radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ސަބުދެލި
ނ ގަހެއްގައި އަޅާ ފޮނިމޭވާއެއް މި ދޮންވީމާ ފުށްގޮތެއް ހުރެއެވެ މީގެ ބޭރުތޮށި ހުންނަނީ ވިލާތު އަލުވީގެ ތޮށީގައި ހުންނަ ކުލަޔާ ގާތް ކުލައެއްގައެވެ
ސަކަބަޑި
ނ މާބޮޑަށް ސަކަޖަހާ ކުދިންނަށް ނުވަތަ މީހުންނަށް ކިޔާނަމެއް
ސައިކުރާ
ނ ސައި ކައްކަން ބޭނުންކުރާ ކަންވާރެއް މިއީ ފެން އޮއްސުމަށް ވައްގަނޑެއް ލައިފައި ހުންނަ އެއްޗެކެވެ ހިފާނެ އުޅައްގަނޑެއްވެސް ހުރެއެވެ މީގެ މަތި ހުންނަނީ ނަގައިޖެހޭ ގޮތަށެވެ
ސައިމާ
ނ ފަތުގައި ތުނޑު ހުންނަ މެދުމިނަކަށް ހެދޭ ގަހެއްގައި އަޅާ ބޮޑުމަލެއް މީގެ އެކިވަރައްތަރު ހުރެއެވެ މިސާލު: )ހ( ކަރުލީ ސައިމާ )ށ( ބޮނޑި ސައިމާ
ސައިފަތް
ނ ސައިފަތް ގަހުގެ ފަތް. މިއީ ތިރިކޮށް ހެދޭ ގަހެއްގެ ފަތެވެ. މިފަތް ހޫނުފެނަށް އެޅުމުން ފެނުގައި ކުލަހިފައެވެ. މީގެ ދެކުލައެއް ހުރެއެވެ. އެއީ ރަތްކުލައާއި ފެހިކުލައެވެ. މިއީ ހޫނުފެނަށް އަޅައި ކުލައާއި ރަހަނެރެ ބޯންބޭނުންކުރާ އެއްޗެކެވެ މިގޮތަށް ތައްޔާރު ކޮށްފައި ހުންނަ އެއްޗިއްސަށް ކިޔަނީ ސައެވެ
ސައިފަތްގަސް
ނ އެގަހެއްގެ ފަތް ހޫނުފެނަށް އަޅައިގެން ބޯންބޭނުންކުރާ ގަހެއް މިގަހުގެ ފަތަށް ކިޔަނީ ސައިފަތެވެ މީގެ ދެވައްތަރެއް ހުރެއެވެ އެއް ވައްތަރެއް ހޫނު ފެނަށް އެޅީމާ ހުންނަނީ ރަތްކުލައެވެ އަނެއް ވައްތަރެއް ހޫނުފެނަށްއެޅީމާ ހުންނަނީ ފެހިކުލައެވެ ދުނިޔޭގައި އެންމެ ޢާންމުކޮށް ބޭނުންކުރެވެނީ ރަތްކުލައެވެ
ސައިތާނު
ނ (1) ނުބައިކަން ހައްދު ފަހަނަޅައިފައި ތިބޭ މީހުންނަށް ނުވަތަ ކުދިންނަށް ނިސްބަތް ކުރާ ނަމެއް (2) ޖިންނީންގެ ތެރޭގައި ހިމެނޭ ނުބައި އެއްޗެހި (3) އިބިލީސް
ސައިތާނުހިފުން
މ މީހާގައި ނުބައި ނުލަފާގޮތް އަށަގަތުން
ސައިޕޯޓު
ނ (1) ކުރުއަލަމާރި ބުރިއެއް މީގެ މަތީގައި ތައްޓާއި ޖޯޑުފަދަ އެއްޗެހި ބަހައްޓައިގެން މޭޒެއްގެ ގޮތުގައި ބޭނުންކުރެވެއެވެ (2) ކަފޭރާ
ސައްބު
ނ (1) ހުދުކުލައިގެ މަޢުދަނީ ލޮނެއް މިއީ ބޭހަށް ބޭނުންކުރާ އެއްޗެކެވެ މީގައި ދޫތޮރުފާގޮތެއް ހުރެއެވެ މި ހުންނަނީ ގަނޑުގަނޑަށް ހަރުކޮށެވެ (2) މަޖާޒު: ތުނބުޅި މަތިމަސް ނުފަޅާ ފިރިހެނާ
ސައްކަރަންޏާ ދޮރޯށި
ނ ގުޅަކުޅޭ ފަސްގަނޑުން އުތުރަށް ދާން ނުކުންނަ ދޮރޯށި މިދޮރޯށި ހުރީ ސިފައިންގެ ގޭގެ ހުޅަނގުން އިބްރާހީމީ މަގުގެ ދެކުނު ކޮޅުގައެވެ
ސައްކެޔޮބޮލި
ނ ސައްކެޔޮ އޮށުގެ ސިފައިގައި ދިގުކޮށް ހުންނަ ބޮއްޔެއް މީގެ އެކިކުލައިގެ ފަސްވައްތަރު ބޮލި ހުރެއެވެ
ސަލާންބަލައިގަތުން
މ މީހަކު އައްސަލާމް ޢަލައިކުމް މިހެން ބުނުމުން އެއަށް ޖަވާބުދިނުން
ސަލާންޖެހުން
މ (1) މީހެއްގެ ގާތަށްގޮސް އެއްޗަކަށް އެދި ސަލާން ގޮވުން (2) މަޖާޒު: އާދޭސް ކުރުން
ސަލާމަތި
ނ (1) ނާ ފަހަރާއި އޮޑިފަހަރުގެ ނަގިލީގައި ޖަހާ ކެނބުގެ ބާވަތެއް. (2) ބައެއް ރަސްމީ ކަންކަމުގައި ޢިއްޒަތް ދިނުމުގެ ގޮތުން ބަޑިބެރު ފަށާއިރު ޖަހާލަވައެއް
ސަލާމަތިޖެހުން
މ ބައެއް ރަސްމީ ކަންތަކުގައި ބަޑިބެރު ފަށަން ޖަހާ ބެރެއް ޖެހުން މިސާލު: )ހ( މަޖުލިސުއްތަޝްރީފާތު ފެށޭނީ ތިންބަޑި ޖެހުމާއެކު ބަޑިބެރުން ސަލާމަތި ފެށީމައެވެ )ށ( ގަނޑުވަރު ތެރޭގެ ބޭފުޅަކު އަންހެން ބޭފުޅަކައިގެން ރައްކާވެއްޖެނަމަ ބަޑިބެރު ފަށާނީ ސަލާމަތިންނެވެ
ސަލީބަށްއެރުވުން
މ މި ސިފަޔަށް ހަދައިފައި ހުންނަ ކާލިނގަކަށް މީހަކު އަރުވައި މޮހޮރުޖަހައި ހައްޔަރުކޮށް މަރައިލުން
ސަލްވާ
ނ ކޮތަރަށްވުރެ ބޮޑު ކުކުޅަށްވުރެ ކުޑަ ދޫންޏެއް މިއީ ބަނީ އިސްރާއީލު ބާގައިގެ މީހުން ސީނާގައި ތިބި ދުވަސްވަރު އެމީހުނަށް ﷲ ތަޢާލާ ދެއްވި ޚާއްޞަ ކާނާއެކެވެ މި ކާނާގައި ހިމެނެނީ މަންނަ ކިޔާ ފޮނިރަހަލާ އެއްޗަކާއި ސަލްވާއެވެ
ސަޔަށްރިހުން
މ މަޖާޒު: ބަލިވެ އިންނަމީހާ ވިހެއުމުގެ ދުވަސްވަރު ކައިރިވެގެން އަންނައިރު ވިހެއުމުގެ ރަނގަޅު ރިހުމަކަށް ނުވެ އޭނާގެ ބަނޑުގައިރިއްސާ ރިއްސުން
ސަޖިދަޖެހުން
މ (1) ސަޖިދަކުރުން (2) މަޖާޒު: މީހަކަށް އަޅުވެތިވުން