radheef.info
ރަދީފު


ނާ
ނ (1) ނައު. (2) ނަވު. (3) އކ. ސުވާލާ ދެކޮޅަށް ދޭޒުވާބު. ނުވަތަ ޒުވާބުގެ ކުރީގައި ބުނާ އަކުރެއް. މިސާލު: "ކަލޭނުކާނޫތަ؟" އެހީމާ "ނާ" ބުނެފިނަމަ އެބުނީ ކާނަމެވެ. މިއަކުރު ޒުވާބުގެ ކުރިއަށް ގެންނަ ގޮތަކީ "ކަލޭނުކާނޫތަ؟" އެހީމާ "ނާ" ކާނަންމިއެވެ. (4) ޗާނދާލައިފައި ހުންނަ ހަތަރެސްކަން ރިޔާ ނުވަތަ ގޯސީނަގައިގެން ދުއްވާތަކެތި. (5) ބައެއް ބަސް އެބަހުގެ އިދިކޮޅު މާނައިގައި ބޭނުންކުރާއިރު ބަހުގެ ކުރިއަށް ގެންނަ އަކުރެއް. މިސާލު: ނާއުންމީދު ނާތަހުޒީބު
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ކަރުނަގޭސް
ނ ލޮލުން ކަރުނަ އަންނަ ގޭސް މިގޭސް ބޭނުން ކުރަނީ މުޒާހިރާ ފަދަ އެއްވުންތައް ރޫޅައިލުމަށްޓަކައެވެ މިގޭސް ދޫކުރުމުން ލޮލުން ފެންއަންނާނެއެވެ
ކޯވަޅަ
ނ ފަތްޕިލާވެލީގެ ބާވަތެއް މިވެލުގެ ފަތް ހުންނާނީ ތޮރާވެލުގެ ޅަފަތް ހުންނަހެންނެވެ ތޮރާވެލުގެ ފަތަށްވުރެ މިފަތް ބޯވާނެއެވެ މިވެލުގައި އަޅަނީ ހިމަދިގުކޮށް ހުންނަ ތޮޅިއެކެވެ މިތޮޅީގެ އެތެރޭގައި މުރާކި އޮށް ހެން ހުންނަ އޮށްތަކެއް ހުރެއެވެ
ކޯދޮންނަލޯ
ނ މީހުން އަތްދޮއްވައި ކޯދޮއްވައި ހަދާންގެންގުޅޭ ކަންވާރެއް މިބޭނުންކުރަނީ ނަމޫނާ ކުރަޔާ އެކުގައެވެ
ކޯތާފަތް
ނ ކަންކައްޓާއި މިޔަކަނާ ދޭތެރެ
ކޯތެޅުން
މ ގިނައިރުވާންދެން އަނގަ ގަދަކުރުން މިއީ ހިތާނުވެގެން މަލާމާތުގެގޮތުން ބުނާބަހެކެވެ
ކޯލާވާޓަރު
ނ ހުވަނދު އެޅި ބަނގު އާތްވެއް ފެންވަރައިގެން ގައިގައި މީރުވަސް ދުއްވުމަށާއި ބޮލުގައި ރިހުން ފަދަ ބަލިބަލި ޖެހުމުން ފެނާ އެއްކޮށްގެން ބޮލަށް އަޅަންވެސް މި ބޭނުންކުރެއެވެ
އަހަރެން
ނ މީހަކުތިމާއޭ ބުނާން ބުނާގޮތް
އަހި
ނ ބަނބުކޭލުގެ ބައްޓަމުގައި ކުދިކޮށްހުންނަ ދޮންވީމާ ގަދަވަހެއް ދުވާވައް އަޅާގަސް މީގެ ފަތް ހުންނާނީ ޅޮސްފަތްހެން އެއަށްވުރެ ދިގު ކޮށްނެވެ ވިޔާމީހުން އުއިރަތް ކުރާން މިގަހުގުގެމޫ ބޭނުންކުރެއެވެ
އައްޓަށްގެންދެވުން
މ ހަނގުބޭކަލުން މަޖިލީހަށް އަރާ ބޭކަލުން ބޮޑު ބޭކަލުން ވަރު ތެރެއަށް ލެއްވީމާ ފުރަތަމަ ދަމަށް ދުރުވާންޖެހޭ ރޭ އެއަށްޓެއްގެ ބޭކަލުން ދުރުވެ އެމީހަކު ގޮވައިގެން ދަމުއަށްޓަށް ދުރުވުން އެގެއެއްގައި އަށީ ބޭކަލުންނަށް އަވެލި ހުންނާންވާނެއެވެ އެރޭ އައްޓަށް އަރުއްވާފައި އެބޭކަލަކު ދުރުވާނީ ގެޔަށެވެ
އައްޔާމެން
ނ ދެކުނު އިންޑިޔާގެ ކަނޑު ކައިރީ ރަށްރަށުގައި އުޅޭ ކުލީމީހުންނާއި ދެރަވަރު މީހުންނަށް ދިވެހީން ކިޔާގޮތް
އައްޗީ
އ އެއްޗެއްގައި ހުރި ހަޑިކަން ނުވަތަ ހުތުރުކަން ނޫނީ ހިތާނުވާކަން ދައްކާން ބުނާ ބަހެއް
އަވަހާރަ
އ (1) ގަނޑުވަރުތެރޭ ބޭފުޅުންގެ ބައެއް އެއްޗެހިކޮޅު ގެންދާއިރު އެކަން އެންގުމަށް ބުނާ ބަހެއް (2) ބަޑިބޭހާއި އަލިފާނުގެ ތަކެތި ގެންދާއިރު އެއަށް ރައްކާތެރިވުމަށް ބުނާބަހެއް (3) ނ މބ މަރު (4) ނިދި
އަވަހާރަގޮނޑި
ނ ބަލިވެއުޅޭ މީހުންނާއި ބަލިކަށި މީހުން ހާޖަތަށް ދާން އިށީންނާން ހަދައިފައި ހުންނަ ގޮނޑި މިހުންނަނީ މެދުން ކަނޑައިފައެވެ
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
ވޮށި
ނ (1) ކަންފަތުގެ ހަރުކޮށް ހުންނަ ކައިރިފަށް (2) ކަންފަތު މުދިބައި ހަރުކޮށްފައި އޮންނަ ނަރުގަނޑު މިހަދައިފައި އޮންނާނީ ކަންފަތުގެ ކައިރިފަށާ އެއްބައްޓަމުގައެވެ (3) ތާރައިގެ ހަން ބާރުކުރުމަށް އެތެރެ ފަރާތުން ޖައްސާ އެއްތެޔޮ ފަދަ ތަކެތި (4) ބައެއްތަކެތީގެ ކައިރިފަށުގައި ހަރުކޮށްފައި އޮންނަ ބާވަތެއްގެ ދުންޏެއް (5) ބެރުގެ ހަން ބާރުކުރުމަށްޓަކައި ފުރައިނަނުލައްވައިފައި އޮންނަ ދުނި (6) ބައިސްކަލުގެ ފުރޮޅުގެ ބުރު
ވޮށިމަސްމިޔަރު
ނ ވޮށިމަހާ ގާތްކުރާ ސިފަޔަކަށް ހުންނަ ނުލަފާ މިޔަރެއް މީގެ އަނގައިގައި ދަތް ހުންނާނީ ދެބަރިއަށެވެ
ވޮށް
ނ ރަންވަށްލޮއިން ހަދައިފައި ހުންނަ ބާވަތެއްގެ އެލުވާ ބައްތިއެއް. ޢާންމުގޮތެއްގައި މިހުންނާނީ ދެތަބައްލައި މަތީ ތަބަކަށް ކަފައިން އަނބުރައިފައި ހުންނަ ފުއްލައި ކާށިތެޔޮ އަޅައިގެން ދިއްލޭނެ ގޮތަށެވެ ކިތަންމެފުކެއް ދިއްލޭނެހެންވެސް ވޮށް ހަދައިފައި ހުރެއެވެ
ވޮށްއެރުވުން
މ (1) ވޮށް ދިއްލުން (2) ވޮށް ދިއްލުމަށް ތައްޔާރުކޮށް އެވޮށެއް ހުންނަންވީތާކު އެވޮށެއް އެލުވުން މިބަސް މާތްކޮށް ބުނާގޮތަކީ "ވޮށްކޮޅު އެރުވުން" މިއެވެ
ވޮށްފިލާ
ނ ވޮށާ ދިމާމަތީގައި އޮންނަ ފިލާގަނޑު މިފިލާގަނޑު އޮންނާނީ ވަށްކޮންނެވެ