radheef.info
ރަދީފު


މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދު
ނ )ޏ ސ ( މެދު
އެއްފިނދުންގުއިރުން
މ ދެމީހަކު ދެމެދުގައި އެކުވެރިކަން ބޮޑުވެގެންގޮސް ޙައްދަށް ދިޔައިމާ ދީއުޅޭ މިސާލެއް
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އެދުރުބޭކަލުން
ނ (1) އެދުރުންނަށް މާތްކޮށް ކިޔާގޮތް ޚާއްޞަކޮށް މިހެންކިޔައިއުޅެނީ ކޮށިކޮށީގެ އެދުރުންނާ މެދުގައެވެ (2) ކަންތަކަށް ކުޅަދާނަމީހާ
އެތެރެހަށި
ނ ހަށިގަނޑުގެ އެތެރެ )ޚާއްޞަކޮށް ކަރާ އުނަގަނޑާ ދެމެދުގެ އެތެރެ
އޮށްގެންފައި ފޯދުން
)މިސާލުބަހެއް( ސަބަބުތަކަކުން ކަމެއްވާނޭގޮތް މެދުވެރި ކުރުމާއިއެކު އެކަމެއް ވާނެއޭ ހީވެފައި ވަނިކޮށް ކުއްލިއަކަށް ހުއްޓުނީމާ ދޭމިސާލެއް
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮނުފަޅި
ނއ ފޯލިކޮށް އޮތް އެއްޗެއްގެ މެދުން ފަޅައިލީމާ އޮންނަސިފަ
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮޅިމެދުވުން
މ އޮޅިމެދެއްގެ މީހަކަށްވުން. އަސްކަރުމާ ވަރުހަނގުކަމާ އައްތާރަ ފަނިކަމާ މިތިން އޮޅިމެދުންކުރެ އޮޅިމެދެއްގައި ވެވޭނީ 8001 ލާރި ދީގެންނެވެ ބަނޑުހަނޑޫ އޮތް މީހަކުނަމަ 005 ލާރި ދީގެންނެވެ ގަނޑުވަރުތެރޭ ބޭފުޅަކު ލައްވަވާ މީހަކުނަމަ 052 ލާރި ދީގެންނެވެ
އޮއްޓަރުކުރެއްވި
ނއ ކާތަކެތީގެ ތެރެއިން އޮށް އޮށަށް ނުވަތަ ފުއްފުކަށް ހުންނަ ކާތަކެތީގެ ތެރެއިން ދިޔާނޫން ތަކެއްޗާމެދުވެސް މިބަސް ބޭނުންކުރެއެވެ
އޮފުލާބޮލި
ނ (1) ބަނޑުދޮށުގައި ރިހާކުރު ކުލަހުންނަ މެދުވަރެއްގެ ބޮއްޔެއް (2) ކުނބޯބޮލި
ވަހާރެހި
ނ )ޏ ( މޭދަށުން ފެށިގެން ނިވާމަގުގެ އިސްތަށިފެޅި ހިސާބަށް ބަނޑުގެ މެދުގައި ހުންނަ ރޮނގު
ވަރުލައިގަތުން
މ ގަސް ރުއް މޭވާ އަޅަމުން އައިސް މެދުކެނޑިލައިފައި އަނެއްކާ އަޅަންފެށުން
ވަރުލާފައިއޮތުން
މ (1) ކަމެއް މެދުކެނޑިފައި އޮތުން (2) ދެރާޅުދޭތެރޭގައި މަޑުވެލައިފައި އޮތުން
ވަރުލުން
މ (1) ވޭވޭހުރިކަމެއް ހުއްޓިލުން (2) ވަމުންދާކަމެއް މެދުކެނޑުން މިސާލު: ފުއްޓަރު ނުވަތަ ފަރަކަށް ހޮޅިލަމުން ބިންދާލާ ރާޅުބައި އެއް ރާޅަށްފަހު އަނެއްރާޅު ބިންދާލުމަށްފަހު ދެވަނަ ރާޅުބަޔާ ދޭތެރޭ ހަމަ ހިމޭންވެފައި އޮތުން
ވަޅިދުށްތާ ކާށިކެއުން
)މިސާލުބަހެއް( ތިމާކުރި މަސައްކަތެއްނެތި ބައެއްގެ މެދުން ކުރިމަތިވާ ކަމަކުން ފައިދާ ހޯދައި ގަތުން
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަކިހިލޭވުން
މ އެކުގައި ދިރިއުޅެމުންއައި ބައެއްގެ ތެރޭން މީހަކު ވަކިން ދިރިއުޅެން ފެށުން މިބަސް ގިނައިން ބުނެއުޅެނީ އަންހެނުންނާ މެދުގައެވެ
ވަކުބުޑު
ނ (1) ދިޔަގަނޑު ކޮޅުފަސްކޮޅަށް ދިޔަނުދިނުމަށްޓަކައި ކޮށިފިލަޔާ ވައްގަނޑާ ދެމެދުގައި ޖަހައިފައި ހުންނަ ފިލާކޮޅު )ދިޔަހަރު( (2) ބުޑު ވައްގަނޑުގެ ފޫ