radheef.info
ރަދީފު


ޅައި
ނ (1) މިނިކާ ސޫފި (2) ޖަނަވާރަކާ އެއްފަދަކުރުމަށް މީހުނާ ދިމާއަށް ބުނާބަހެއް (3) އޮޑިދޯނިފަހަރަށް އެއްޗެހި އަރުވާންވެގެން ވަތުތެރޭ ހުރަހަށް ބަހައްޓާ ލަކުޑިފަދަ އެއްޗެހި
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަނިކުރަދި
ނ ކަނިއަޅާން ގިލަމަތީ ހުރަހަށް އަޅައިފައި އޮންނަ ކުރަދިގަނޑު
ކަނިކެނޑުން
މ (1) ވޮށުގެ ފުކުންނާއި ބައްތީގެ ފީތާއިން އަނދައިފައި ހުންނަތަންކޮޅު ކަނޑައިވަކިކުރުން (2) އަންނަ އެއްޗެހީގެ ކައިރިފަށް ކެނޑުން (3) ކަނިއަޅައިފައި ހުރިވާގަނޑު އުފުރައިގެން ދިއުން
ކަނީރު
ނ ބަގީޗާ އެއްގެ ގޮތުގައި ހައްދާގަހެއް މިއީ ފަސްފިޔައިގެ މައްޗަށް އެކުލެވޭ މަލެއްއަޅައި އަބަދުމާ ފޮޅިފައި ހުންނަގަހެކެވެ މަލުގެ ފިޔައަށްވުރެ ކުދިކޮށް މަލުގެ ވަށައިގެން ފަސްފަތް ހުރެއެވެ މިމަލުގެ ތަފާތު ކުލަހުރެއެވެ
ކަންހުދުކުރުން
މ ކަންހުދުރުމާލުގެ ހަތަރު ކަނުގައި ހުންނަ ހަތަރެސް ކަން ހަތަރު ގޮޅިން. )ރުމާއޮޅީމާ( ފެންނަން ހުންނަ ތަންތަން އުނގުޅައި ސާފުކޮށް ހުދުކުރުން. މިކަންކުރާގޮތަކީ މިކަމަށް ތައްޔާރުކޮށްފައި އޮންނަ ފިލާ ފޮއްޗެއްގައި ގިނަ ފަށް ހުންނާނެހެން ހުދު ފޮތިކޮޅެއް ފަތްޖަހައި އޮޅައިލައިފައި ކަންގަނޑުގެ ދަށަށް ލައްވައިގެން ބޮނބިން ހަދައިފައި އޮންނަ "ދަނޑި" ކޮޅަކުން ފެންލައިގެން އުނގުޅައި ސާފުކޮށްފައި އަސުރުމާ އޮށުގެ އެތެރޭގައި އޮންނަ ފުށްކޮޅުނަގައިގެން ފެންޖަހައި ފިއްތައި ގަށައިފައި ކަން ތަކުގައި ހާކައި އެއްވަރުކުރަނީ އެވެ. މިފުށް ހާކާނީ ހަރުލަކުޑީގެ އޮމާން ދަނޑި ކޮޅަކުންނެވެ. ފަހަކަށް އައިސް މިގޮތަށްކަން ހުދު ކުރުމުގެ ބަދަލުގައި ހުދުކުރަނީ ކަރުދާސް ތަތްކޮށް ގެންނެވެ ކަންހުދު ރުމާ ލަކީ ފަސްރޮނގު ރުމާލެވެ
ކަންގަނޑު
ނ (1) ބޮލުގައި އަޅާ ރުމާލާ ފޮށާފަދަ ތަކެތި އޮޅައިފައި ހުންނައިރު އެއިން ނެރެފައި ހުންނަ ކަން ނުވަތަ ކޮޅު. (2) އަނދެ އުޅޭ އެއްޗެހީގެ ހަތަރުކަން. (3) ނުތޯޑުވައި ހުންނަ މުންޑާއި ފޮށާފަދަ ތަކެތި އަނދެފައި ހުންނައިރު އުނގަނޑު ރޮދިގަނޑު ދަށުން ކުރި މައްޗަށް ނެރެފައި ހުންނަ ކަން ނުވަތަ ކޮޅު
ކަރުތާ
ނ ޕޯސްޓާ ވަކިންގެންދާ ސިޓީތައް އަޅައިފައި އޮންނަ ކޮތަޅު
ކަރެވިޔާއްދަ
ނ )ގ ( ކަރުގެ އެތެރޭގައި މުލިހިފާޑަށް ދުޅަވާ ބައްޔެއް މިބަލީގެ އެންމެ މަތީ ދަރަޖަޔަށް ދިޔައިމާ ބޭރުން ރަތްވެ ދުޅަ ބޭރަށް ދައްކައެވެ ފަޅައިގެން ދާނީ އެތެރެއަށެވެ
ކަޅިކުރުން
މ (1) ބައެއްކަހަލަ ދިޔާއެއްޗެހި އުނގުޅައިގެން ތެންމުން މިސާލު: )ހ( އަތަރުން ކަޅިކުރުން )ށ( ލެއިން ކަޅިކުރުން
ކަޅުކޫޑި
ނ ގަސްގަހަށް ޖެހޭ ބައްޔެއް މިބަލިޖެހުމުން ގަހުގެ ފަތްތަކާއި ގޮފިތަކުގައި ހުންނާނީ ކަޅު ތިއްތިއް ޖަހައިފައި ހުންނަ ގޮތަށް ކުދިކުދި ކޫޑިތަކެއް އަޅައިފައެވެ ގިނައިން މިބަލިޖެހެނީ ލުނބޯ ގަހަށެވެ
ކައިތުވައްބަޑި
ނ އަތުން ހިފައިގެން އުޅޭ ބޭސް އަޅައިގެން ދޯރިޖަހައިގެން ގޮއްވާ ބަޑިއެއް މިއީ އިހުގައި ކޮށީމީހުން ގެންގުޅުނު ބަޑިއެކެވެ
ކަމީރު
ނ (1) ކުދި ތައްޓަށް އަޅައިގެން ފެނުގެއާވިން ކައްކާ ފޮނިކާއެއްޗެއް. މިހުންނަނީ ހަލުވިދާހެން ބެދިފައެވެ. މިހަދަނީ ހަނޑުލު ފުށާއި ބޯކިރާއި ހަކުރުންނެވެ (2) ބައެއް އެއްޗެހި ހަދާން ތައްޔާރުކުރާ ފުށްގަނޑަށް ރުކުރާ ނުވަތަ ކާށިފެން ފަދަ އެއްޗެހި އަޅައިގެން ކުރާ ރާމާ
ކަފަބުރު
ނ (1) ނޭފަތް ނުވަތަ ކަންފަތް ފަދަ ތަންތަން ސާފުކުރަން ކަފަކޮޅެއް އޮޅައިފައި އޮންނަ އިލޮށިކޮޅު ނުވަތަ ޕްލާސްޓިކްކޮޅު (2) މަޖާޒު: ތެމި ފޯވެފައި ހުރިމީހާ (3) )ސ ( ބުރަފަތިވިނަ
ކަފަތޮޅި
ނ (1) ފުއްކަފަތޮޅި (2) ކަފައަޅައިގެން އުތުރުކަރައިން ގެނެސް އުޅުނު ސުންބުއްޔެއް
ކަފާޅަ
ނ ބޮލުމެދު މިއީ ޅައިރު ނާށިގަނޑު ނުބެދިހުންނަ މަޑު ހިސާބެވެ
ކަފު
ނ (1) ފުރާދުއްވާ އެއްޗެއްސާ ގުޅިގެން ފަހަތް (2) ފުރާ ދުއްވާ އެއްޗެހީގެ ފަހަތުގައި އެހެން އެއްޗެއް ގުޅައިލާ ގުޅުން (3) މަޖާޒު: މީހެއްގެ ފަހަތުން އަބަދުހެން މީހަކު ހިނގާ ހިނގުން
ކަފުދަޑުކު
މ )ބދ ( ރަންރިހީގެ ގަހަނާ އަޅައިއުޅުން
ކަފުޖެހުން
މ (1) ކުރީގައި އޮތް އުޅަދެއްގެ ބާރުގައި އެހެން އެއްޗެއް ގެންދިއުމަށްޓަކައި އެއުޅަނދުގެ ފަހަތުގައި އެއެއްޗެއް ގުޅައިލުން (2) މަޖާޒު: ދާއިމީ ގޮތެއްގައި މީހެއްގެ ފަހަތުން ހިނގުނު
ކަތީބުފޮށާ
ނ (1) ޚުތުބާކިޔާންވީމާ މަކަނަޔަށް އަޅައިއުޅުނު ފޮށާ (2) ރިދާ
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު