radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ރާހަތްވުން
މ އެއްޗެއްގެ އަސަރު އަނެކައްޗަކަށް ފޯރުން
ރާހިކުރުން
މ މޫދުގައި އޮންނަ މުށިމަސްގަނޑު ފަދަ މަސްމަސްގަނޑު ވަކިތަނަކަށް އެއްކުރުން
ރާހިވުން
މ ފަޅުގައި އޮންނަމަސްގަނޑު އެއްތާކަށް ބޮޑިވުން
ރާހިޖިންނި
ނ އެކިއެކި ރާހިތަކަށް ފަންޑިތަވެރިން ޚާއްޞަކޮށްފައިވާ ކަމަށްބުނެއުޅޭ ޖިންނި
ރާހުތްއެޅުން
މ ރާ އެއްޗަކަށް އަޅައިފައި އެހުރިގޮތަށް ސާޅީސް ވަންދެން ބެހެއްޓުން
ރާންރާން
ނ (1) މެހި މާބުރު ފަދަ ތަކެތީގެ އެތައް ބައިވަރެއް އުދުހޭ އިރު އިވޭ އަޑު (2) ކާޅުތަކެއް އެކުވެގެން ހޭރޭ އަޑު (3) ސިޔާސަ ކުދިބަޔަކު ތާކަށް އެއްވެގެން ސަކަޖަހާ އަޑު
ރާބަދި
ނ ރުކަށް ފެންގެންދާށާ ރުކުން ބާލާ ރާއަޅަން ދެއުނބު ނުވަތަ ތިން އުނބު އެއްކޮށް ބަނދެފައި ހުންނަ އެތި
ރާޅާޖެހުން
މ ދުވެފައިދާ އެއްޗެއް ރާޅުމައްޗަށް އުފުލާލައިފައި ކުއްލިއަކަށް ތިރިވުން
ރާޅު
ނ (1) ހިމުންކަމުގެ އިދިކޮޅު. (2) ކުރަކ.ި (3) ކަނޑުކަނޑާއި ކޯރުކޯރާއި ފެންފެންގަނޑުން އުފުލި ދަތުރުކުރާ ފެނުގެ ރޮނގު. (4) ހޮޅިލައިފައި ފަރުފަރަށާއި ގޮނޑުދޮށްތަކަށް ބިންދާ ފެނުގެ ހޮޅި. (5) ކަނޑުން ނުވަތަ ކޯރުން އުފެދޭ ހަލަބޮލިކަމުން ގޮނޑުދޮށާއި ހަމައަށް އައިސް ބީއްސާލާ ފެނުގެ ކޮއްޕާ ކޮއްޕުން. (6) ދަގަތްފާނާއި ކަރަންޓުގެ ދަތުރުކުރާ ހަކަތައިގެ ބައިތައް (7) ރޭޑިޔޯއިން އަޑުދުރަށް ފޮނުވަން ބޭނުންކުރާ ކަރަންޓުގެ ބާނި (8) އަޑު ދަތުރުކުރާއިރު ހުންނަ ފަށަލަ ފަށަލަ (9) ނއ އޮމާންކަމުގެ އިދިކޮޅު
ރާޅުބިސް
ނ އެތެރޭގައި ހޮއި އޮންނަ އެއްފަރާތެއްގައި ދެ ލޯވަޅެއް ހުންނަ އެއްޗެއް. މިއީ ގާތްގަނޑަކަށް ހޯނުބިސްވަރުގެ އެއްޗެކެވެ. މިހުންނަނީ ގޮނޑުދޮށަށް ލައްވެފައެވެ
ރާޅުލުން
މ (1) ފިނޮޅަކަށް ނުވަތަ މާޑަކަށް ރާޅު އެރުން (2) ރާޅު އުފެދުން
ރާއުނދުން
ނ ރާކެއްކުމަށްޓަކާ ވަކި ފުންމިނެއްގައި ވަކިމިންގަނޑަކަށް ބިންމަތިކޮނެ އެތަނަށްއަޅި އަޅައި ފެންޖަހައި ހަރުކޮށްގެން ތިންވަރުގެ ތިން އަނގަކަނޑައި މަގަތުއަނގައިން ބަނޑުދުރަލާގޮތަށް ކޮންނަމުންގޮސް އަނެއްދެއަނގަ ވަޅަށް ފޫދުައްވައިފައި ހުންނަ އުނދުނެއް. މަގަތު އަނގަވަޅަކީ ދަރުޖަހާތަނެވެ. މެދުގައި ވަށްލޯވަޅެއްހެން ބޮޑުކޮށްހުންނާނީ ތަރާ ފަތްއުދާ އަނގަވަޅެވެ. އެންމެ ބިއްދޮށަށް ހުންނާނީ އާވި ބޭރުކުރުމަށް ހަދައިފައި ހުންނަ )ކުދިތެލި އުދޭވަރުގެ( ލޯވަޅެކެވެ އެތަނަށްކިޔަނީ ކަނޑޯޅިކޮޅެވެ ދެ އަނގަވަޅު ދެމެދަށް ކިޔަނީ ނިތްގަނޑެވެ
ރާސް
ނ (1) ކުދިކުދި ހިކިއެއްޗެހިތަކެއް ކުއްލިޔަކަށް ފައިބައިގަތުމުގެ އަޑު (2) ފޮތިގަނޑެއް ކުއްލިއަކަށް ވީދާލާއަޑު (3) ގަހެއްގެ އޮފިގަނޑެއް އިރައިގެންދާ އަޑު (4) މުރަނަ އެއްޗެއް ހަފާލާ އަޑު (5) އެތައްބަޔަކު އެއްފަހަރާ އަވަސް އަވަހަސް ތަނަކަށް ވަދެ ނިކުމެވާ އަޑު
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރާޑިކުރުން
މ (1) އޮށްވަޅު ޖޯޑުބިޖޯޑު ބޮލިގަނޑުފަދަ ކުޅިވަރުގައި އަނެކަކަށް އެއްވެސް އެއްޗެއްނުދީ ދެރަކުރުން (2) ބައެއް ކަންތައްތަކުގައި އަނެކާއަށް ކާމިޔާބުނުވާގޮތަށް ދެރަކުރުން
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ
ރިކޯޑު
ނ (1) ރައްކާތެރި ކުރެވިފައިވާ މަޢުލޫމާތު (2) އެކިއެކިކަންތައްތަކުން ހޯދާ އެންމެމަތީ ވަނަ (3) ރޯލަކަށް އަޅައިފައި އޮންނަ އަޑު
ރިކޯޑުކުރުން
މ ކަމެއްގެއަޑު ނުވަތަ މަންޒަރު ނުވަތަ މަޢުލޫމާތު ފަހުން ބޭނުންކުރެވޭ ފަދަ ގޮތަކަށް ތަފާތު ވަސީލަތްތަކުން ރައްކާކުރުން
ރިއްމަސް
ނ މުށިމަހުގެ ސައިޒުގެ މަހެއް މިއީ މަހުގެ މަތީބައިގެކުލަ ނޫކުލައަކަށް ދާ ފެހިކުލައެއްގައި ހުންނަ އައިން އައިން ގަނޑަށް އުޅޭމަހެކެވެ މި މަސް އާއްމުކޮށް އުޅެނީ އެތެރެވަރީގެ ކަނޑުތަކުގައާއި ފުން ވިލުވިލުގައެވެ މިއީ ކަށިގިނަ މަހެކެވެ
ރިއްސައިގަތުން
މ ކުއްލިއަކަށް ރިހުމެއް ގަދަވުން