radheef.info
ރަދީފު


އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
ސުފުރާ
ނ ކާންހަދާ ތަށިތައް އޭގެ މަތީގައި އެތުރުމަށްޓާކައި ފަތުރާލާ އެތި
ސެންޕަލު
ނ (1) މުދަލެއްގެ އަޖުމަ ބަލަން ހިލޭ ފޮނުވާ އެތި (2) ނަމޫނާ އެތި
ޑަޒަން
ނ އެއްވައްތަރެއްގެ ބާރައެތި މިސާލު: އަލިފާން ފޮށި ޑަޒަނެއް
ޒައްރާ
ނ (1) އެއްޗަކުން ވަކިކުރެވޭނެ އެންމެ ކުޑަ މިންވަރު (2) ވައިގެ ތެރޭގައި އުދުހޭ ކުދިކުދި އެތިއެތިކޮޅު (3) އެޓޮމް
ޓިންޓިން
ނ (1) ގަޑިންޖަހާއަޑު (2) ލޯބަނޑިޔާފަދަ އެއްޗެހީގައި ދަގަނޑު ފަދަ މަޢުދަނީ އެތިކޮޅަކުން ޖެހީމާ ގޮވާއަޑު
ޓޮޕު
ނ ޕުލަގުން ކަރަންޓް ނަގަން ވާގަނޑުގެ ކޮޅުގައި ހަރުކުރާއެތި
ޕުލަގު
ނ ކަރަންޓް ނެގުމަށްޓަކައި ޓޮޕްޖެހުމަށްހަދައިފައި ހުންނައެތި
ޖެއްސުން
މ (1) ޖެހުން މިބަސް ކުރުވުމުގެ މާނައިގައި ބުނާގޮތް. (2) ލޮލަށް ލިބޭ ގެއްލުމެއްގެ ސަބަބުން ނުވަތަ ލޮލަށް ކުނިކޮޅެއްފަދަ އެއްޗެއް ވެއްޓުމުގެ ސަބަބުން ލޮލުގައި އެއްޗެއް ޖެހޭހެން ހީވުން (3) މަދު އެތިއެތި ފޮދުން ބޯންދިނުން މިސާލު: )ހ( ފަނިތިކި ޖެއްސުން )ށ( ބުއްޖެއްސުން (4) ބަނދަރުކުރުން މިސާލު: މާލެ ދާނީ ގަލުފަޅުގައި ޖައްސައިފައެވެ (5) އުދުހޭ ބައެއްތަކެތި ތިރި ކުރުން މިސާލު: މަތިންދާބޯޓު ޖެއްސުން (6) އަނެކަކު ރުޅިއެރުވުމަށް ކުރާ ކަންތައް
ޗޯކު
ނ (1) ބޯޑުގައި ލިޔުމަށް ހަދައިފައި ހުންނަމަށި ފޯލި މި އެކި ކުލަކުލައިގައި ހުރެއެވެ (2) އިލެކްޓްރިކް ހޮޅި ބުރީގެ ތެރޭގައި ހުންނަ ވަކި ޚާއްޞަ އެއްޗެއް (3) ޕެޓްރޯލު އިންޖީނުގެ ސިލިންޑަރު ގެ ތެރެއަށް ވަޔާއެކު ޕެޓުރޯލު އާވި ފޮނުވައިދޭ ބަޔަށްވައިވަނުން ވަގުތީ ގޮތުން ބަންދުކޮށްދޭއެތި
ޚޮލިސާ
ނ (1) ބަޑި ރޯކުރަންގެންގުޅޭ އެތި މިއޮންނަނީ ފޫޓުބައި ނުވަތަ 3 ފޫޓު ހުންނަވަރުގެ ދަނޑި ބުރިއެއްގެ ކޮޅުގައި ކޮރު ދަނެއް ހަރުކޮށްފައެވެ (2) ފޮލިސާ