތްހުންނަ ގަހެއްގައި ނިކުންނަ ދިގުކުރާ ގަނޑެއްގައި އަޅާ އޮށްޓަރެކެވެ މީގެ ކުލައަކީ ގަދަމުށިކުލައެވެ މިގަސްހެދެނީ ގާތްގަނޑަކަށް 4 ފޫޓު 5 ފޫޓަށެވެ މިއީ ކުދިބަތް ހުންނަ ފާޑަށްއެއަށްވުރެ ބޮޑެތިކޮށް ހުންނަ ގޮވާމެކެވެ
ބާޒު
ނ ދޫނީގެ ބާވަތެއް މިއީ ފައިން ވަކިހިއްޕައި ނޮޅައި ކައިއުޅޭ ދޫންޏެކެވެ މިދޫނި ބޮޑުވަނީ ގާތްގަނޑަކަށް މީޓަރެކަށެވެ މީގެ ސިފައަކީ މިދަރިކޮޅުގައި ހިމެނޭ "އެހެނޑަ" އާއި "ސުރުމުތި" ވެސް ތިބޭ ސިފައެވެ މިވައްތަރުގެ ހުރިހާ ދޫނިވެސް އުދުހޭނީ ހޯރައަޅައިގެނެވެ
ބާޓަލް
ނ ނާފަހަރުގެ ރިޔަލުގެ ފަސްބައިކުރެވި ނަގާން ޖަހައިފައި ހުންނަވާ
ބާޣީ
ނއ ގާނޫނާ ޚިލާފަށް ސަރުކާރު ބަދަލު ކުރުމަށް މަސައްކަތްކުރާ މީހާ
ބާޣީން
ނ ގާނޫނާ ޚިލާފަށް ސަރުކާރު ބަދަލުކުރުމަށް މަސައްކަތްކުރާ މީހުން
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިންހެލުން
މ (1) ބިމަށް ލޮޅުން އެރުން (2) ރަށްގުޑުން (3) ޒަލްޒަލާ މިއީ ބިމުގެ ވަރަށް އަޑީގައި ހިނގާ ހަމަނުޖެހުމެއްގެ ސަބަބުން ބިމުގެ ތޮށިގަނޑު ތެރޭގައި އުފެދޭ ފިއްތުމުގެ ރާޅު ބާންޏަކުން އުފެދޭ ލޮޅުމެކެވެ ބޮޑެތި ބިންހެލުންތައް އަންނަނީ ބިމުއަޑީގައިވާ ހިލަތަކުގެ ފަށަލަތަކުގައި ހުންނަ ދެރަކަމެއްގެ ސަބަބުން އެފަށަލަތައް ހަލާކުވުމުގެ ސަބަބުންނެވެ ކުދިކުދި ބިންހެލުންތައް ކަނޑުގެ ރާޅުތަކާއި ޖައްވީ ފިއްތުންތަކުގެ ސަބަބުން އަތުވެދާނެއެވެ ބިންހެލުމުގެ ބާރުމިން މިނަނީ ރެކްޓަރ މިންގަޑުންނެވެ މިއީ 1 ން 9 ށް ދަރަޖަބަހައިފައިވާ މިންގަޑެކެވެ އިންސާނުންނަށް ބިންހެލުމެއް އިޙުސާސްވާނީ މި މިންގަޑުން އެންމެ ކުޑަވެގެން 5 1 އާ ހަމަވުމުންނެވެ
ބިންބައި
ނ (1) ބިމުގައި ހައްދާތަކެތީން ބިންވެރިޔާއަށް އޮންނަބައި (2) ފާލައްބަކުރާ ރަށްރަށުން ބިމުން ބަންޑާރަޔަށް ނަގާފައި އޮންނަބައި
ބިންމަތީގެ
ނ ބޮޑު މަސައްކަތެއް ނުވަތަ މަޝްރޫޢެއް ހިނގާ ސަރަޙައްދުގައި އެމަސައްކަތަކާއި ނުވަތަ އެމަޝްރޫޢަކާ ބެހޭ ކަންތައްތައް ހިންގުމަށް ހުންނަ އޮފީސް
ބިންމާ
ނ ހަންޑިހަތްފަޅާހެން ބިމުންފަޅާ އެއްޗެއް މިހުންނާނީ މަލެއްގެ ސިފައިގައެވެ މީގާ މީރުވަހެއް ހުންނާނެއެވެ
ބިންފޮޅު
ނ )ށ ( ގާފޮޅު
ބިންދަދު
ނ ދަދުގެ ވައްތަރެއް މިއީ ފައިގައި ނުވަތަ ކަށިމަތީގައި ނަގާ ދަދެކެވެ މި ފުރަތަމަ ހުންނާނީ ބިހިބޮނޑިއެއް ހެންނެވެ
ބިންތަށަ
ނ )ސ ( ބިންގާ
ބިންތަށަފެލާ
ނ )ސ ( ބިންގަލުގެ މަތީ ރާނާ ގާފޮޅު
ބިންގައު
ނ ބިންގާ
ބިންގަލް
ނ )ޏ ( ބިންގާ
ބިންގާ އެޅުން
މ (1) ބިންގަލަށް ވަޅުލާގައު ވަޅުލުން (2) ޢިމާރާތުގެ ބިމުގެ އަޑިޔަށްވާބައި ރާނައިލުން (3) ގޭގެ ކަނެއްގައި އިރުވަރުން ބާއްވާ ގައު ބޭއްވުން (4) ޢިމާރާތްކުރުމުގެ މަސައްކަތް ފެށުމުގެ ރަމްޒެއްގެ ގޮތުން ބާއްވާގާ ބޭއްވުން (5) މަޖާޒު: ކަމެއްގެ ފެށުން
ބިމުސޫފި
ނ ކުޑަކުދިންނަންޖެހޭ ހަމުގެ ބައްޔެއް މިއީ ގިނައިން ބިންމަތީގައި ބައިތިއްބައިފައި ތިބޭ ކުޑަކުދީންގެ ފައިން ނަގާ ބައްޔެކެވެ މިހުންނާނީ ރުއްތޮށިގަނޑެއްހެން ބޯކުރަގަނޑެއްގެ ގޮތަށެވެ
ބިމެކަން
ނ )ސ ( ކުޑަކުދިންނަށްޖެހޭ ހަމުގެ ބައްޔެއް މިޖެހުނީމާ މުޅިގައިން ބިހިތަކެއް ނަގާނެއެވެ
ބިތްބަންނަދުނބުރި
ނ ގޭގޭގެ ބިތް ބަނުމަށްޓަކައި ގާތްގާތުގައި އިންދައިގެން ހައްދާ ހިމަ ދުނބުރި