radheef.info
ރަދީފު


މ
ނ (1) ތާނައިގެ ދިހަވަނަ އަކުރު (2) ދިވެހި ވިޔަ އަކުރުގެ
ހާންތިކަން
ނއނ (1) ބަނޑުހައިވެގެންވާ ވަރުބަލިކަން (2) މަސައްކަތް ނުކުރެވޭވަރަށްވާ ބަނޑުހައިކަން
ހާންތިވުން
މ (1) ބަނޑުހައިވެގެން ވަރުބަލިވުން (2) މަސައްކަތް ނުކުރެވޭ ވަރަށް ބަނޑުހައިވުން
ހާރަން
ނ (1) ސިއްކަ ރަން ނުވަތަ ހެދި ރަނުގެ އެތިއެތިކޮޅު (2) އެއެއްޗެއް ހެދި ކަމަކަށް ބޭނުންނުހިފޭ ގޮތް ވެފައި ހުންނަ ރަން
ހާރިހި
ނ (1) ރިހީގެ ކުދިކުދި އެތިއެތިކޮޅު (2) އެއްޗެއް ހަދާނިމޭއިރު އިތުރުވެފައި ހުންނަ ރިހީގެ ކުދި އެތިއެތިކޮޅު
ހާރު
ނ (1) ރޯދައަށް ހުރުމަށްޓަކައި މެންދަމުގެ ފަހުގައި ކާ ކެއިން (2) އަންހެނުންގެ ކަރުގައި އަޅާ ގަހަނާއެއް
ހާރުވާ ކެޔޮގަނޑުގައި ފަލައަރި ޖަހާނެ
(މުސްކުޅިބަހެއް) ކުޑަކުދިން ދެރަކޮށްލުމަށް ބުނާ އެއްޗަކުން އެކުދިން ރަނގަޅު ކުދިންނަށް ބަދަލުވެއޭ ބުނުމަށް ބުނެއުޅޭ ބަހެއް
ހާރުދަން
ނ (1) ރޭދެބައިވީއްސުރެ ފަޖުރުލުމާއި ދެމެދު (2) ހާރުކާވަގުތު
ހާބޮނގަ
ނ ކުރަން އުޅޭ ކަމަކަށް ފައިދާއެއް ނުވާގޮތުން ހިނގާ ބިނގާ ވުމާއެކު ލަވާ ހަޅޭއްފަޅޭއް
ހާބޮނގަލެވުން
މ ކުރަންއުޅޭކަމަކަށް ފައިދާއެއް ނުވާގޮތުން އަވަސް އަވަހަށް ކޮޅުކޮޅަށް ހިނގުމާއި ހަޅޭއްފަޅޭއްލުން
ހާޅައްބަ
ނ. (ގ) ލޯވަޅެއްގެ މަތި ހުރިވަރަށް ހުރެފައި އެތެރެއިން ބޮޑުވާ ބޮޑުވުން.
ހާޅަލަ
ނ ލަކުޑީގެ ކީލިހިމުން މެދުމިނު ގަހެއް މިގަހުގެ ފަތް ބޭހަށް ބޭނުންކުރެއެވެ
ހާކަނޑުގައި ލަބަރިތެޅުން
މ (1) މަސްއައިނެއްގެ އެއްވެސް ޢަލާމާތެއް ނުފެންނަނީސް ކަނޑަށް އެންއުކަމުން ދުއްވުން (2) މަޖާޒު: ކަމެއްކުރާނެ ގޮތެއް ފެނިނެތީސް އެކަމެއް ކުރާން އުޅުން
ހާކައިލުން
މ (1) އެކައްޗެއް އަނެކައްޗެއްގައި ކާއްތައިލުން (2) ދިޔާއެއްޗެއް ހިކިއެއްޗެއްގައި އުނގުޅައިލުން
ހާކާވުން
މ ބދ (1) ދަރިމައި އުމުރަށް އައުން (2) ތަސައްރަފުފުދުން
ހާކާލާފަތް
ނ އެންމެމޮޅު ގުޑާކު މީގެ ދުންފަތް އަޅާގޮތަކީ ދަގަނޑު ފޮތީގައި އެތިކޮޅެއް އުނގުޅައިލަނީއެވެ
ހާކާލިބުރުވާލި
މަޖާޒު: (1) އެއްޗަކަށްނުވާ (2) އެންމެ ދަށުދަރަޖައިގެ
ހާކުރުން
މ (1) ހުޅުވުން (2) ކަޝްފުކުރުން (3) ފޭކުރުން
ހާކެރުން
މ. (ގ) ހުޅުވުން
ހާއެޅުން
މ (1) އެއްޗެއްގައި ހުރި ދޯހަޅިކަމަކުން ނުވަތަ ބާކޮޅަކުން އަނެއް ފަރާތް ފެނުން (2) އެއްފަރާތުން އަނެއްފަރާތް ފެނުން
ހާއެޑުން
މ )ޏ ( ހާއެޅުން