radheef.info
ރަދީފު


ހުންނާ
ނ )ގ ( ރާއެރިން އެތުގައިލާ އެންމެ ކުޑަ ގުޑި
އަނޯނާ
ނ އަތަ ޢާއިލާގެ އެހެނިހެން މޭވާއަށްވުރެ ބޮޑުވާ ފެހިކުލައިގެ މޭވާއެއް ތޮށިގަނޑުގެބޭރުގައި މާހަރުނޫން ކަށިތަކެއްފާޑުގެ ކެހެރި ތަކެއްހެން ހުންނަ އެއްޗިހިތަކެއް ހުންނާނެއެވެ މީގެ ކޮންެމެ އެއްޗެއްގައިވެސް ރަނގަޅަށް ނުއުފެދި ވަޅުވަދެފައި ހުންނަ ތަންކޮޅެއް ހުންނާނެއެވެ ރާއްޖޭގައި މީގެ ގަސް ހެދިފައި ހުންނަނީ ވަރަށް މަދުންނެވެ
އަންހެންކަން
ނ (1) އަންހެނެއްގައި ހުންނާންވީ ސިފަތައް (2) އަންހެނުންގެ ވައްޓާފާޅި (3) އަންހެނުންގެ ޝަހުވާނީ ބާރު
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަންދަރުސާ
ނ ފުއްގަނޑު ކަމީރުކޮށްގެން ކުކުޅުބިސްލައިގެން ތެލުލާ ފޮނިކާއެއްޗެއް މިހުންނާނީ ދޮންކެޔޮކަޖުރު ފާޑަށެވެ
އަންޑާޕޫލް
ނ (1) ހަވީރަށްފޮޅޭ ބޮޑު ހުދުމަލެއް މިމައުހުންނާނީ ތާޅަފިއްޔެއްހެންނެވެ މީގައި މަޑު މީރުވަހެއް ހުންނާނެއެވެ (2) މީގެ ވެޔޮ
އަރުގަފަތްކޮޅު
ނ މިސްކިތްފަދަ ތަންތަނަށް ދެއްވާ ބޯގަފަތްކޮޅު މީގައި ހުންނާނީ އެތަނެއް ބެލެހެއްޓުމަށް ދެއްވާފައިވާ ތަންތަނާއި އެއްޗެއްސެވެ
އަޅުގަނޑު
ނ ތިމާއަށްވުރެމޮޅުމީހުންނާ ވާހަކަދައްކާއިރު އަހަންނޭ ބުނުމުގެ ބަދަލުގައި ބުނާގޮތެއް
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަކަރަކަރާ
ނ ބޭހެއްގެނަން މިހުންނާނީ ހިމަދަނޑިކޮޅުތަކެއް ހެނެވެ މިބިންދައިލައިފައި ކޮޅު ދުލުގައި ޖެއްސީމާ ކުޑަކޮށް ދޫތޮރުފާގޮތެއް ހުންނާނެއެވެ
އަކަޖެހުން
މ (1) އަކަޔަށް ވާނޭހެން ރޮނގުދެމުން (2) ފަންޑިތަވެރީން ވަކި އަދަދަކަށް ހަތަރެސްކަން ގޮޅިތަކެއް ޖެހުން މީގައި ހުންނާނީ ޤަވާޢިދެއްގެ މަތީން އަކުރުތަކެއް ނުވަތަ ޢަޒީމާތަކެއް ޖަހައިފައެވެ
އައްތެލި
ނ (1) ހަމަ ރިޔަލުގަ އަރާކުރެވި އޮޑިޔާ ފޭކުރާން ވިއްދާ ދަނޑި މިދަނޑި މަހާފައި ހުންނާނީ ރިޔަލުގައި ހުންނަ ކޮޑައްޔަށެވެ (2) ކަތިރިޔާ އެއްޗެހި ވަޔަށް ދުއްވާންވީމާ މޯރާކޮޅުގައި ވިއްދާ ދަނޑި
އަވިހި
ނ (1) ދޮންދޫނި ތެރޭގެ ބާވަތެއް މި ހުންނާނީ ދޮންދޫންޏަށްވުރެ ކުދިކޮށް ރަތްކޮށްނެވެ މިއުދުހޭނީ މާ އަވަސް އަވަހަށެވެ (2) ނަކަތް ކިޔާއިރު ހުވަން ނަކަތުގެ ކުރީން ކިޔާ ނަމެއް އެކަމަކު މިއީ ދުވަހެއް ނާންނަ ނަކަތެވެ އަށާވީސް ނަކަތް ހަމަވަނީ މިނަކަތް ލައިގެންނެވެ (3) މަޖާޒު: ހަލުވިކޮށް އުޅޭ މީހުންނާމެދުވެސް މީގެ މިސާލު ދެއެވެ
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަދަރާދަގޮނޑި
ނ އިށީންނަށް ހަދައިފައި ހުންނަ މަޝްހޫރު ގޮނޑިއެއް މިގޮނޑި ދެއަތް ބާއްވަން އަތްގަނޑުލައިފަޔާއި އަތްގަނޑު ނުލައިހުރެއެވެ މިކަހަލަ ގޮނޑީގައި ލެގޭއަތްގަނޑު ހުންނާނެއެވެ
އަތުރޮށި
ނ ފުޠޫރު ދޮލަނގު ހަދާއިރު ހަދާ ރޮއްޓެއް މި ހުންނާނީ ފޮނިރޮށި ހަދާގޮތަށް ހަދައި ތައްގަނޑަކަށް އޮބާފައެވެ
އަތުއޮނު
ނ އަތުން ހިފަހައްޓާފައި ރޯކުރާ ބަޑިބޭހުގެ ކުޅިވަރެއް މިއީ މާޖަހާ އަލިހޮޅިއެކެވެ މިހުންނާނީ އޮނު ކޮޅެއްގައި އައްސައިފައެވެ
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލަބުރި
ނ ދެކޮޅު އެއްވަރަށް ދޮންކުލައިގައި ހުންނަ ބާވަތަކުގެ ގުޅިއެއް މީގެ މަތިވެސް ހުންނާނެއެވެ
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލިނަރު
ނ ބަޑިބޭހު ކުޅިވަރުތެރޭގައި ގެންގުޅޭ ރޯކުރީމާ ރީތިހުދު އައްޔެއްވާ ހިމަނަރެއް މީގެ ދެބާވަތެއް ހުރެއެވެ އެއީ މާޖަހާނަރާއި މާނުޖަހާނަރެވެ މާޖަހާނަރު ހުންނާނީ ނަރުފަށެއްގެ އެއްބުރީގައި ބަޑިބޭސް ލާފައެވެ މާނުޖަހާ ނަރުހުންނާނީ ބާދަލާފަށެއް ހެންނެވެ