radheef.info
ރަދީފު


އަވަހާރަގޮނޑި
ނ ބަލިވެއުޅޭ މީހުންނާއި ބަލިކަށި މީހުން ހާޖަތަށް ދާން އިށީންނާން ހަދައިފައި ހުންނަ ގޮނޑި މިހުންނަނީ މެދުން ކަނޑައިފައެވެ
އަވަހެލާ
ކއ )ލ ( އަވަހަށް
އަވަށުކުދިން
ނ އިހުގައި މާލޭގެ އަވަށްއަވަށުގައި މަސައްކަތްކުރާއިރު ބައެއް މަސައްކަތްކުރުމަށް ޚާއްޞަވެފައި ތިބޭ ކުދިން މިކުދިންނަށް ކިޔައި އުޅޭނީ "ތެޔޮއަޅުވާ" ކުދިންނެވެ
އަވަށުވެރިން
ނ މުނިސިޕަލްޓީ އުފެދޭދެން މާލޭގެ ހަތަރު އަވަށުން ކޮންމެ އަވަށެއްގައިމެ ވެރިކަން ހިންގެވުމަށް ދައުލަތުން އިސްކުރައްވައިފައި ހުންނަވާ ވެރިޔާ
އަވަށުވެރިގެ
ނ އަވަށުވެރިކަން ހިންގާ ގެ
އަވަށުމަސައްކަތް
ނ އަވަށުގެ ގޮތުން ކޮށް އުޅުނު ބަންޑާރަ މަސައްކަތް
އަވަށުމީހުން
ނ (1) އަވަށުގައި ތިބޭ މީހުން (2) ބަނޑުހަނޑޫ ނޯންނަ މީހުން
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
އަވަށުލަވަ
ނ އަވަށުމީހުން ބަންޑާރަ މަސައްކަތްކޮށް އުޅުނުއިރު ކިޔައި އުޅުނު ލަވަ
އަވަށް
ނ (1) ރަށްރަށުގައި މީހުން އުޅޭ ހިސާބު (2) ރަށެއްގައި މީހުން އުޅޭން ބައިކޮށްފައި އޮންނަ ބައެއް މިސާލު: ހެންވޭރު މާފަންނު
އަވަށްޓެހި
ނ ރޭގަނޑު އަވަށުތެރެއަށް އަންނަ ރޫޙާނީ އަންހެނެއް މި ގެންގުޅޭން އެނގިއްޖިއްޔާ ގޭގައި މަސައްކަތްކޮށްދޭ ކަމަށްވެސް ބުނެއެވެ މިއީ ޚިޔާލީ އެއްޗެކެވެ
އަވަށްޓެރި
ނ ތިމާހުންނަ ގޭގެ ކައިރީގައި ވަށައިގެން ހުންނަ ގޭގޭގެ މީހުން
އަވަރު
ނއ ލޮލުގެ ކަޅިއަށް ވެފައި ހުންނަގޮތެއް. މިހެންވީމާ ވާގޮތަކީ ދެލޮލުގެ ކަޅި އެއްގޮތަށް ނުހިނގުމެވެ ވީމާ ކޮންމެ އެއްޗެއް ބަލާނަމަވެސް ހީވާނީ އެނޫން އެހެން ދިމާއެއް ބަލާހެނެވެ މިއީ ބައެއް ކުދިން އުފަންވާއިރު ވެފައި ހުންނަ ގޮތެކެވެ
އަވަރުވުން
މ ދެލޮލުގެ ކަޅި އެއްގޮތަށް ނުހިނގުން
އަވަރުލޯ
ނ އަވަރުވެފައި ހުންނަ ލޯ
އަވަދި
ނ (1) ކަމަކުން ނިމޭނިމުން (2) ކަމެއްކޮށްކޮށް މާބޮޑަށް ވާވަރުބަލި (3) މަރުވުމާ ކައިރިވާފަދަ ބޮޑެތިހާނީއްކަ (4) ހަލާކު
އަވަދިނެތިކަން
ނއނ މަސައްކަތެއްގައި ހުއްޓައިލާނެ ވަގުތެއްނެތްކަން
އަވަދިނެތުން
މ މަސައްކަތެއްގައި ހުއްޓައިލާނެ ވަގުތެއްނެތުން
އަވަދިކުރުން
މ (1) ކަމެއްކޮށް ނިންމުން (2) ހަލާކުކުރުން (3) ދެރަހާލެއްޖެއްސުން
އަވަދިކޮށްލުން
މ (1) ހަލާކުކޮށްލުން (2) ނުލާހިކު ބޮޑަށް ހާނީއްކަކުރުން (3) ދެރަހާލެއްޖެއްސުން