radheef.info
ރަދީފު


ތަކަ
ނ ދާބަންނަ ރޮދި އަނބުރަން ގެންގުޅޭ އެތި
ފަންގިވިނުން
މ ތިން އިލީގައި ތިން ފަށް ރޯނު ގުޅައިގެން ވަކި ދުރުމިނެއްގައި ބަހައްޓައިގެން ފަންވަތްތަކެއް ވަކިގޮތަކަށް އެމުނުން
ގެސްޓުން
ނ (1) ޓޫރިސްޓުން (2) ރިސޯޓުތަކަށް އައިސް އުޅޭ ބޭރުމީހުން
ގޭކިޔެވުން
މ )ސ ( މީހަކު މަރުވުމުން އެމީހެއްގެ ގޭގައި ވަކި މުއްދަތަކަށް ކިޔެވުން
ގޭސް
ނ (1) އާވި (2) އޮށްޓަރު އެއްޗަކަށް ނުވަތަ ދިޔާ އެއްޗަކަށް ނުވާ ގޮތަށް ހުންނަ ވަކިކަހަލަ އެއްޗެއް )އާދައިގެ ވައިގެ ތެރޭގައި ތަފާތު ގޭސްތައް ހިމެނެއެވެ ( މިސާލު: )ހ( އޮކްސިޖަން )ށ( ހައިޑްރިޖަން (3) ކެއްކުމަށާއި ދިއްލުމަށާއި ހޫނުކުރުމަށް އަލިފާން ރޯކުރުމުގެ ވަސީލަތެއްގެ ގޮތުން ބޭނުންކުރާ ދިޔާކޮށް ހުންނަ މާއްދާއެއް (4) އެއެއްޗެއް ދޫކޮށްލި ތަނަކަށް އެކަށް ފެތުރިގެން ދާހާ ހަލުއިކަން ލިބިގެންވާ ޒައްރާ )އެޓަމް( ތަކަކުން އެކުލެވިފައިވާ މާއްދާއެއް (5) އެކި ކަހަލަ މައުދަންތައް ހުންނަ ވަޅުވަޅުގައި އުފެދޭ ހުޅުހިފާގޮތް ހުންނަ ނުވަތަ އިންސާނުންގެ އެތެރެ ހަށްޓަށް ދިއުމުން ނުވަތަ ހަމުގައި ޖެހުމުން ވިހަވާ ވައި ކަހަލަ އެއްޗެއް (6) އިންސާނާގެ ހަށިގަނޑުގެ ތެރޭގައި އުފެދޭވައި
ސަފީރު
ނ (1) މީހެއްގެ ފަރާތުން އަނެކެއްގެ ގާތަށް ކަމަކާއިގެން އަންނަ މީހާ. (2) ދައުލަތެއް ތަމްސީލު ކުރުމަށްޓަކައި އަނެއް ޤައުމަކަށް ނުވަތަ އަނެއް ފަރާތަކަށް ފޮނުވުމަށް ޤައުމެއްގެ ވެރިޔަކު ޢައްޔަން ކޮށްފައިވާ މީހާ. (3) އެއްފަރާތެއް ތަމްސީލު ކުރުމަށް އަނެއް ފަރާތަކަށް ފޮނުވައިފައި ހުންނަ ވަކީލު
ސޮއި
ނ (1) ތިމާގެ އަމިއްލަ އަތުން ވަކިގޮތަކަށް ލިޔެފައިވާ ތިމާގެ ނަން (2) ތިމާގެ އަތުގެ ނުވަތަ ތިމާގެ އިނގިލީގެ ނިޝާން
ސޯނާގަޑި
ނ ގަޑީގެ ބާވަތެއް މިއީ ވަކިވަގުތަކަށް ރަނގަބީލު ވާގޮތަށް ހަމަކުރެވޭ ގަޑިއެކެވެ
ފަރާސަތުޢިލްމު
ނ ބޭރުފުށުން ފެންނަށް ހުންނަ ސިފަތަކަށް ބަލައިގެން އެމީހަކީ ކޮންކަހަލަ މީހެއްކަން ދެނެގަތުމުގެ ޢިލްމު
ފަރާޓާ
ނ ގޮދަންފުށްމޮޑެ ވަކިގޮތަކަށް ތައްޔާރުކޮށް ތުނިދުއްޔެއްހެންހަދައި މެދުން ލޯވަޅެއް ހަދައި ވަށައިގެން އޮޅަމުންގޮސް ދިގުފަށަކަށް ވީމައި ބުރިކޮށްލައި ދެކޮޅު ދެފަރާތަށް އޮޅައި ދެބައި އައިސް ޖެހުނީމާ އެއްފަޅިމައްޗަށް އަނެއްފަޅިލައި ތެއުޖަހައިގެން ފިހެފައި ހުންނަކާއެއްޗެއް
ފަރި
ނއ (1) ނަލަ. (2) ޗާލު. (3) ހިތްގައިމު. ނ. (4) ކުކުޅެއްގެ ކުރިމަތީގައި ހާގެންނަ އެދުންވެރިކަމުގެ ޙަރަކާތް. (5) ބައެއް ކަހަލަ ކަންތަކަށް ވާތައްޔާރު. މިސާލު: ދުއްވައިގަތުމަށް. ނުވަތަ ލާނދާ އެއްލުމަށް މީހާ ވާފަރި. (6) ކުޅިޖަހާއިރު ތިމާގެ ކުޅަދާނަކަން ދެއްކުމަށް ހަދާގޮތް ނުވަތަ ޙަރަކާތް. (7) މާކެޔޮޅުކަމު ގެންދާން ކަމުދާ ވަރަށް ކޯމަސްވާކުނި. (8) މާމެލާމެލި ފޮޅުމަށްޓަކައި ފިޔަތައް ހުޅުވޭ ހުޅުވުން. ނ. އެތެރޭގައި ފަޅެއް އޮންނަ ގޮތަށް ފަޅުގެ ވަށައިގެން ނުވަތަ ކަނޑާއި ފަޅުމައްޗާ ދެމެދު ގަލާއި މުރަކައިން އުފެދިފައިވާ ތިލަތަން
ފަރިކުރުން
މ (1) ކުކުޅުގެ ކުރިމަތީގައި ހާ އެދުންވެރިކަމުގެ ޙަރަކާތް ގެނައުން (2) ބައެއްކަހަލަ ކަންތަކަށް ތައްޔާރުވުން
ފަރީގައިހިނގުން
މ ކުޅިޖެހުމުގައި ބައިވެރިވި މީހުންގެތެރެއިން ކަޑައެޅިފައިވާ ދެމީހަކު ފަސްގަނޑުގައި ވަކިގޮތަކަށް ހިނގާ ހިނގުން
ފަރުވާހޯދުން
މ ބަލިބައްޔަށާއި އުނދަގޫތަކަށް ފަސޭހަވާނޭގޮތް ނުވަތަ ލުއި ވާނެގޮތް ހޯދުން
ފަރުވާލެއްނެތުން
މ (1) އަޅާލުމެއްނެތުން (2) ކަމެއް ކޮންމެ ގޮތަކަށް ދިޔައަސްވަރިހަމަވުން
ފައިލުކުރުން
މ ސިޓީއާއި މެސެޖްފަދަ ލިޔެ ކިޔުމުގެ ސާމާނު ނުވަތަ ނޫސް ފަދަ ތަކެތި ބޭނުންވުމުން ފަސޭހައިން ފެންނާނެ ގޮތަކަށް އަތުރައި އެ ކައްޗެއްގައި ބެހެއްޓުން
ފައްތަރުމަތި
ނ (1) ދެ އެއްޗެއް ގުޅައިފައި ނުވަތަ ބައްދައިފައި ހުންނަތަން. މިސާލު: ފަރުމާނު ފަދަ އެއްޗެއް ބިންދައިގެން ދިޔައިމާ އޭގެ ދެކޮޅު ޖައްސައިފައި އެ ބިނދުނު ތަނުގެ ވަށައިގެން އޮއްޓު އަޅައިފައި ހުންނަތަން. (2) ދެ މޫސުން ބެދޭ ދުވަސްވަރު. (3) އެއްކަމަކުން އަނެއްކަމަކަށް ނުވަތަ އެއް ޙާލަތަކުން އަނެއް ޙާލަތަކަށް ބަދަލު ވަމުން ދާ ދުވަސްވަރު
ފައްޓަރުބައި
ނ އަންހެނުން ކަރުގައި އަޅަން ރަންރިހިން ނުވަތަ ލޮއިން ހަދައިފައި ހުންނަ ގަހަނާއެއް. މި އެކުލެވިގެންވަނީ ފަށްތަކަކާއި ދެމައްސާއި ފޮތިތަކަކާއި ބޮޑު ފޮއްޗަކުންނެވެ
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަގުޑި
ނ ބޮލުގައި އެޅުމަށް ފޮށަޔަކުން ނުވަތަ ފޮތިގަނޑަކުން ވަކި ގޮތަކަށް އޮޅައި ހަދައިފައިހުންނަ އެއްޗެއް
ފަގުޑިމާ
ނ ފަގުޑިއާ ވައްތަރު ގޮތަކަށް ހުންނަ މަލަކަށް ކިޔާނަމެއް