radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރުލުން
މ (1) އަރާރުމުގެ ތެރޭގައި މީހުން ރުޅިއަރުވާން ކުރިމަތީގައި ފުމެފުމެފައި ވައްތަރު ޖެއްސުން (2) ކުދިން ކުޅިވަރަށް ފުމެފުމެފައި ދުވެދުވެފައި އުޅުން
ކޮކަޑި
ނ މީދާ މަރަން ގެންގުޅޭ ވަރަށް ވަރުގަދަ ވިހައެއް މިހުންނާނީ ހުދުކުލައިގެ ހިމުން ފުށެއްހެނެވެ
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮއި
ނ (1) ދަރިންނަށް ނުވަތަ ކުދިންނަށް ކިޔާ ނަމެއް (2) ލޮލުގެ ކަޅުކަޅީގެ މެދުގައި ވަށްކޮށް ހުންނަ ތަންކޮޅު ލޮލަށް އަލިވަންނަނީ މިތަނުގެ ތެރެއިންނެވެ މިބައި އަލިގަދަވާ ވަރަކަށް ކުޑަވެ އަނދިރިވާ ވަރަކަށް ބޮޑުވެއެވެ
ކޮއްތަށް ދީފައި ބަނޑަށްދޭ ވަރަށް ހުރުން
(މިސާލުބަހެއް) އެއްޗެއް މާގިނައިން ހުރީމާ ދީއުޅޭ މިސާލެއް މިސާލު: އެގޭގައި ކޮއްތަށް ދީފައި ބަނޑަށްދޭވަރަށް ހިކަނދިފަތް ހުރެއެވެ
ކޮއްތު
ނ (1) އިރަކަށް ވަކިވަރަކަށް ކަނޑައަޅައި މީހަކަށް ނުވަތަ ބަޔަކަށް ދޭކާބޯތަކެތި (2) މީހަކު ނުވަތަ ބަޔަކު އެއްފަހަރު ކާން ކައްކައިފައި ހުންނަ ކާނާ
ކޮތަނބިރި
ނ ހަވާދުގެ ބާވަތެއް މިއީ އަސޭމިރުސް ފުކެއްވަރަށް ވައްކޮށް މަޑުރީދޫކުލައިގައި ހުންނަ ފުކެކެވެ މީގެ ގަހުގެ ފަތުގެ ކުލަ ހުންނަނީ މަޑުފިޔާތޮށި ނުވަތަ ހުދުކުލައިގައެވެ މިގަހުގެ މާ ހުންނަނީ ބޮނޑިކޮށެވެ
ކޮތަރުކާވިނަ
ނ ވިނައިގެބާވަތެއް މިއީ ފަތް ހިމަކޮށްހެދޭ ހުދުމަލެއް އަޅާ ވަރަށް ފުނަށް މޫހުންނަ ކައިވަތެއްވަރުގެ ވިނައެކެވެ އެއްޗެހީގައި ކުލަޖައްސާން މީގެ މޫ ބޭނުންކުރެއެވެ
ކޮލާޑިއެޅުން
މ ކޯ ފުރޭވަރަށް ދުފާ އެއްޗެހި އަނގަޔަށް އެޅުން
ކޮޑަހުޅެ
ނ )ގ ( ދޮރުފަތުގައިލައި ހުޅުގެ ބާވަތެއް މިއީ ތަންކޮޅެއް ދިގުކޮށް ހުންނަ ހުޅެކެވެ މިހުޅުލައިފައި ހުންނަ ދޮރުފަތްވަރަށް ބޮޑަށް ހުޅުވޭނެއެވެ
ކޮޕީ
ނ (1) ފަތްބޮޑެތިކޮށް އަދިބޯކޮށް ހުންނަ ކުޑަވަރަކު ތަރުކާރީގަހެއް (2) އަޞްލާ އެއްގޮތަށް ހަދާ ނަކަލު
ކޯރާހަނޑޫ
ނ ހަނޑުލުގެ ބާވަތެއް. މިއީ ފުއް ހިމަދިގުކޮށް ހުންނަ ހުދުކުލައިގެ ހަރުހަނޑުލެކެވެ މިއީ ވަރަށް މީރު ހަނޑުލެކެވެ
ކޯރިބޯ
ނ (1) ވޮށިމަހަށް ކިޔާވަނަމެއް (2) ކަށިކެޔޮ ގަހުގެ ހިކިމާގަނޑު ފަދަ އެއްޗެހީގައި އުޅޭ ކުޑަވަރަކު ދިރޭ އެއްޗެއް
ކޯބިޔަ
ނ ފަރުމަހުގެ ބާވަތެއް. މިއީ އައްޓަމަހާ ސިފަ ވަރަށް އެއްގޮތް މަހެކެވެ. ބޯފަތިކޮށް އަނގައާއި ކަރުތާފަތް ބޮޑުކޮށް ހުންނަ މަހެކެވެ ނިގޫފަތުގެ ކޮޅުހުންނަނީ ހަނދުފަޅި ބުރަށް ކަފިކޮށްނެވެ ބުރިކަށިމައްޗާއި އަރިމަތީގެ ކުލައަކީ މުށިކުލައެވެ ބަނޑުދޮށް ހުންނަނީ ފަނޑު ހުދު ކުލައެއްގައެވެ
އަނބިހި
ނ ވަރަށްހުތް މަޝްހޫރުމޭވާއެއް މިގިނައިން ބޭނުންކުރަނީ ހިއްކައިގެންނެވެ
އަނގަފާރު
ނ ހޫނުން އަނގައިގައި ހެދޭ ފާރެއް މިއީވަރަށް ގިނައިން މީހުނަށް ޖެހޭ ބައްޔެކެވެ
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން