radheef.info
ރަދީފު


ދޭ
އމ (1) ދިއުން މިބަހުގެ އަމުރު. (2) ދިއުން މިބަހުގެ ވާކަން
ބޭރުބަންޑާރަ
ނ އިހުގައި ސަރުކާރުގެ ނާފަހަރުން ބަންގާޅަށް ފޮނުވައިދޭ އަމިއްލަ ފަރާތްތަކުގެ ކާށްޓާއި ކުފުރާ
ބޭރުމީހުން
ނ (1) ބިދޭސީން (2) ގޭމީހުންނޫން މީހުން
ބޮށިގަނޑަ
ނ )ސ.( (1) ވިހައިގެން އުޅޭ މީހުންނަށް ބޯންދޭން ތައްޔާރުކުރާ ބޭހެއް. މިއީ މަތިކަރާ ބޭހާއި ގަސްގަހުގެމޫ އެއްކޮށްގެން ހަދާ ބޭހެކެވެ. މިބޭހަށް "ބޮށިގަނޑަ" މިހެން ކިޔަނީ މައިގަނޑު އެއްޗަކަށް ވަނީ ބޯށިގަހުގައި އަންނަ ޅަބޯށިގަނޑުކަމަށް ވާތީއެވެ. (2) ގަސްގަހުގައި އެއްތަނޑަކަށް ނުފޮޅި ހުންނަ މާގަނޑު
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން
ބޮނޑިފޮރުވުން
މ ގަނޑު ފިއްލާ ކުޅޭއިރު މޮޅުވާބައިގެ މީހުން ކުރާ ކަމެއް. މިކަންކުރާގޮތަކީ 21 ލަނޑު ހަމަވީމާ ބޮނޑި ފޮރުވަނީއެވެ. ދެރަވިމީހުން ބޮނޑި ހޯދަމުންގޮސް ފެނިއްޖެނަމަ މޮޅުވިބައިގެ މީހުން ރިހަޔާބަތާ ކައްކައިފައި އަނެއްބަޔަށް ކާންދޭން ޖެހުނީއެވެ. ބޮނޑިނު ފެނިއްޖެނަމަ އެމީހުން ބޮނޑިފޮރުވި މީހުން ރިހަޔާބަތާ ކައްކައިފައި ކާންދޭން ޖެހޭނެއެވެ
ބޮއިގަސް
ނ ގާތްގަނޑަކަށް 03 މީޓަރު އުސްމިނަށް ބޯކޮށް ފެތުރިހެދޭ ގަހެއް މިގަހުގެ ފަތްހުންނާނީ ހިތެއްގެ ސިފައިގައި ކުޑަތަންކޮޅެއް ފުލަށް ދިގު ކޮށެވެ ފަތުގެ ނާރުތައް ފާޅުކޮށް އެނގެން ހުންނާނެއެވެ މިގަހުގައި އަޅަނީ ދަނބުކުލައަކަށް ދާއޮށެކެވެ މިއޮށް ނުކުންނަނީ ފަތްވަޅުތަކުންނެވެ
ބޮއްވާމަޅި
ނ )ސ ( އަވަހަށް ބާރުވާ ފަސޭހައިން ބެދޭ މަޅި
ބޮލަށްވަނުން
މ (1) ވިސްނުމަށް އައުން (2) ދޭހަވުން (3) ތިމާގެބަހަށް އަނެކަކު ހައްލައިލުން
ބޮލިބަނުން
މ (1) ބޮލިންކޮއްޓޭ ހެދުން (2) އޮޅިމެދު ރަށްރަށުން އަހަރުއަހަރަށް ދޭންވާބޮލި ހަނގުބޭކަލުން ދުރުވެ ނެންގެވުން
ބޮލިފެން
ނ ކަރުތާފަތު ވިހަޔަށް ބޯންދޭ ފެނެއް މިއީ ފެންކައްކާ ބޮއްޔަށް އެކަމަށް ބޭނުންކުރާ ބޭސްއަޅައިގެން ކައްކާ ފެނެކެވެ
ބޮލީ ދަތުރު
ނ އޮޅިމެދު ރަށްރަށުން އަހަރަށް ދޭންވާބޮލި ބަންނާން ތިލަލީ ދަނޑި ހިއްޕަވައިގެން ހަނގުބޭކަލުން ދުރުވާ ދަތުރު
ބޮލުކަށިހެފުން
މ (1) މީހަކަށް ބޮނޑިއެއްދޭން އަނެކަކު ގާތު ވާހަކަ ދެއްކުން (2) ކުޓުވުން
ބޮސް
ނ (1) މާތްކޮށް ހިތުމުގެ ގޮތުން އެއްޗެއްގައި ނިތްޖައްސާ ޖެއްސުން. ނުވަތަ އެއްޗެއްގައި އަތްލައިފައި ނިތުގައި އަތް ޖައްސާ ޖެއްސުން. (2) ހުރުމަތްތެރިކަމުގެ ލޯބިން އެއްޗެއްގައި މޫނު ޖައްސައިފައި ދެތުންފަތުން ދަމާލާ ދަމާލުން (3) ދޮންދޭދިނުން
ބޮޑުން
ނ (1) ރަސްކަމުގެ ބޮޑެތި ކަންތަކާދޭތެރޭ ރަދުން މަޝްވަރާ ކުރައްވާ މީހުން (2) ދައުލަތުގެ އިސްވެރިން (3) ޖަމާޢަތުގެ ޤަދަރުވެރިން
ބޮޑުކަފަ
ނ ކަފަގަހުގެ ބާވަތެއް މިގަހުގެ ފަތް ހުންނާނީ ވަރުކަނދު ގަހުގެ ފަތްހެންނެވެ މިއީ ވަރަށް ބިޔަކޮށް ހެދޭ ގަހެކެވެ
ބޮޑުކޮލި
ނ ދަނޑުމަތީގައި ހެދޭ ވެލެއް މިއީ އަލަ ނިރުގެ ފަތްހެން ފަތް ހުންނަ ވެލެކެވެ
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ބޮޑުއިންނަފަތް
ނ ދޯނި ފަހަރުގައި މަތީ އިންނަފަތާ އިއްސާ ދޭތެރޭ އޮންނަ އިންނަފަތް
ބޮޑުމައްސާގު
ނ މައްސާގުގެ ބާވަތެއް މިއީ އެއްތަނޑަށް ހެދޭ ފަތްބޮޑެތި ގަހެކެވެ މީގެ ފަތަކީ ކެއުމަށް ބޭނުން ކުރާ އެއްޗެކެވެ
ބޮޑުފަނި
ނ އަނބުގަހާ ބަނބުކެޔޮގަހުގެ ފީވާތަންތާ އުފެދޭ ފަންޏެއް މިއީ ގާހުއްޔަށް ބަދަލުވާ ފަންޏެވެ މިއީ ގަދަ ރީނދޫ ކުލަޔަކަށްދާ ފަންޏެކެވެ ބޮޑުމިން ކާޅުދޮންކެޔޮ ވަރުވާނެއެވެ