radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ހިރުމާ
ނ ހިރުގަނޑުގެ ބައްޔެއް. މިއީ ހިރުގަނޑުން ނަގާ ހުދުކުލައިގެ ވަށްކޮށް ހުންނަ އެއްޗިހިތަކެކެވެ މީގެ ދެމެދުގައި ޗޮކްލެޓް ކުލައިގެ ތިއްކެއް ހުންނާނެއެވެ
ހިރުމާރު
ނ (1) އޮޑިދޯނިފަހަރުގެ ދެއިހިގަނޑު ދޭތެރޭގައި އަރިއަށް ޖަހައިފައި ހުންނަ ފިލާ (2) ހިރުއްދަފިލާ
ހިރުމާޖެހުން
ނ ހިރުގަނޑަށްޖެހޭ ބައްޔެއް މިބަލިޖެހުމުން ހިރުގަނޑުގައި ބިހިތަކެއް ނަގައިފައި އެބިހިތައް ދޮސްގަންނަނީއެވެ
ހިރުފާރު
ނ ދަތުގެ ހިރުގަނޑުގައި އުފެދޭ ފާރު
ހިރުދެމުން
މ އެއްޗެހި ޒީނަތްތެރިކުރުމުގައި ނުވަތަ ކުރެހުމުގައި ބޮޑުކޮށް ފައުޅުކޮށް ހުންނަ ކޮންމެ ކުލައެއް ނުވަތަ ރޮނގެއްގެ ކައިރީގައި އެހެން ކުލަ އަކުން ހިމަރޮނގު ދެމުން
ހިބަހިކާ
ނ ހިކައިގެ ބާވަތެއް. މިއީ މެދުފަޅުމަތީގައި އުޅޭ. 2 އިންޗި ބައިގެ ބޮޑު މިނުގެ ހުދުކުލައިގެ މަހެކެވެ މިއީ ވަރަށް ވިހަގަދަ އެއްޗެކެވެ
ހިބަންމަސް
ނ (1) މާވިހަގަދަ ކައްޓެއް ހުންނަ ލަނޑާ ޒާތުގެ މަހެއް (2) ފަސްގަނޑުގައި އުޅޭ ވަޅުޖަހާ މަހެއް
ހިބަރު
ނ ކަނޑުގައިއުޅޭ ބޮޑެތިމަހުގެ ބާވަތެއް. މީގެ ކިތަންމެ ވައްތަރެއް ހުރެއެވެ. މީގެ އެންމެ ޚާއްޞަ ސިފައަކީ މަތީތުން ދިގުކޮށް ހުރުމެވެ
ހިބަކޮށްދިނުން
މ ތިމާގެ މިލްކުގައިވާ އެއްޗެއް ތިމާގެ މިލްކުން ކަނޑައި ހަމަހިލޭ އަނެކަކަށް ދިނުން
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަނދިއެރުވުން
މ މުލައްދަނޑީގައި އޮންނަ ހިކަނދިމަސްގަނޑު އުފުލޭނެގޮތް ހެދުން
ހިކަނދިވަކަރު
ނ (1) މެއްލަޖަހައިގެން އަޅާގޭގޭގެ ބޮޑުއަށީ ބިތްދޮށުގައި މެއްލަތަކަށް ކަނޑައިފައި އަޅާފަތިވަކަރު (2) ގެދޮރު އެޅުމުގައި މެއްލަ ޖެހުމަށްޓަކައި ގާފޮޅުމަތީ ބާއްވައިފައި އޮންނަ ފަތިވަކަރު
ހިކަނދިމަސްގަނޑު
ނ (1) މުލައްދަނޑީގައި އޮންނަ ވަކީން އުފުލޭ މަސްގަނޑު (2) މީދާމަސްގަނޑު
ހިކަނދިފޭލި
ނ އަނުމަށާއި ބޮލުގައި އޮޅުން ނޫންކަންތަކަށް ބޭނުންކުރާ ފޭރާންދެރަ ފޭއްޔެއް މިފޭލީގެ ކުލައަކީ އަޅިކުލައެވެ
ހިކާ
ނ ފަޅުތެރޭގައި އުޅޭ ކުޑަވަރެއްގެ މަހެއް. މީގެ ކިތަންމެ ބާވަތެއް ހުރެއެވެ. މިއީ ބޮނޑިމަސް ކޮށްހުންނަ ފެހިކުލައިގެ މަހެކެވެ. ބޮޑުމިނަކީ ދެއިންޗިބައި ތިން އިންޗިއެވެ
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިކިރޯ
ނ )ހ ( ބައްޔެއް މިބައްޔަކީ ކަށިމަތީގައި ހެދޭ ފަސޭހަނުވެ ގިނަދުވަހު ހުންނަ ފާރެކެވެ
ހިކިބަލި
ނ އަނަރޫފަވާ ބައްޔެއް. މިއަށްކިޔަނީ ކެކެކްސިއާއެވެ.މިއީ މީހާގެ ހަށިގަނޑު މާބޮޑަށް ހިކޭބަލިތަކުގެ ނިޝާނެކެވެ. މިހެންވާ ކިތަންމެ ބައްޔެއް ހުރެއެވެ. މީގެތެރޭގައި ޓީބީ )ކެއްސުންބަލި( ޓައިފޮއިޑްހުން އެކިވައްތަރު ވައްތަރުގެ ކެންސަރު އަދި "ކާޑުބަލި" ހިމެނެއެވެ
ހިކިއިނގުރު
ނ (1) ހިއްކައިފައި ހުންނަ އިނގުރު (2) ތިރިކަށުނގައިގެ އެއްބާވަތް
ހިކިއެޅުން
މ (1) އެންމެބޮޑަށް ދިޔަވަރު ހިކުން (2) ފަރުމަތި އެކީގައި ހިކުން