radheef.info
ރަދީފު


ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަންޑީ
ނ ލަވަކިޔައިނަށައިފައި ފައިސާޔަށް މީހުނާ މޮށެ އުޅޭ އަންހެނާ
ރަބަރުކޮތަޅު
ނ (1) ބާޒާރު ކުރަން ގެންގުޅޭ އަތްމަތީ ކޮތަޅު (2) ޕުލާސްޓިކު ކުދި ކޮތަޅު
ރަކަރަކަ
ނ (1) ގިނަ ބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާ ދައްކާ ވާހައިން އިވޭ އަޑުތައް (2) އުދުހޭ ދޫންޏާއި މޫދުމަސް ފަދަ ތަކެތި އެއްތާކަށް އެއްވެ މާބޮޑަށް ބޮނޑިވެގެން އުޅޭއިރު އެއުޅެވޭގޮތް ނުވަތަ އިވޭ އަޑުތައް
ރަކަރަކަ އެޅުން
މ (1) ގިނަބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާއި އަޑުތައް އުފެދުން (2) ދޫންޏާއި މަސްފަދަ ތަކެތި އެއްތާކަށް މާބޮޑަށް ބޮނޑިވެގަތީމާ އުޅެވޭ ގޮތާއި އަޑުތައް އުފެދުން
ރައުސްމާލު
ނ (1) ވިޔަފާރިއެއް ހިންގުމަށް ގެންގުޅޭ ފައިސާ. (2) ފަރުދެއް ނުވަތަ ޖަމާޢަތެއްގެ މިލްކުގައިވާ މުދާ
ރައްކަލި
ނ )ސ ( ކުޑަކުދިން ލަދުގެނެގެން ދުވެގޮސް ފިލައިއުޅޭ އުޅުން
ރައްކާވެތިބިއްޔާ ދަތުރެވެ
(ހަރުބަހެއް) (1) ދަތުރުކުރެވޭނީ ސަލާމަތްވާނެމަގު ހޯދައިގެންނެވެ. (2) ވިސްނާބަލައިގެން އުޅޭށޭ.
ރަވޯކައިފާހޮޑަށްލުން
މިސާލު: މާބޮޑަށް ރަވޯވެފައި ތިބޭކުދިންނާމެދު ބުނެއުޅޭ ބަހެއް
ރަމަ
ނ އާތްވެގެން ރަނޑުވެގެން ތުއިވެގެން އުޅޭއުޅުން
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަދަ
ނ )ސ ( (1) ކަށްޓަކުން ނުވަތަ ތޫނުއެއްޗަކުން ކޭއްތިގެން ގައިގެ ހަމުގައި އެޅޭ ކޫރު (2) ގަސްގަހުގައި ރޮނގުގޮތަށް ހުންނަ ރެނދު
ރަތްބަނޑުލަނޑާ
ނ ލަނޑާގެބާވަތެއް: މިއީ ތޮށިކައިރީގައި އުޅޭ ބަނޑުދަށް ރަތް ކުލައިގައި ހުންނަ ލަނޑައެކެވެ ބުރަކަށިމަތީގައި ހުންނަނީ މަޑުރަތްކުލައެކެވެ
ރަތްމަސް
ނ ފަރުމަހުގެ ބާވަތެއް މިއީ ހުޅުނބުގިނަ ރަތްކުލައިގެ މަހެކެވެ މިމަހުގެ ދެއަރިމަތީގަިއ ރިހިކުލައިގެ ދެލައްހުރެއެވެ މިފާހަގަ ބޮޑަށް ފާޅުކޮށް ފެންނަނީ ކަނޑުގައި އުޅޭއިރުއެވެ
ރަތްޖަޑާ
ނ ޖަޑާގެ ބޮޑެތި ވައްތަރު. މިޖަޑާގެ ފިޔައާއި ހަށިގަނޑު ރަތްވެފައި ފިޔައިގެ ދަށުން ހަށިގަނޑާއި ގުޅޭ ހިސާބުގައި ދިހުން ކުލައެއް ހުރެއެވެ މިއީ ދޮންދޫނި މޫސުމަށް އައިސްއުޅޭ އެއްޗެކެވެ
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރަސްރަނަ
ނ ހިތާވެގެންއުޅޭ އަންހެންމީހާ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްއައިން
ނ އެތައް ކުރިއަކަށް ތިލަވެގެން އުޅޭ ތަފާތު ބާވަތްތަކާއި ތަފާތު ސައިޒުގެ މަސް އެކުލެވޭ ކަނޑުމަހުގެ ބޮޑެތި މަސްއައިން