radheef.info
ރަދީފު


ރީ
ނ (1) މެހީގެ ފޫކޮޅުންނެރޭ ކުދިކުދި ފަނި (2) ވޭރުހުލި މާބުރުފަދަ ތަކެތި ތަންތަން ބައްދާ އެއްޗެހި
ބައްތިރީސް
ނ (1) ތިންދިހަދޭއް (2) ތިރީސްދޭއް
ބައްޓަންލުން
މ (1) ބޭރުފުށަށް ފާޑުގެނައުން (2) ވައްތަރު ރީތިވާގޮތް ހެދުން
ބަވަނަ ސުންދުރަ
ނއ )ބދ ( ދުނިޔެއިން ރީތި
ބަވާސީ
ނ ފުރަގަސް ފަރާތުގެ ބައްޔެއް. )މިބަލިޖެހޭގޮތަކީ ފުރަގަސް ފަރާތުގެ ދޮރު ކައިރީގައި ހުންނަ އިސްތަށި ތަކުން އިސްތަށިބުޑެއް ދުޅަވެ ދޮސް ގަނެގެން ނުވަތަ ފުރަގަސް ފަރާތު ދޮރުގެ ކައިރިފަށުގައި ބިއްސެއްޖަހައި ދުޅަވެ މުލިއްސަކަށްވެ ދޮސް ގަނެގެން ފުރަގަސް ފަރާތު ދޮރުތެރެ އުމަގުވުމެވެ
ބަފާ
ނ (1) ބައްޕަ (2) އެމީހަކަށް ދަރި އުފަންވީކަމަށް ޝަރީޢަތް ޤަބޫލުކުރާ ފިރިހެންމީހާ
ބަފޯހިކާ
ނ ހިކާގެ ބާވަތެއް މިއީ އަނގަބޮޑު ހުޅުނބުގިނަ މަހެކެވެ މިމަހުގެ ތުން ކައިރީގައި ދެނަރުވާ ހުރެއެވެ
ބަދިގެޔަށްދިޔުން
މ (1) ގަނޑުވަރުތެރޭ ބޭފުޅުންގެ ބަދިގޭ ނޯކިރީ ހިފުން (2) މާތްމީހުންގެ ގޭގެގައި އުޅޭމީހުން ކާން ބަދިގެޔަށް ދިޔުން
ބަދުރާންމަހުކޮލި
ނ )މ ( މޫދުގައިއުޅޭ ރީނދޫކުލަިއގެ ވިހަމަހެއް މިމަހުގެ ބަނޑުދަށުގައި ލައްތަކެއް ޖަހައިފައި ހުރެއެވެ އަދި މަހުގެ ވަށައިގެން ކަށި ފަޅައިފައި ހުރެއެވެ
ބަދުރު
ނ (1) މަދީނާގެ ކައިރީގައި އޮންނަތަނެއް (2) ބަދުރޭމިކިޔާ ތާނގައި ހުންނަ މަޝްހޫރުވަޅެއް (3) ބަދުރު ހަނގުރާމަޔަށް ވަޑައިގަތް އަޞްޙާބުބޭކަލުންގެ ނަންފުޅުތައް ލައިގެން ހަދައިފައި އޮންނަ ދުޢާއެއް
ބަދުރުހަނގުރާމަ
ނ "ބަދުރު" އޭ ކިޔާ ވަޅުގެ ކައިރީގައި މައްކާގެ މުޝްރިކުންނާ ރަސޫލުﷲގެފާނު ކުރެއްވި މަޝްހޫރު ހަނގުރާމަ
ބަތްޕެންހިކާ
ނ ހިކާގެ ބާވަތެއް. މިމަހުގެ މަތީބައިގެ ކުލައަކީ މުށިކުލައެވެ. ބޮލުން ފެށިގެން މަހުގެދިގަށް ފުޅާ ގަދަ މުށިކުލައިގެ ބޭންޑެއް ހުރެއެވެ ބުރިކަށިމަތީގައި ހުންނަނީ މުށިކުލައެވެ ބަނޑުދަށް ފަރާތުގެ ކުލައަކީ މަޑު ރީނދޫ ކުލައެވެ
ބަތްޕޮޅިމަސް
ނ ފަރުފަޅުގަޔާއި އެތެރެވަރީގައި ދިރިއުޅޭ މަހެއް މިހުންނަނީ ބަތްޕޮޅި ބުރަށެވެ މަހުގެ ކުލަޔަކީ އަޅިކުލަޔާއި މުށިކުލައެވެ ކޮތަރިބަޔާއި ނިގޫފަތުގައި ހުންނަނީ މުށިކުލައެވެ
ބަގީޗާގަސް
ނ (1) ފަތްވެރުން މަދު ބިޔަނުވާ ރީތިގަސް. މިސާލު: ދޮންފަތް ބަގީޗާ ފަރުދާ ބަގީޗާ. (2) ރީއްޗަކަށް އިންދާ ބިޔަނުވާކަހަލަ މޭވާނާޅާ ގަސް
ބަގޮނާ
ނ ފޭރާންވެރީންގެ ބަބުނަ
ބަސްފޮނި
ނއ (1) ތިމާގެ ނެތް މޮޅުކަމެއްގެ ބަހުން ދައްކާ (2) ބަސްމަގު ރީތި
ބަޑަ
ނ )ސ ( (1) ކެޔޮގަހުގެ ގަސްގަނޑު (2) ޒުވާރީގެ އޮށްތައް ނޮޅައިލީމާ އޮންނަ ކަރުގަނޑު (3) )ޏ ( ގަޅި (4) )ލ ( ބަނޑު
ބަޑަމަށްދިޔުން
މ މަތީ ކިބައިގައި ހުންނަ ދޯންޏެއްގެ ދަށް ފަރާތުން ފަސްކަންޏާ ހަމައަށް ދިއުން މިތަނަށް ދަނީ ކުރީގައި އޮންނަ ދޯނިންއުކާ އެމުން މަސްބޭނުމުގެ ބޭނުމުގައެވެ
ބަޑިބަޑި
ނ (1) މެދުރީ ބޭކަބަލުން އަހަރަކު އެއްފަހަރު ފާރުން އަތިރީގައި ކުޅުއްވާ ކުޅިވަރެއް. (2) މަޖާޒު: ރުޅި އައިސްގެން ކުރާ އަންގަދަތަކެއް ނުވަތަ އުޅޭގޮތްތަކެއް
ބަޓަރުބޯންޗި
ނ ބަޓަރުތޮޅި މިއީ ތަރުކާރީއެކެވެ
ބާރަބޯލަނގިރި
ނ ދެފައްޗަށް ތިބެގެން އެކިއެކި ބާވަތުގެ ރީތިތަކެތީން އެކިގޮތްގޮތް ހަދަމުން ލަވަކިޔައިފައި ބެރުޖަހަމުން ކުޅޭ ކުޅިވަރެއް