radheef.info
ރަދީފު


ނޫ
ނ (1) ކުލައެއްގެނަން މިއީ ދުވާލު އުޑުމަތި ސާފުކޮށް އޮންނައިރު އުޑުމަތިން ފެންނަ ކުލައެކެވެ ނަންއިތުރެއްގެ ގޮތުގައިވެސް މިބަސް ބޭނުން ކުރެއެވެ މިސާލު: ނޫތަށި ނޫފޮތި (2) ވިއްސާރަ ދުނީގައި ހުންނަ ހަތްކުލައިގެ ތެރެއިން ފެއްސާ ވައިލެޓާ ދެމެދުގާ ހުންނަ ކުލަ (3) )މަލިކު( ފެހި
އޮޑިކޮޅުމަސް
ނ )އ ( ދޮންނޫމަސް
އޮޑިވަޑާން
ނ (1) ކިއްސަރުވަޑާން (2) ތެދުނޫން ގޮތްގޮތަށް އުއިޖަހައިގެން ކުރާވަޑާން
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
ވަށިބޭލުން
މ (1) ދަތުރުވެރިއެއްގެ ގޮތުގައި އުޅޭއިރު އަންނައުނުލާން ގެންގުޅޭ ވަށިފޮށި ގެއެއްގައި ބަހައްޓައިގެން އުޅުން (2) މަޖާޒު: އިހަށްވަދެ ނޫޅޭތަނަކަށް ވަދެ ގަދަކޮށްލައިގެން އުޅުން
ވަޅު
ނ (1) އެކިއެކި ބޭނުމަށްޓަކައި ކޮނެފައި ހުންނަ ތަންތަން. (2) ބައެއް ޚާއްޞަ ތަންތަނަށް ނަން އިތުރަކާ ގުޅައިގެން މަރުވަޅު ފުރޯވަޅު ސަޖިދަވަޅު ފުއްވަޅު މިގޮތްގޮތަށް ކިޔައެވެ. (3) ފެން ބޭނުންކުރުމަށްޓަކައި ބިންގަނޑު ކޮނެ ފެނުތެރޭގައި ބައެއް ހުންނާނޭހެން ރާނައިގެންނާއި އެ ނޫން ގޮތްގޮތަށް ތައްޔާރުކުރާ އެއްޗެއް (4) )ލ ( ވަޅި
ވަޅުނުލިބުން
މ ކަށްވަޅު ކޮނުމުގައި މައްޔިތެއްގެ ކަށިގަނޑު ނުވަތަ ސަންދޯކެއް ފެނުން ފަދަ ކަމަކުން ނުވަތަ އަދި މިނޫންވެސް ކަމެއް ދިމާވެގެން އެތަނަކުން ޖާގަނުލިބުން
ވަޅުއެޅުން
މ ރައްކައު ކުރުމަށާއި އެނޫންވެސް ބޭނުމަށްޓަކައި ބައެއް ތަކެތި ވަޅުލުން
ވަޅުތިލަކުރުން
މ (1) ކަށްވަޅު އޭގެމިނަށް ކޮނުން (2) ފުންކޮށް ކޮނެފައި ހުރިވަޅެއް ނުވަތަ ވަޅުގަނޑެއް ފަސް ނުވަތަ އެނޫންވެސް އެއްޗެއް އަޅައިގެން ބޭނުން މިނަކަށް ހަމަކުރުން
ވަޅުގަނޑު
ނ (1) ބައެއް ބޭނުންތަކަށް ކޮނެފައި ހުންނަ ވަޅު މިސާލު: ކުނިއަޅާ ވަޅުގަނޑު ނަރުދަމާ ވަޅުގަނޑު (2) ވަކި ޚާއްޞަ ބޭނުމަކަށް ނޫންގޮތަކަށް ކޮނެފައި ނުވަތަ ހެދިފައި ހުންނަ ވަޅު
ވަކާލާތުކުރުން
މ މީހެއްގެ ނުވަތަ ބައެއްގެ ފަރާތުން ޝަރީޢަތުގެ މަޖްލިސްގައި ނުވަތަ ޤާނޫނީ ކަމެއްގައި ވާހަކަ ދެއްކުން
ވަކީލު
ނ (1) ޤާނޫނީ ވަކީލުކަމުގެ ފާސް ލިބިފައިވާ މީހާ (2) ޤާނޫނީ ނުވަތަ ޝަރުޢީ ކަމެއްގައި މީހެއްގެ ފަރާތުން ހުންނަމީހާ (3) އޭޖެންޓް (4) ބަދަލުގައި ހުންނަ މީހާ
ވައިއެނބުރުން
މ (1) ޖެހޭވައި އެކިދިމަދިމާއަށް ބަދަލުވުން މިހެންވަނީ ދެމޫސުން ބެދޭ ދުވަސް ވަރަށެވެ (2) މަޖާޒު: ކަމެއްރާވާގޮތް ނޫން އެހެން ގޮތަކަށް ބަދަލުވުން
ވައިމަތިބެލުން
މ (1) ވިއްސާރަ އަންނަންއުޅޭތޯ ނޫޅޭތޯ ބެލުން (2) ކަން ކުރާން އުޅުމުގައި ނުރައްކައުތެރިކަމެއް ވޭތޯބެލުން (3) މަޖާޒު: އަމުރުވެރިޔެއްގެ ރުހުން ހުރިނެތްގޮތް ބެލުން
ވައް
ނ (1) ގަސްގަހުގައި ގަންނަ މޭވާ ފަދަ ތަކެތި. މީގެ ތެރޭގައި ކާތަކެއްޗާއި ކައިނޫޅޭ ތަކެތި ހިމެނިގެންވެއެވެ. (2) އިހާގޮނޑީން ފަޅައިފައި ހުންނަ ތަންތަން. ގޮބޮޅިއާއި އެތުމައު ގެންފައި ހުންނާނީ މީގައެވެ. (3) އޮޑިދޯނި ފަހަރުގެ ފަށަނުން މައްޗަށް ދެފަރާތަށް ވާނޭހެން ދެކަތްޕަށް ހުންނަ ވައް. )ބުޑުވައް( (4) އޮޑިދޯނި ފަހަރުގެ ވަތްވަތުގައި މަޑޫތައް ހިފެހެއްޓުމަށް އެތެރެ ފަރާތުން ބަނޑު ފިލާގައި އަޅާވައް. )ފައިވައް( (5) ބައެއް ވެޔޮވެލާއި ބައެއް ގަސްގަހުގައި ދެފައިކައްޓަށް ހެދިފައި ހުންނަ ގޮފި މޫފަދަ އެއްޗެހި
ވައްބަހުންޖެހުން
މ މީހަކު ކުރާ ކަމަކާއިމެދު އެހެން މީހުންނަށް އެކަމެއް އޮޅުން ނުފިލާނޭ ގޮތަކަށް އެމީހާއާއި ދިމާއަށް އެއްޗެއް ބުނުން މިހެން ގިނައިން ބުނަނީ އެމީހާ އާއި ދިމާޔަށް ބުނިއެއްޗެއް ނޫންކަމަށް ހަދައިފައެވެ
ވައްބަސް
ނ (1) ސީދާ ނޫން ގޮތަށް މާނަލައިފައި ބުނާ ބަސް (2) ހުޅަތް
ވަދެގަތުން
މ (1) )ވެދެގަތުން( ކުޅިޖަހަން ނުކުތުމަށްޓަކައި ކަނޑި ނުވަތަ ލޮންސި ފަދަ އެއްޗެއް ހިފައިގެން ފަސްގަނޑަށް ނުކުމެ ކުރުނީސް ކުރުން. ހިފުމުގެ ތެރޭގައި ކުރާ ކަމަކަށްވެސް މިހެން ކިޔައެވެ. (2) ތަނަކަށް ނުވަތަ ކަމެއްގެ ތެރެއަށް ގަދަކަމުން ނޫންނަމަ ކުއްލި ގޮތަކަށް ވަނުން (3) ތިމާއާ ނުބެހޭކަމެއްގެ ތެރެއަށް ވަނުން
ވަތިއެޑުން
މ )ޏ.ސ.( ގަލުއެޅުން. )އަޑިއަށް ފައްތާ ނަގިލި ބުޅިނަނު ވާ ފަދަ ތަކެތި ގަލެއްގައި ނުވަތަ އެނޫންވެސް އެއްޗެއްގައި އަޅައި ގަނެގެން ނުނެއްޓުން
ވަތްކަހާލުން
މ (1) ދިޔަވަތުގައި ހުރި ދިޔަގަނޑު ހިއްކައި މުޅިން ހުސް ކޮށްލުން (2) މަޖާޒު: ތަނެއްގައި ހުރި ހުރިހައި އެއްޗެހި ނުވަތަ އޭގެ ތެރެއިން ވަރަށް ގިނަ އަދަދެއް ވަގަށް ނުވަތަ އެނޫންވެސް ގޮތަކުން އެއްފަހަރާ ގެންދިއުން
ވަލީ
ނ (1) ޤާނޫނީގޮތުން ލިބިދޭ އެންމެ މަތީ ބާރު (2) އަންހެނަކު މީހަކާ އިންނަން ހުއްދަދިނުމުގެ ބާރު (3) ނއ ކަލާނގެ ހަޟްރަތާކުއްތަން