radheef.info
ރަދީފު


ނައި
ނ (1) މޫދުގައި ހަރުކޮނެގެން އިންނަ އިހިފާޑުގެ ކުޑައެއްޗެއް މިކަށި ޖަހައިފިނަމަ ވަރަށް ދިލަ ނަގާނެއެވެ (2) )ޅ ( މަސްކާށި ދޫންޏެއް ކަހަލަ ފެހިކުލައިގެ ކުޑައެއްޗެއް
އާރޮސް
ނ ކަށިކޭލުގައި ހިލާ ބާވަތެއްގެ ގިތެޔޮނުލައި ހަލުވާއެއް. މިބަބުކޭލާއި އަލާގައިވެސް ހަދައެވެ. މިހުންނަނީ ހިކި ކެޔޮފަތަށް ލައިފައެވެ. މިގިނައިން ހަދަނީ ހުވަދު އަތޮޅު އައްޑު އަތޮޅު ފުވައްމުލައް މިތަންތާގައެވެ
އާބާފިލި
ނ ތާނައިގައިނަމަ އަކުރުގެ މަތީގައިޖަހާ ތެދުދެފިލި
އާމަނަކަތެޔޮ
ނ އާމަނަކަ ގަހުގެ އޮށުން ހާނައިފައި ހުންނަ ތެޔޮ މިއީ ވަރަށް މޮޅު ޖުއްލާބެކެވެ
އިހަށްއެދުރު ދެއްކިގޮތަށްފަހުން އެދުރުކަން ކުރުން
)މިސާލުބަހެއް( ކުރިން ހުރިމީހާކަންތައް ކުޅަގޮތަށޭ ފަހުން ހުންނަމީހާ ކަންތައްކުރާނީ މިބަސް ގިނައިން ބުނެއުޅެނީ ކުރީގައި ހުރި މީހާކޮށްފައި އޮތް ނޭދެވޭ ކަމެއް ފަހުން ހުރިމީހަކު ހަމައެގޮތަށް ކޮށްގެން އުޅޭ ވަގުތުގައެވެ
އިހި
ނ (1) ޑިނގާ ފާޑުގެ އެއަށްވުރެ ބޮޑު މޫދުގައި އުޅޭ ދިރޭ އެއްޗެއް މިގިނައިން އުޅެނީ ތޮށިމަތީގައެވެ (2) އޮޑިދޯނިފަހަރުގެ ބުޑުވަކުގެ މައްޗަށް ފުރަތަމަ އަޅާ ހުރަސް
އިހިކުނޑި
ނ އޮޑިފަހަރު ބަންނައިރު އިހިއެޅީމާ އިހިގަނޑުގެ ދެކޮޅުގައި ބާއްވާ ކުޑަ ދެބޯކިބާ މިއީ އޮޑިވެރީންގެ ފަރާތުން ދޭންވާ އާދައެކެވެ
އިހިކެނޑި
ނ ދޯނިފަހަރު ބަންނައިރު އިހިއަޅާން ޖަހާމަޑޫ
އިހިކޮނޑި
ނ ދޯނިފަހަރު ބަންނައިރު އިހިއަޅާން ޖަހާމަޑޫ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އިލާ
ނ ރުކުގެ ބޮންތީގެ ބުޑުދޮށުގައި އޮޅިފައި ހުންނަ ދޯހަޅިއެއްޗެއް ކާށިކިރުފެލާން މިވަރަށް ގިނައިން ގެންގުޅެއެވެ
އިލި
ނ ދެއެއްޗެއް ހަރުކުރާއިރު މޮހޮރުގެ ބަދަލުގައި ޖަހާން ލަކުޑީން ފޯލިކޮށް އެއްކޮޅަށް ހިމަކޮށް ހަދާ އެއްޗެއް އޮޑިދޯނިފަހަރު ބަންނައިރު ގިނައިންޖަހައި އުޅެނީވެސް މިއެވެ
އިސްދަން
ނ އަވަށް އަވަށުގައި ދަން ބަހައިފައި އޮންނައިރު އޭގެ ތެރެއިން އެންމެ ކުރިއަށް އޮންނަ ދަން
އިސްލާންދީން
ނ އީމާންކަމުގެ ގޮތުން މާތްﷲ ގެ އެއްކައުވަންތަކަން ޤަބޫލުކޮށް އެކަލާނގެ ކިބަފުޅަށް ކިޔަމަންވެގެން ތިބޭމީހުންގެ ދީން މިހާރު މިބަސް ގިނައިން ބޭނުންކުރަނީ ސަލާމާއި ޞަލަވާތްލެއްވި މުހައްމަދުގެފާނުންގެ ދީނަށެވެ
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އުނދޯލި
ނ އިށީނދެގެން ހެއްލާން ހަދައިފައި ހުންނަ ޚާއްޞަ އެއްޗެއް މި ކިތަންމެ ގޮތަކަށް ހަދައިފައި ހުރެއެވެ ރޯނުފުރައިފައިވެސް ހުރެއެވެ މި ގިނައިން ހަދައިފައި ހުންނަނީ ފިލައިންނެވެ
އުނގު
ނ (1) އިށީނދެ އިންނައިރު ދެމާކަޅުވާމަހުގެ ދެމެދު (2) އަނދެގެން ހުންނަ އެއްޗެއްގެމަތީ ކަންގަނޑުން އެއްޗެހި އެޅޭނޭގޮތަށް ހަދައިފައި ހުންނަ ތަން (3) އަނދެގެން ހުންނަ އެތީގެ ތިރީކައިރި އުފުލައިލައި އެއްޗެހި އެޅޭގޮތަށް ހަދައިފައި އޮންނަ ގޮނި މިހެން އުނގު ހަދައިއުޅެނީ ފިރިހެނުންނާއި ކުޑަކުދީންނެވެ
އުއްދަނޑި
ނ ފަތް ހިމަދިގުކޮށް ހުންނަ ފީނިވާގަހެއް މިއީ އޮނުހެދޭހެން ބަދަބަދައަށް ހެދޭ ގަހެކެވެ މީގެ ބޭރު ހިލަތޮށި ނޫންހައި ތަނެއް ފޮނިވާނެއެވެ ހަކުރު ގިނައިން ހަދަނީ މީގެ ދިޔައިންނެވެ މީގެ ރަތާ ހުދާ ދެބާވަތް ހުރެއެވެ
އުއްސަކުރު
ނ ހިމުންކޮށް ހުންނަ ހުދުހަކުރެއް މިގިނައިން ގެންނަނީ ސީނުކަރައިންނެވެ
އުވަލުން
މ އުވަފުރާނައި ފެނުގައި ގިރައިގެން ތާކުހޭކުން