radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެކިއެކި
ނއ އެކެއް އެކެއް މިބަސް ބޭނުންކުރަނީ ގިނަބައެއްގެ ތެރައިން ނުވަތަ ގިނައެއްޗެހި ތަކެއްގެ ތެރައިން އެކަކުން ވަކިކޮށް ބުނުމަށެވެ
އެކުން
އތ (1) ހިސާބަށްވުރެ ބޮޑަށް. (2) މާ މިބަސް ބޭނުންކުރަނީ ނަފީގެ ގޮތުގައެވެ. މިސާލު: އެކުން ބާރަށް ނުހިނގާ އެކުން ގިނައިން ނުކައި
އެކޮޅުކޮޅުންކަންތައްކުރުން
މ ކުރަންވީގޮތުގެ އިދިކޮޅަށް ކަންތައްކުރުން
އެއްކިބާވުން
މ (1) އެއްފަރާތްވުން (2) ވަކިވެލުން (3) ދުރަށްޖެހުން (4) ކުރަމުން އައިކަމަކުން ނެއްޓިގަތުން
އެއްވަރެއްވެސް ނުވުން
މ (1) ކުރަން އުޅޭ ކަމެއްވާނެ އެއްގޮތެއްވެސް ނުވުން (2) މުޅިން ނާކާމިޔާބުވުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެތެރެހޫލު
ނ ނަކަތްތެރިން ކުރަހައިގެން ގެންގުޅޭ ތާވަލެއް މިއީ އެތެރެއާބެހާ ކަންތަކަށް އިރުވަރުބަލާން ގެންގުޅޭ އެއްޗެކެވެ
އެތެރެކޮއިލު
ނ (1) ފުރަމާލޭގައި ރަސްކަންކުރައްވާ ގަނޑުވަރަށް ހިމެނޭ ހިސާބު (2) ބޮޑުގަނޑުވަރުތެރެ
އޭކަން
ނ ހިސާބުގެ ޢަދަދު ކިޔާން ގުނާގުނުމުގައި ކަނާތްފަރާތުން ފުރަތަމަ އޮންނަ އަކުރަށް ކިޔާގޮތެއް
އޮނަ
ނ ފުރަތަމަ ދިހައަކަށްފަހު ސަތޭކައާ ޖެހެންދެން އަންނަ ކޮންމެ ނުވަޔަކަށްވާ ޢަދަދު. މިބަސް ބޭނުންކުރަނީ ދިހަ ހަމަވާ ޢަދަދަކާ ގުޅުވައިގެންނެވެ. މިސާލު: އޮނަވިހި އޮނަތިރީސް )ސ ( އޮނު
އޮޅުފަތި
ނ ބާވަތެއްގެ މިޔަރެއް. މީގެ ބުރަކަށިމަތީގައި ތިން އުރަހަ ހުންނާނެއެވެ. މީގެ ބަނޑުދޮށުގައި ހުންނަ ދެފިޔަފަތުން މިދާނޭމަގު ކޮނެފުން ކުރަމުންދުވެއެވެ. މީގެ ބޯ ތަންކޮޅެއް ދިގުވާނެއެވެ. މިއީ ދޯނިފަހަރާއި މީހުންގައިގައި ދަތް އަޅާއި އުނދަގޫދޭ ނުބައި މިޔަރެކެވެ
އޮއިކާލި
ނ )ހ ( (1) އެން ހިފާއިރު އެން ނޫން އެހެން މަސްތައް ދަލާ ދުރުކުރަން ޖަހާ ފިލިބޮނޑި (2) ހިކާދުރުކުރި
އޮމާންއުވަ
ނ އަތްބުޑު އުވަޖަހައިފައި އޭގެ މަތީން އޮމާންކުރަން ލާ އުވަ
އޮގަރުކަނޑިއައްޑަނަ
މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިވެރިޔާ
ނ ފުރާ ދުއްވާ އެއްޗެއްގެ ވެރިމީހާ މިބަސް ޢާއްމުކޮށް ބޭނުންކުރަނީ ރިޔާނަގައިގެން ދުއްވާ އެއްޗިއްސާގުޅޭ ގޮތުންނެވެ
ވަހަކެރަފި
ނ )ގ ( ވަސްކުރަފި