radheef.info
ރަދީފު


މުގަ
ނ )ބދ ( މޫނު
އުފަދާނަ
ނ އަންގާގެ ނަކަތްތެރިކަމުގައި ދުވަސް ބަލައިފައިވާ ބައިތަކުގެ ތެރެއިން ބައެއް
އުދައެރުން
މ އަދަމޫސުމުގައި އާދަޔާ ޚިލާފަށް ބޮޑެތިރާޅު އެރުން
އުލުބޭންދުން
މ ބުނާތީ އިވޭގޮތުގައި މާއިހުޒަމާނުގައި މީހުންމަރަންކުރާ ކަމެއްކަމުގައި ބުނެވޭގޮތެއް ހަދާގޮތެއްކަމަށް ބުނަނީ ތޫނުކޮށްފައި ހުންނަ ދަގަނޑު އުލެއްގައި މީހާ ބައިންދަނީއެވެ ބޭންދީމާ އެއޫ ފުރަގަސް ފަރާތުން ވަދެގެންގޮސް ބޮލުން ނުކުންނަނީއެވެ
އުޑިއެނބުރުން
މ (1) އުޑިން އެއްޗެތި މުގުރުމަށްޓަކައި އެނބުރުން މަޖާޒު: (2) ގުޅަމަތި ހިފުމުގައި ކުރާކަމެއް (3) ވައަތު ފައިމަތީ އިށީނދެ އިނދެގެން ދެއަތުން އުފުލިލާފައި ކަނާތުފައި ވާތުފައިގެ ދަށުން ނެރެގެން އެނބުރުން
އެހުރު
ނ ދަނޑުކޮށުމުގެ ހުރިހާކަމެއް ބެލެހެއްޓުމުގައި އިސްވެހުންނަ އެދުރުމީހާ
އެހެނަސް
އ (1) އެހެންނަމަވެސް (2) އެހެންކަމުގައިވިޔަސް
އެންބޮނޑި
ނ މާކެޔޮޅު ކަންފަދަ ބޮޑެތި ކެޔޮޅު ކަމުގައި ބުޅީގައި އަޅާ ބޮޑުއެންގަނޑު
އެރި
ނ (1) ރުކު އެޅުމާއި ބަނބުކެޔޮ ކެނޑުންފަދަ ކަންކަމުގައި ގަހަށް ރުކަށް އަރާމީހާއަށް އޮންނަބައި މިއީ ހަތަރެތިން އެކައްޗެވެ ކޮންނަ އެއްޗިއްސާއި ހޮވާ އެއްޗެހީންދޭ ބަޔަށްވެސް މިހެން ކިޔައެވެ (2) "އެރުން" މިބަހުގެ ނިމިނިމުނުކަން
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކަތިކެހުން
މ ލެތްކުޅޭއިރު ފުރަތަމަ ކުޅެން އަރާމީހާ މައިދަނޑީގެ ކުރީގައި ހުންނަމުގޯލީގައި ފައި ޖައްސައި ކަހާލާފައި ދުވެގޮސް ލޮންޏަށް އެރުން މިދާދިއުމުގައި އެހެންމީހުން އެމީހާ އަތުލާކަށް ނޫޅޭނެއެވެ މިހެންގޮސް ލޮންޏަށް އަރާފައި އަނބުރައި އަންނާންވާނީ މީހަކަށް އަތުނުވެއެވެ
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް
އެކުއުޅުން
މ (1) މީހަކާ ރަޙުމަތްތެރިކަމުގައި އުޅުން (2) އެކުވެރިކަމުގައި އުޅުން
އެއްމާބަނޑު
ނއ އެއްފަހަރާ ގަރުބަގަތުމުގައި އެއްކުއްޖަކަށްވުރެ ގިނަ މިސާލު: އެއްމާބަނޑު ދެބޭން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެތިފަހަރު
ނ (1) ޖަހާބޮނޑި (2) ޖަހާން އެއްލާ އެއްލުން (3) ހެވިކަމުގައި ކަނޑީން ޖަހާން މަޅައިގަންނަ މަޅައިގަތުން (4) މަޖާޒު: މީހެއްގެ ފަރާތުން ލިބޭ ދެރަ
އެތިފަހަރުއުކުން
މ ހަނގުރާމާގައްޔާއި ހެވިކަމުގައި އަނެކަކުގައިގާ ޖަހާން ހަތިޔާރު އުކުން
އޭކަން
ނ ހިސާބުގެ ޢަދަދު ކިޔާން ގުނާގުނުމުގައި ކަނާތްފަރާތުން ފުރަތަމަ އޮންނަ އަކުރަށް ކިޔާގޮތެއް
އޭކު
ނ ހިސާބުކުރުމުގައި އެކަކަށް ކިޔާގޮތެއް
އޮށަނިމަލުހެދުން
ނ (1) ދެގެދޭތެރޭ މީހުންގެ ރަސްމީހެދުން މިހެދުމުގައި ހުންނާނީ މަތީ ފޭއްޔެއް އަނދެފައި އޭގެ މުށެއްހައި ތާމަތީގައި އަތްދުތް ހުންނަވަރަށް މީގެ އެހެން ފޭއްޔެއް އަނދެފައެވެ (2) ވިލާތު އަންހެނުން އަޅާ ހެދުމެއް މިހުންނާނީ ލިބާހަކަށްވުރެ ލިބާހެއް ކުރުވަމުން ގޮސް އެންމެ މަތީން އޮންނަލިބާސް އުނަގަނޑާ ހަމަޔަށް ހުންނަ ގޮތަށް ފެންނާނެ ހެންނެވެ
އޮށިގަނޑު
ނ (1) މައްޔިތާ ސަންދޯކުނާޅާ ވަޅުލަންޏާ ޤަބުރުސްތާނަށް ގެނދާން އޮށީން ބަނދެގެން ގެންގުޅޭ އެއްޗެއް. (2) ބަލިމީހުން އެއްތަނުން އަނެއް ތަނަށް ގެންދާން ދެދަނޑީގައި ފޮތިޖަހައިގެން ނުވަތަ ފީތާ ފުރައިގެން ހަދައިފައި އޮންނައެއްޗެއް. (3) ބައިސްކަލު ފަހަތުގައި އެއްޗެތިބަހައްޓާން ހުންނަ ޖާލީގަނޑެއް. (4) ވެޔޮއެރުވުމާއި ތަވާބަންޑުން ޖެހުމާއި އަދި މިނޫނަސް އެކިއެކި ބޭނުމުގައި ޖާލީހެއް ބަނދެފައި ހުންނަ އެއްޗެތި